ಧೋನಿ ಗ್ಯಾರೇಜ್​ಗೆ ಬಂತು ಐಷಾರಾಮಿ ಕಾರು... ನಿಮ್ಮ ಆಗಮನಕ್ಕಾಗಿ ಕಾಯುತ್ತಿದೆ ಎಂದು ಸಾಕ್ಷಿ ಟ್ವೀಟ್​!

ಟೀಂ ಇಂಡಿಯಾ ಹಿರಿಯ ಕ್ರಿಕೆಟಿಗ ಧೋನಿ ಗ್ಯಾರೇಜ್​ಗೆ ಐಷಾರಾಮಿ ಕಾರು ಆಗಮನವಾಗಿದ್ದು, ನಿಮ್ಮ ಬರುವಿಕೆಗಾಗಿ ಕಾಯುತ್ತಿದೆ ಎಂದು ಸಾಕ್ಷಿ ಟ್ವೀಟ್​ ಮಾಡಿದ್ದಾರೆ.

ರಾಂಚಿ:ಟೀಂ ಇಂಡಿಯಾದ ಮಾಜಿ ಕ್ಯಾಪ್ಟನ್​ ಮಹೇಂದ್ರ ಸಿಂಗ್​ ಧೋನಿ ಸದ್ಯ ಜಮ್ಮು-ಕಾಶ್ಮೀರದಲ್ಲಿ ಭಾರತೀಯ ಸೇನೆ ಜತೆ ಲೆಪ್ಟಿನೆಂಟ್ ಕರ್ನಲ್ ಆಗಿ ಸೇವೆ ಸಲ್ಲಿಸುತ್ತಿದ್ದು, ಇದರ ಮಧ್ಯೆ ಅವರ ಮನೆಗೆ ಐಷಾರಾಮಿ ಕಾರು ಆಗಮನವಾಗಿದೆ.

ಮೊದಲಿನಿಂದಲೂ ಕಾರು, ಬೈಕ್​ ಕ್ರೇಜ್​ ಹೊಂದಿರುವ ಧೋನಿ ರಾಂಚಿಯಲ್ಲಿ ಖುದ್ದಾಗಿ ಗ್ಯಾರೇಜ್​ ಹೊಂದಿದ್ದು, ಅಲ್ಲಿ ನೂರಾರು ವಿವಿಧ ಬೈಕ್​ ಹಾಗೂ ಹತ್ತಾರು ಕಾರುಗಳಿವೆ. ಇದರ ಮಧ್ಯೆ ಇದೀಗ ಅತಿ ನೂತನ ಜೀಪ್ ಗ್ರ್ಯಾಂಡ್ ಚೆರೋಕಿ ಐಷಾರಾಮಿ ವಾಹನ ಧೋನಿ ಮನೆಗೆ ಬಂದಿದೆ. ಈ ಕಾರು ದೇಶದಲ್ಲಿ ಇನ್ನು ರಿಲೀಸ್​ ಆಗಿಲ್ಲ. ಇದರ ಮಧ್ಯೆ ಧೋನಿ ಮನೆಗೆ ಗ್ರ್ಯಾಂಡ್​ ಎಂಟ್ರಿ ಕೊಟ್ಟಿದೆ. ಭಾರತದಲ್ಲಿ ಇದರ ಬೆಲೆ ಸುಮಾರು 80 ರಿಂದ 90 ಲಕ್ಷ ಎಂದು ಹೇಳಲಾಗುತ್ತಿದೆ.

ಕೆಂಪು ಬಣ್ಣದಿಂದ ಕೂಡಿರುವ ಕಾರು ಇದಾಗಿದ್ದು, ಇದರ ಪೋಟೋ ಕ್ಲಿಕ್​ ಮಾಡಿ ಸಾಕ್ಷಿ, ನಿಮ್ಮ ಆಗಮನಕ್ಕಾಗಿ ಈ ವಾಹನ ಕಾಯುತ್ತಿದೆ ಎಂದು ಟ್ವಿಟರ್​​ನಲ್ಲಿ ಬರೆದುಕೊಂಡಿದ್ದಾರೆ. ಈಗಾಗಲೇ ಧೋನಿ ಗ್ಯಾರೇಜ್​​ನಲ್ಲಿ ಐಕಾನಿಕ್ ರಾಜದೂತ್ ಬೈಕ್‌, ಅತ್ಯಂತ ದುಬಾರಿ ಹಮ್ಮರ್ ಆಫ್ ರೋಡ್ ಗಾಡಿ ಸಹ ಇದೆ. ಇದರ ಜತೆಗೆ ಹಮ್ಮರ್ ಎಚ್2,ಫೆರಾರಿ 599 ಜಿಟಿಒ, ಜಿಎಂಸಿ ಸಿಯೆರಾ, ಕವಾಸಕಿ ನಿಂಜಾ ಎಚ್2, ಕಾನ್ಫೆಡೇರೇಟ್ ಹೆಲ್‌ಕ್ಯಾಟ್, ಬಿಎಸ್‌ಎ, ಸುಜುುಕಿ ಹಯಾಬುಜ​ಗಳು ಧೋನಿ ತಮ್ಮ ಗ್ಯಾರೇಜ್​​ನಲ್ಲಿ ಸಂಗ್ರಹವಾಗಿವೆ.