ಸೌತಮ್ಟನ್:ಅಫ್ಘಾನಿಸ್ತಾನದ ವಿರುದ್ಧ ಆಮೆಗತಿಯ ಬ್ಯಾಟಿಂಗ್ ಪ್ರದರ್ಶನ ನೀಡಿ, ಟೀಕೆಗೊಳಗಾಗಿದ್ದ ಟೀಂ ಇಂಡಿಯಾ ಅನುಭವಿ ಎಂಎಸ್ ಧೋನಿ ಇದೀಗ ಇದೇ ಪಂದ್ಯದಲ್ಲಿ ಕಳಪೆ ರೆಕಾರ್ಡ್ ನಿರ್ಮಿಸಿದ್ದಾರೆ.
ಸ್ಟಂಪಿಂಗ್ ಬಲೆಗೆ ಬಿದ್ದ ಮಾಹಿ... 8 ವರ್ಷದ ಬಳಿಕ ಧೋನಿ ಹೆಸರಿಗೆ ಕಳಪೆ ರೆಕಾರ್ಡ್!
ವಿಕೆಟ್ ಹಿಂದೆ ಸದಾ ಚುರುಕಾಗಿ ಸ್ಟಂಪಿಂಗ್ ಮಾಡುವ ಎಂಎಸ್ ಧೋನಿ ಅಫ್ಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ ತಾವೇ ಸ್ಟಂಪಿಂಗ್ ಬಲೆಗೆ ಬಿದ್ದು, ನಿರಾಸೆ ಮೂಡಿಸಿದ್ದಾರೆ.
ಧೋನಿ ಸ್ಟಂಪಿಂಗ್
52 ಎಸೆತಗಳಲ್ಲಿ 28ರನ್ಗಳಿಕೆ ಮಾಡಿ ಬ್ಯಾಟಿಂಗ್ ಮಾಡುತ್ತಿದ್ದ ವೇಳೆ ಧೋನಿ ರಶೀದ್ ಖಾನ್ ಬೌಲಿಂಗ್ನಲ್ಲಿ ಸ್ಟಂಪಿಂಗ್ಗೆ ಬಲಿಯಾಗಿದ್ದರು. ಈ ಮೂಲಕ ಕಳೆಪೆ ರೆಕಾರ್ಡ್ ತಮ್ಮ ಹೆಸರಿಗೆ ಬರೆಯಿಸಿಕೊಂಡಿದ್ದಾರೆ. ಈ ಹಿಂದೆ 2011ರಲ್ಲಿ ಅಂದರೆ ಬರೋಬ್ಬರಿ 8 ವರ್ಷಗಳ ಹಿಂದೆ ವೆಸ್ಟ್ ಇಂಡೀಸ್ ವಿರುದ್ಧದ ವಿಶ್ವಕಪ್ ಪಂದ್ಯದಲ್ಲಿ 22ರನ್ಗಳಿಸಿದ್ದ ವೇಳೆ ಮಾಹಿ ಸ್ಟಂಪಿಂಗ್ ಬಲೆಗೆ ಬಿದ್ದಿದ್ದರು. ಇದೇ ವಿಷಯವನ್ನಿಟ್ಟುಕೊಂಡು ಸಾಮಾಜಿಕ ಜಾಲತಾಣಗಳಲ್ಲಿ ಧೋನಿ ವಿರುದ್ಧ ಆಕ್ರೋಶ ಸಹ ವ್ಯಕ್ತಪಡಿಸಿದ್ದಾರೆ.
ಮೈದಾನದಲ್ಲಿ ಮಿಂಚಿನ ಸ್ಟಂಪಿಂಗ್ ಮಾಡಿ ಎದುರಾಳಿ ಆಟಗಾರರನ್ನು ಅಖಾಡಕ್ಕೆ ಬೀಳಿಸುತ್ತಿದ್ದ ಧೋನಿ ಇದೀಗ ತಾವೇ ಬಲಿಯಾಗಿ ನಿರಾಸೆ ಅನುಭವಿಸಿದ್ದು, ಸ್ವಲ್ಪ ಕಸಿವಿಸಿ ಮಾಡಿದೆ.