ಐಪಿಎಲ್ ಫೈನಲ್.. ಧೋನಿ ಸಾಲಿಗೆ ಸೇರಿದ ಮುಂಬೈ ನಾಯಕ ರೋಹಿತ್ ಶರ್ಮಾ

ರೋಹಿತ್​ಗೂ ಮೊದಲು ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಮಹೇಂದ್ರ ಸಿಂಗ್​ ಧೋನಿ(204) ಐಪಿಎಲ್​ನಲ್ಲಿ 200 ಪಂದ್ಯಗಳ ಮೈಲುಗಲ್ಲು ತಲುಪಿದ್ದರು. ಇದೀಗ ರೋಹಿತ್ ಕೂಡ ಧೋನಿ ಸಾಲಿಗೆ ಸೇರಿದ್ದಾರೆ..

ದುಬೈ:ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ ಇಂದು ದುಬೈನ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಐಪಿಎಲ್ ಫೈನಲ್​ನಲ್ಲಿ 200ನೇ ಪಂದ್ಯವನ್ನಾಡುತ್ತಿದ್ದು, ಧೋನಿ ನಂತರ ಈ ಮೈಲುಗಲ್ಲು ತಲುಪಿದ ಮೊದಲ ಆಟಗಾರನಾಗಿದ್ದಾರೆ.

2008ರಲ್ಲಿ ಡೆಕ್ಕನ್​ ಚಾರ್ಜಸ್​ ಪರ ಐಪಿಎಲ್​ಗೆ ಪದಾರ್ಪಣೆ ಮಾಡಿದ್ದ ರೋಹಿತ್ ಶರ್ಮಾ, 2009ರಲ್ಲಿ ಆ ತಂಡ ಚಾಂಪಿಯನ್ ಆಗಲು ಪ್ರಮುಖ ಪಾತ್ರವಹಿಸಿದ್ದರು. ನಂತರ 2011ರ ಮೆಗಾ ಹರಾಜಿನಲ್ಲಿ ಮುಂಬೈ ಇಂಡಿಯನ್ಸ್​ ತಂಡ ರೋಹಿತ್​ರನ್ನು ಖರೀದಿಸಿತ್ತು. ರೋಹಿತ್ ಮುಂಬೈ ತಂಡದಲ್ಲಿ ನಾಯಕನಾಗಿ 4 ಬಾರಿ ಟ್ರೋಫಿ ಎತ್ತಿ ಹಿಡಿದಿದ್ದಾರೆ.

ರೋಹಿತ್​ಗೂ ಮೊದಲು ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಮಹೇಂದ್ರ ಸಿಂಗ್​ ಧೋನಿ(204) ಐಪಿಎಲ್​ನಲ್ಲಿ 200 ಪಂದ್ಯಗಳ ಮೈಲುಗಲ್ಲು ತಲುಪಿದ್ದರು. ಇದೀಗ ರೋಹಿತ್ ಕೂಡ ಧೋನಿ ಸಾಲಿಗೆ ಸೇರಿದ್ದಾರೆ.

ರೋಹಿತ್ ಐಪಿಎಲ್​ನಲ್ಲಿ 199 ಪಂದ್ಯಗಳಿಂದ 5,162 ರನ್​ ಸಿಡಿಸಿದ್ದಾರೆ. ಹಿಟ್‌ಮ್ಯಾನ್‌ ಐಪಿಎಲ್ ಕೆರಿಯರ್​ನಲ್ಲಿ 38 ಅರ್ಧಶತಕ ಹಾಗೂ 1 ಶತಕ ಸಿಡಿಸಿದ್ದಾರೆ.