ಶಾರ್ಜಾ :ಮಯಾಂಕ್ ಅಗರ್ವಾಲ್ ಭಾನುವಾರ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಶತಕ ಸಿಡಿಸುತ್ತಿದ್ದಂತೆ ಪಂಜಾಬ್ ತಂಡ ಐಪಿಎಲ್ನಲ್ಲಿ ಹೆಚ್ಚು ಶತಕ ಸಿಡಿಸಿದ ತಂಡ ಎಂಬ ಶ್ರೇಯವನ್ನು ಆರ್ಸಿಬಿಯೊಂದಿಗೆ ಹಂಚಿಕೊಂಡಿತು.
ಈ ಐಪಿಎಲ್ಗೂ ಪಂಜಾಬ್ ತಂಡದಿಂದ 11 ಶತಕಗಳು ದಾಖಲಾಗಿದ್ದವು. ಕಳೆದ ವಾರ ಕೆ ಎಲ್ ರಾಹುಲ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಅಜೇಯ 132 ರನ್ಗಳಿಸಿದ್ದರು. ನಿನ್ನೆ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಮತ್ತೊಬ್ಬ ಕರ್ನಾಟಕದ ಬ್ಯಾಟ್ಸ್ಮನ್ ಮಯಾಂಕ್ ಅಗರ್ವಾಲ್ 106 ರನ್ ಗಳಿಸಿದ್ದರು. ಇದು ಐಪಿಲ್ ಇತಿಹಾಸದಲ್ಲಿ ಪಂಜಾಬ್ ಪರ ದಾಖಲಾದ 13ನೇ ಶತಕವಾಗಿತ್ತು.
ಐಪಿಎಲ್ ಇತಿಹಾಸದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಹೆಚ್ಚು ಶತಕ ಸಿಡಿಸಿದ ತಂಡ ಎನಿಸಿತ್ತು. ವಿರಾಟ್ ಕೊಹ್ಲಿ 5, ಕ್ರಿಸ್ ಗೇಲ್ 5 ಹಾಗೂ ಎಬಿಡಿ ವಿಲಿಯರ್ಸ್ 2 ಹಾಗೂ ಮನೀಶ್ ಪಾಂಡೆ 1 ಶತಕ ಸಿಡಿಸಿದ್ದರು.
ಪಂಜಾಬ್ ಪರ ಶಾನ್ ಮಾರ್ಶ್, ಮಹೇಲಾ ಜಯವರ್ಧನೆ, ಪಾಲ್ ವಲ್ತಾಟಿ, ಆ್ಯಡಂ ಗಿಲ್ಕ್ರಿಸ್ಟ್, ಡೇವಿಡ್ ಮಿಲ್ಲರ್, ವಿರೇಂದ್ರ ಸೆಹ್ವಾಗ್, ವೃದ್ಧಿಮಾನ್ ಸಹಾ, ಕ್ರಿಸ್ ಗೇಲ್, ಹಾಸಿಮ್ ಆಮ್ಲ(2), ಕೆ ಎಲ್ ರಾಹುಲ್(2) ಹಾಗೂ ಮಯಾಂಕ್ ಅಗರ್ವಾಲ್ ಶತಕ ದಾಖಲಿಸಿದ್ದಾರೆ.
ಐಪಿಎಲ್ನಲ್ಲಿ ಹೆಚ್ಚು ಶತಕ ಸಿಡಿಸಿದ ತಂಡಗಳು
- ಕಿಂಗ್ಸ್ ಇಲೆವೆನ್ ಪಂಜಾಬ್ -13
- ರಾಯಲ್ ಚಾಲೆಂಜರ್ಸ್ ಬೆಂಗಳೂರು-13
- ಚೆನ್ನೈ ಸೂಪರ್ ಕಿಂಗ್ಸ್- 08
- ಡೆಲ್ಲಿ ಕ್ಯಾಪಿಟಲ್ಸ್/ಡೇರ್ಡೇವಿಲ್ಸ್-08
- ರಾಜಸ್ಥಾನ್ ರಾಯಲ್ಸ್-06
