ಸಿಡ್ನಿ: ಆಸ್ಟ್ರೇಲಿಯಾ ತಂಡದ ಮಾಜಿ ನಾಯಕ ಮೈಕಲ್ ಕ್ಲಾರ್ಕ್ಗೆ ಪ್ರತಿಷ್ಠಿತ ಆರ್ಡರ್ ಆಫ್ ಆಸ್ಟ್ರೇಲಿಯಾ ಗೌರವಕ್ಕೆ ಪಾತ್ರರಾಗಿದ್ದಾರೆ.
ಈ ಹಿಂದೆ ಆಸ್ಟ್ರೇಲಿಯಾ ತಂಡದ ಹಿರಿಯ ಆಟಗಾರರಾದ ಅಲೆನ್ ಬಾರ್ಡರ್, ಸ್ಟಿವ್ ವಾ, ರಿಕಿ ಪಾಂಟಿಂಗ್, ಬಾಬ್ ಸಿಂಪ್ಸನ್, ಆಸ್ಟ್ರೇಲಿಯಾ ರಾಷ್ಟ್ರೀಯ ಗೌರವಕ್ಕೆ ಪಾತ್ರರಾಗಿದ್ದರು. ಇದೀಗ 2015ರ ವಿಶ್ವಕಪ್ ವಿಜೇತ ತಂಡದ ನಾಯಕನಾಗಿದ್ದ ಮೈಕಲ್ ಕ್ಲಾರ್ಕ್ಗೆ ಪ್ರತಿಷ್ಠಿತ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ಈ ಕುರಿತು ಪ್ರತಿಕ್ರಿಯಿಸಿದ ಮೈಕಲ್ ಕ್ಲಾರ್ಕ್, ನಿಜವಾಗಿ ಹೇಳುತ್ತೇನೆ, ಈ ಸುದ್ದಿ ತಿಳಿದು ಜೂನ್‌ನಲ್ಲಿ ಏಪ್ರಿಲ್‌ ಫ‌ೂಲ್‌ ಆದಂತಾಗಿದೆ. ಬಹಳ ಅಚ್ಚರಿಯಾಗಿದೆ ಜೊತೆಗೆ ಅಷ್ಟೇ ಸಂತೋಷ ಕೂಡ ಆಗಿದೆ.
ಎಲ್ಲಾ ಕ್ರೀಡೆಗಳಂತೆ ಕ್ರಿಕೆಟ್ ಈ ದೇಶದ ಸಂಸ್ಕೃತಿಯ ದೊಡ್ಡ ಭಾಗವಾಗಿದೆ ಎಂದು ನಾನು ನಂಬಿದ್ದೇನೆ. ಆದರೆ ಕ್ರಿಕೆಟ್ ನಮ್ಮ ದೇಶದಲ್ಲಿ ಹೆಚ್ಚು ಪ್ರಬಲವಾಗಿದೆ. ಇದು ನಮ್ಮ ರಕ್ತದಲ್ಲಿದೆ ಮತ್ತು ನೀವು ಅದನ್ನು ಕುಳಿತು ನೋಡದಿದ್ದರೂ ಸಹ, ಕ್ರಿಕೆಟ್‌ನ ಶಬ್ದವೇ ಬೇಸಿಗೆಯನ್ನು ಪ್ರತಿನಿಧಿಸುತ್ತದೆ ಎಂದು ಹೇಳಿದ್ದಾರೆ.
ಮೈಕಲ್ ಕ್ಲಾರ್ಕ್ 115 ಟೆಸ್ಟ್, 245 ಏಕದಿನ ಕ್ರಿಕೆಟ್ ಪಂದ್ಯ ಹಾಗೂ 34 ಟಿ20 ಪಂದ್ಯಗಳನ್ನು ಆಡಿದ್ದು, ಟೆಸ್ಟ್ನಲ್ಲಿ 8,643 ರನ್, ಏಕದಿನ ಕ್ರಿಕೆಟ್ನಲ್ಲಿ 7,981 ಹಾಗೂ ಟಿ20ಯಲ್ಲಿ 488 ರನ್ ಗಳಿಸಿದ್ದಾರೆ.