ನವದೆಹಲಿ: ಭಾರತ ತಂಡ ಕಂಡ ಶ್ರೇಷ್ಠ ನಾಯಕರಲ್ಲಿ ಮೊದಲ ಸಾಲಿನಲ್ಲಿ ನಿಲ್ಲುವ ಎಂಎಸ್ ಧೋನಿಯನ್ನು ಪಾಕಿಸ್ತಾನದ ಬೌಲಿಂಗ್ ಲೆಜೆಂಡ್ ವಾಕರ್ ಯೂನಿಸ್ ಚಾಂಪಿಯನ್ ಆಟಗಾರ ಹೊಗಳಿದ್ದಾರೆ.
ಭಾರತ ತಂಡವನ್ನು ಸೌರವ್ ಗಂಗೂಲಿ ಕಟ್ಟಿ ಬೆಳೆಸಿದರೆ, ಧೋನಿ ಅವರ ಮಾರ್ಗದಲ್ಲಿಯೇ ನಡೆದು ಭಾರತ ತಂಡವನ್ನು ವಿಶ್ವದ ಅತ್ಯುತ್ತಮ ತಂಡವನ್ನಾಗಿಸಿದ್ದರು ಎಂದು ಪಾಕಿಸ್ತಾನದ ಪರ 373 ಟೆಸ್ಟ್ ವಿಕೆಟ್ ಹಾಗೂ 416 ಏಕದಿನ ವಿಕೆಟ್ ಪಡೆದಿರುವ ವಾಕರ್ ಧೋನಿಯ ಸಾಧನೆಯನ್ನು ತಮ್ಮ ಯೂಟ್ಯೂಬ್ ಚಾನೆಲ್ ಹಾಡಿಹೊಗಳಿದ್ದಾರೆ.
ಧೋನಿ ಭಾರತ ತಂಡದ ನೇತೃತ್ವ ವಹಿಸಿಕೊಂಡ ಮೇಲೆ ಭಾರತ ತಂಡದ ಮೊದಲ ಬಾರಿಗೆ ಟೆಸ್ಟ್ ಕ್ರಿಕೆಟ್ನಲ್ಲಿ ನಂಬರ್ ಸ್ಥಾನಕ್ಕೇರಿತ್ತು. ಚೊಚ್ಚಲ ಟಿ20 ವಿಶ್ವಕಪ್(2007) ಹಾಗೂ 28 ವರ್ಷಗಳ ಬಳಿಕ ಏಕದಿನ ವಿಶ್ವಕ(2011) ಹಾಗೂ ಚಾಂಪಿಯನ್ ಟ್ರೋಫಿ(2013)ಯನ್ನು ಭಾರತಕ್ಕೆ ತಂದುಕೊಟ್ಟಿದ್ದಾರೆ.
ಅಭಿಮಾನಿಗಳು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ವಾಕರ್, ಧೋನಿ ಒಬ್ಬ ಅದ್ಭುತ ಕ್ರಿಕೆಟರ್, ಅವರು ತಂಡವನ್ನು ಮುನ್ನಡೆಸುತ್ತಿದ್ದ ರೀತಿಯನ್ನು ಪದಗಳಲ್ಲಿ ವಿವರಿಸಲು ಸಾಧ್ಯವಿಲ್ಲ. ಆತನೋರ್ವ ಅದ್ಭುತ ಹಾಗೂ ಬಹುದೊಡ್ಡ ನಾಯಕ. ಸಣ್ಣ ಹಳ್ಳಿಯಿಂದ ಬಂದು ಇಷ್ಟು ದೊಡ್ಡ ಸಾಧನೆ ಮಾಡಿರುವುದು ಪ್ರಶಂಸೆಗೆ ಅರ್ಹವಾಗಿದೆ ಎಂದು ವಾಕರ್ ಹೇಳಿದ್ದಾರೆ.
ಕೊಹ್ಲಿ ಬಗ್ಗೆ ಕೇಳಿದಾಗ, ಯೂನಿಸ್ “ಟಿ 20 ಸೇರಿದಂತೆ ಎಲ್ಲಾ ಮಾದರಿಯ ಕ್ರಿಕೆಟ್ನಲ್ಲಿ ಕೊಹ್ಲಿ ಉತ್ತಮರಾಗಿದ್ದಾರೆ. ಏಕದಿನ ಮಾದರಿಗೆ ಅವರು ತುಂಬಾ ಸರಿ ಹೊಂದುತ್ತಾರೆ ಮತ್ತು ಅವರು ಟೆಸ್ಟ್‌ನಲ್ಲಿ ಅದ್ಭುತವಾಗಿದ್ದಾರೆ. ಅವರು ಫಿಟ್‌ನೆಸ್‌ನಲ್ಲಿ ತಮ್ಮದೇ ಆದ ವರ್ಚಸ್ಸನ್ನು ಕಾಪಾಡಿಕೊಂಡಿದ್ದಾರೆ. ಅದೇ ಕಾರಣಕ್ಕೆ ಅವರು ಎಲ್ಲರಿಗೂ ಇಷ್ಟವಾಗುತ್ತಾರೆ. ಅವರು ತಾವೂ ಬೆಸ್ಟ್ ಎಂದು ಸಾಬೀತು ಪಡಿಸಲು ಸಾಕಷ್ಟು ಶ್ರಮಿಸುತ್ತಾರೆ, ಅವನು ಒಬ್ಬ ಹೋರಾಟಗಾರ, ಆದ್ದರಿಂದಲೇ ನಾವೆಲ್ಲರೂ ಅವನನ್ನು ಇಷ್ಟಪಡುತ್ತೇವೆ ” ಎಂದು ವಕಾರ್ ಭಾರತೀಯ ನಾಯಕನ ಬಗ್ಗೆ ಗುಣಗಾನ ಮಾಡಿದ್ದಾರೆ.
