ಮುಂಬೈ: ಸ್ಟಾರ್ ಆಟಗಾರರ ಅನುಪಸ್ಥಿತಿಯಲ್ಲಿ ಈಗಾಗಲೆ ಸಂಕಷ್ಟದಲ್ಲಿರುವ ಕರ್ನಾಟಕ ರಣಜಿ ತಂಡಕ್ಕೆ ಬಿಸಿಸಿಐ ಶಾಕ್ ನೀಡಿದ್ದು, ಅನುಭವಿ ಮಯಾಂಕ್ ಅಗರ್ವಾಲ್ರನ್ನು ರಣಜಿ ಪಂದ್ಯದಲ್ಲಿ ಪಾಳ್ಗೊಳ್ಳದಂತೆ ಸೂಚನೆ ನೀಡಿದೆ.
ಭಾರತ ಟೆಸ್ಟ್ ತಂಡದ ಖಾಯಂ ಸ್ಥಾನ ಗಿಟ್ಟಿಸಿಕೊಂಡಿರುವ ಮಯಾಂಕ್ ಅಗರ್ವಾಲ್ 2020 ಜನವರಿ 22ರಿಂದ ನ್ಯೂಜಿಲ್ಯಾಂಡ್ ಎ ವಿರುದ್ಧದ 3 ಏಕದಿನ ಸರಣಿ ಹಾಗೂ 2 ಅನಧಿಕೃತ ಟೆಸ್ಟ್ ಪಂದ್ಯಗಳಿಗೆ ಆಯ್ಕೆಯಾಗಿದ್ದಾರೆ.
ಮುಂಬೈ ವಿರುದ್ಧಕ್ಕೆ ರಣಜಿ ಪಂದ್ಯಕ್ಕೆ ಕರ್ನಾಟಕ ತಂಡ ಈ ಕಾರಣದಿಂದ ಕರ್ನಾಟಕ ರಣಜಿ ತಂಡದಿಂದ ಹೊರಬರುವಂತೆ ಬಿಸಿಸಿಐ ಮಯಾಂಕ್ ಅಗರ್ವಾಲ್ಗೆ ಸೂಚಿಸಿದೆ. ಕರ್ನಾಟಕ ತಂಡ ಜನವರಿ 3 ರಿಂದ ಮುಂಬೈ, ಜನವರಿ 11ರಿಂದ ಸೌರಾಷ್ಟ್ರ ವಿರುದ್ಧ ಕಣಕ್ಕಿಳಿಯಲಿದೆ.
ಬಿಸಿಸಿಐನಿಂದ ಮಾಹಿತಿ ಬರುತ್ತಿದ್ದಂತೆ ಕೆಎಸ್ಸಿಎ ಮಯಾಂಕ್ ಅವರನ್ನು ತಂಡದಿಂದ ಬಿಡುಗಡೆ ಮಾಡಿ ಅವರ ಬದಲು 4ನೇ ಪಂದ್ಯದಿಂದ ಹೊರಗಿಟ್ಟಿದ್ದ ಸಮರ್ಥ್ರನ್ನು ಮತ್ತೆ ತಂಡಕ್ಕೆ ಸೇರ್ಪಡೆಗೊಳಿಸಿಕೊಂಡಿದೆ.
