ಚಿತ್ತಗಾಂಗ್: ಅಫ್ಘಾನಿಸ್ತಾನದ ಆಲ್ರೌಂಡರ್ ಮೊಹಮ್ಮದ್ ನಬಿ ಅಂತಾರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್ಗೆ ವಿದಾಯ ಘೋಷಿಸಿದ್ದಾರೆ.
ವೃತ್ತಿ ಜೀವನದ 3ನೇ ಟೆಸ್ಟ್ ಪಂದ್ಯವಾಡುತ್ತಿರುವ ನಬಿ ಬಾಂಗ್ಲಾದೇಶದ ವಿರುದ್ಧದ ಪಂದ್ಯದ ನಂತರ ಟೆಸ್ಟ್ ಕ್ರಿಕೆಟ್ಗೆ ವಿದಾಯ ಘೋಷಿಸುವುದಾಗಿ ಹೇಳಿಕೊಂಡಿದ್ದಾರೆ.
ವೃತ್ತಿ ಜೀವನದ 3ನೇ ಟೆಸ್ಟ್ ಪಂದ್ಯವಾಡುತ್ತಿರುವಾಗಲೇ ನಿವೃತ್ತಿ ಘೋಷಿಸಿದ ಅಫ್ಘಾನ್ ಕ್ರಿಕೆಟಿಗ
ಟೆಸ್ಟ್ ಕ್ರಿಕೆಟ್ಗೆ ಮಾನ್ಯತೆ ಗಿಟ್ಟಿಸಿಕೊಂಡು ಕೇವಲ 3ನೇ ಟೆಸ್ಟ್ ಪಂದ್ಯವಾಡುತ್ತಿರುವ ಅಫ್ಘಾನಿಸ್ತಾನ ತಂಡದ ಆಲ್ರೌಂಡರ್ ಮೊಹಮ್ಮದ್ ನಬಿ ದಿಢೀರ್ ವಿದಾಯ ಘೋಷಿಸಿದ್ದಾರೆ.
Mohammad Nabi
ನಾನು ಈಗಾಗಲೇ 18 ವರ್ಷಕ್ಕೂ ಹೆಚ್ಚು ಸಮಯ ಅಫ್ಘಾನಿಸ್ತಾನ ತಂಡವನ್ನು ಪ್ರತಿನಿಧಿಸಿದ್ದೇನೆ. ಅಫ್ಘಾನಿಸ್ತಾನದ ಪರ ಟೆಸ್ಟ್ ಆಡಬೇಕೆಂಬ ನನ್ನ ಕನಸು ನನಸಾಗಿದೆ. ನಮ್ಮ ತಂಡ ವರ್ಷಕ್ಕೆ 2 ಅಥವಾ 3 ಪಂದ್ಯಗಳನ್ನಾಡಲಿದೆ. ನನ್ನ ಜಾಗದಲ್ಲಿ ಯುವ ಆಟಗಾರರು ಆಡಿದರೆ ಉತ್ತಮ ಎಂದು ನನಗನ್ನಿಸುತ್ತಿದೆ. ಯುವಕರಿಗೆ ಅವಕಾಶ ಮಾಡಿಕೊಡುವ ಉದ್ದೇಶದಿಂದ ಟೆಸ್ಟ್ ಕ್ರಿಕೆಟ್ಗೆ ವಿದಾಯ ಘೋಷಿಸುತ್ತಿರುವುದಾಗಿ ಎಸಿಬಿಗೆ ತಿಳಿಸಿದ್ದಾರೆ.
ಇನ್ನು ಏಕದಿನ ಹಾಗೂ ಟಿ-20 ಕ್ರಿಕೆಟ್ನಲ್ಲಿ ಹಾಗೂ ಐಪಿಎಲ್, ಬಿಗ್ಬ್ಯಾಶ್ ಲೀಗ್ಗಳಲ್ಲಿ ತಮ್ಮ ಆಟ ಮುಂದುವರಿಸುವುದಾಗಿ ಹೇಳಿಕೊಂಡಿದ್ದಾರೆ. ನಬಿ ಅಫ್ಘಾನ್ ಪರ 3 ಟೆಸ್ಟ್, 121 ಏಕದಿನ ಪಂದ್ಯ ಹಾಗೂ 68 ಟಿ-20 ಪಂದ್ಯಗಳನ್ನಾಡಿದ್ದಾರೆ.