ಸ್ಪೋಟಕ ಬ್ಯಾಟ್ಸ್​​ಮನ್​ಗೆ ಕೆಕೆಆರ್​​ ಮಣೆ... ತಂಡದ ಸಹಾಯಕ ಕೋಚ್​ ಆಗಿ ಬ್ರೆಂಡನ್​ ಮೆಕಲಂ!

ಇಂಡಿಯನ್​ ಪ್ರೀಮಿಯರ್​ ಲೀಗ್​​ನ ಮುಂದಿನ ಆವೃತ್ತಿಗಾಗಿ ಎಲ್ಲ ಪ್ರಾಂಚೈಸಿ ಈಗಿನಿಂದಲೇ ತಯಾರಿ ನಡೆಸುತ್ತಿದ್ದು, ಸ್ಫೋಟಕ ಬ್ಯಾಟ್ಸ್​​ಮನ್​ಗೆ ಕೆಕೆಆರ್​​ ಮಣೆ ಹಾಕಿ, ತಂಡದ ಸಹಾಯಕ ಕೋಚ್​ ಆಗಿ ನೇಮಕ ಮಾಡಿಕೊಳ್ಳಲು ಮುಂದಾಗಿದೆ.

ಕೋಲ್ಕತ್ತಾ:ಮುಂದಿನ ಆವೃತ್ತಿ ಇಂಡಿಯನ್​ ಪ್ರೀಮಿಯರ್​ ಲೀಗ್​ಗಾಗಿ ಎಲ್ಲ ಪ್ರಾಂಚೈಸಿ ಈಗಿನಿಂದಲೇ ತಯಾರಿ ನಡೆಸಿದ್ದು, ತಮ್ಮ ತಮ್ಮ ತಂಡ ಬಲಿಷ್ಠ ಮಾಡಲು ಯೋಜನೆ ರೂಪಿಸಿಕೊಳ್ಳುತ್ತಿವೆ. ಇದರ ಮಧ್ಯೆ ಕೋಲ್ಕತ್ತಾ ನೈಟ್​ ರೈಡರ್ಸ್​​​ ಸ್ಪೋಟಕ ಬ್ಯಾಟ್ಸ್​​​ಮನ್​ಗೆ ಮಣೆ ಹಾಕಿದೆ ಎಂದು ತಿಳಿದು ಬಂದಿದೆ.

ನ್ಯೂಜಿಲ್ಯಾಂಡ್​ ಕ್ರಿಕೆಟ್​​ನ ಮಾಜಿ ಸ್ಫೋಟಕ ಬ್ಯಾಟ್ಸ್​​ಮನ್​ ಬ್ರೆಂಡನ್​ ಮೆಕಲಂಗೆ ತಂಡದ ಸಹಾಯಕ ಕೋಚ್​ ಆಗಿ ನೇಮಕ ಮಾಡಿಕೊಳ್ಳಲು ಕೆಕೆಆರ್​ ಮುಂದಾಗಿದೆ ಎಂದು ತಿಳಿದು ಬಂದಿದೆ. ಇದಕ್ಕೆ ಸಂಬಂಧಿಸಿದಂತೆ ಶೀಘ್ರದಲ್ಲಿ ಪ್ರಾಂಚೈಸಿ ಪ್ರಕಟಣೆ ಸಹ ಹೊರಡಿಸಲಿದೆ ಎನ್ನಲಾಗಿದೆ. 2016ರಲ್ಲೇ ಅಂತಾರಾಷ್ಟ್ರೀಯ ಕ್ರಿಕೆಟ್​​ನಿಂದ ನಿವೃತ್ತಿ ಪಡೆದುಕೊಂಡಿರುವ ಈ ಪ್ಲೇಯರ್​ ವಿವಿಧ ದೇಶಗಳಲ್ಲಿ ನಡೆಯುವ ಚುಟುಕು ಕ್ರಿಕೆಟ್​​ನಲ್ಲಿ ಭಾಗಿಯಾಗುತ್ತಿದ್ದಾರೆ.

ಈಗಾಗಲೇ ತಂಡದ ಮುಖ್ಯ ಕೋಚ್​ ಆಗಿ ದಕ್ಷಣ ಆಫ್ರಿಕಾದ ಮಾಜಿ ಆಟಗಾರ ಜಾಕ್​​ ಕಾಲಿಸ್​​ ಹಾಗೂ ಆಸ್ಟ್ರೇಲಿಯಾದ ಸೈಮನ್​ ಕಾಟಿಚ್​ ಕಾರ್ಯನಿರ್ವಹಿಸುತ್ತಿದ್ದಾರೆ. ಸೈಮನ್​ ಕಾಟಿಚ್​ ಸ್ಥಾನಕ್ಕೆ ಮೆಕಲಂ ಆಯ್ಕೆಗೊಳ್ಳಲಿದ್ದಾರೆ ಎಂದು ತಿಳಿದು ಬಂದಿದೆ.

ಈಗಾಗಲೇ 2008ರಲ್ಲಿ ಬ್ರೆಂಡನ್​ ಮೆಕಲಂ ಕೋಲ್ಕತ್ತಾ ನೈಟ್​ ರೈಡರ್ಸ್​ ತಂಡದ ಪರ ಬ್ಯಾಟ್​ ಬೀಸಿರುವ ಅನುಭವ ಹೊಂದಿದ್ದಾರೆ. ಜತೆಗೆ 2009ರ ಆವೃತ್ತಿಯಲ್ಲಿ ಆರ್​​​ಸಿಬಿ ವಿರುದ್ಧದ ಪಂದ್ಯದಲ್ಲಿ 158ರನ್​ಗಳಿಸಿದ್ದರು. ಕಿವೀಸ್​ ತಂಡದ ಪರ 260 ಏಕದಿನ ಪಂದ್ಯಗಳನ್ನಾಡಿರುವ ಈ ಪ್ಲೇಯರ್​​ 6,083 ರನ್,101 ಟೆಸ್ಟ್​ ಪಂದ್ಯಗಳಿಂದ 6,453 ರನ್​ ಕಲೆಹಾಕಿದ್ದಾರೆ. 302ರನ್​ಗಳಿಸಿರುವುದು ಇವರ ಟೆಸ್ಟ್​ನ ಅತಿ ದೊಡ್ಡ ಸ್ಕೋರ್​ ಆಗಿದೆ.