ಭಾರತ ತಂಡಕ್ಕೆ ನೀಡಿದ ಪ್ರದರ್ಶನವನ್ನು ಐಪಿಎಲ್​ನಲ್ಲೂ ಮುಂದುವರೆಸಲು ಬಯಸುತ್ತೇನೆ: ಕನ್ನಡಿಗ ಪ್ರಸಿಧ್ ಕೃಷ್ಣ

ಇಂಗ್ಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ 54 ರನ್​ ನೀಡಿ 4 ವಿಕೆಟ್​ ಪಡೆಯುವ ಮೂಲಕ ಪಂದ್ಯ ಗೆಲ್ಲಿಸುವಲ್ಲಿ ಪ್ರಸಿಧ್​ ಪ್ರಮುಖ ಪಾತ್ರ ವಹಿಸಿದ್ದರು. ಇದೀಗ ಕೆಕೆಆರ್​ ಪರ ಕಣಕ್ಕಿಳಿಯುತ್ತಿದ್ದು, ಆತ್ಮವಿಶ್ವಾದಿಂದ ಆಡುವುದಾಗಿ ಸ್ಟಾರ್​ ಸ್ಪೋರ್ಟ್ಸ್​ ಕನ್ನಡಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

ಚೆನ್ನೈ: ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಯಲ್ಲಿ ಪದಾರ್ಪಣೆ ಮಾಡಿ ಉತ್ತಮ ಪ್ರದರ್ಶನದ ಮೂಲಕ ಗಮನ ಸೆಳೆದಿದ್ದ ಕರ್ನಾಟಕದ ಪ್ರಸಿಧ್​ ಕೃಷ್ಣ ಈ ವರ್ಷದ ಐಪಿಎಲ್​ನಲ್ಲೂ ತಮ್ಮ ಪ್ರದರ್ಶನವನ್ನು ಕಾಯ್ದುಕೊಂಡು ಹೋಗುವ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಇಂಗ್ಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ 54 ರನ್​ ನೀಡಿ 4 ವಿಕೆಟ್​ ಪಡೆಯುವ ಮೂಲಕ ಪಂದ್ಯ ಗೆಲ್ಲಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಇದೀಗ ಕೆಕೆಆರ್​ ಪರ ಕಣಕ್ಕಿಳಿಯುತ್ತಿದ್ದು, ಆತ್ಮವಿಶ್ವಾದಿಂದ ಆಡುವುದಾಗಿ ಸ್ಟಾರ್​ ಸ್ಪೋರ್ಟ್ಸ್​ ಕನ್ನಡಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

"ನನ್ನಲ್ಲೂ ಕ್ರಿಕೆಟ್​ ಹಾಗೆಯೇ ಉಳಿದಿದೆ, ಭಾರತಕ್ಕಾಗಿ ಆ ರೀತಿ ಪ್ರದರ್ಶನ ತೋರಿದ್ದಕ್ಕೆ ಖುಷಿಯಿದೆ, ತುಂಬಾ ದಿನದ ನಂತರ ಮತ್ತೆ ಹೊಸ ಟೂರ್ನಮೆಂಟ್​ನಲ್ಲಿ ಆಡುತ್ತಿದ್ದೇನೆ. ಅದೇ ರೀತಿಯ ಪ್ರದರ್ಶನವನ್ನು ತೋರಿ ತಂಡವನ್ನು ಗೆಲ್ಲಿಸಿಕೊಡಲು ಬಯಸುತ್ತೇನೆ ಎಂದು ತಿಳಿಸಿದ್ದಾರೆ.

ಮಾರ್ಗನ್​ ವಿರುದ್ಧ ಆಡಿದ್ದು ಮತ್ತು ಇದೀಗ ಜೊತೆಯಾಗಿ ಆಡುತ್ತಿರುವುದರ ಬಗ್ಗೆ ಮಾತನಾಡಿದ ಕೃಷ್ಣ, ಸರಣಿಯ ಸಂರ್ಭದಲ್ಲೂ ಮಾರ್ಗನ್​ ಜೊತೆಗೆ ಒಳ್ಳೆಯ ಮಾತಕತೆ ನಡೆಯುತ್ತಿತ್ತು, ಇಲ್ಲೂ ನಡೆಯುತ್ತಿದೆ. ನನಗೆ ಇದು ತುಂಬಾ ಹಿತಕರವಾಗಿದೆ ಎಂದು ತಿಳಿಸಿದ್ದಾರೆ.

ಕೆಕೆಆರ್​ಗೆ ಬೆಂಗಳೂರಿನಲ್ಲಿ 5 ಪಂದ್ಯಗಳನ್ನಾಡಲಿರುವುದು ನಿಮಗೆ ಯಾವ ರೀತಿ ಅನುಕೂಲವಾಗಲಿದೆ ಎಂದು ಕೇಳಿದ್ದಕ್ಕೆ ಉತ್ತರಿಸಿದ ಕೃಷ್ಣ, "ನಾನು ಚಿನ್ನಸ್ವಾಮಿಯಲ್ಲಿ ಕಳೆದ 10 ವರ್ಷಗಳಿಂದ ಆಡುತ್ತಿದ್ದೇನೆ. ಆ ಜಾಗ ನನಗೆ ಆರಾಮದಾಯಕ ಜಾಗವಾಗಿದ್ದು, ಕೊನೆಯ 5 ಪಂದ್ಯಗಳಲ್ಲಿ ಉತ್ತಮವಾಗಿ ಫಿನಿಶ್​ ಮಾಡಲು ಬಯಸುತ್ತೇನೆ" ಎಂದು ತಿಳಿಸಿದ್ದಾರೆ.

ಇದನ್ನು ಓದಿ: ಬರೋಬ್ಬರಿ 699 ದಿನಗಳ ನಂತರ ಸ್ಪರ್ಧಾತ್ಮಕ ಕ್ರಿಕೆಟ್​ಗೆ ಮರಳಿದ 40 ವರ್ಷದ ಹರ್ಭಜನ್ ಸಿಂಗ್