ಶಾರ್ಜಾ: ಬ್ಯಾಟಿಂಗ್ ಮತ್ತು ಬೌಲಿಂಗ್ನ ಸಂಘಟಿತ ಪ್ರದರ್ಶನದ ನೆರವಿನಿಂದ ಕಿಂಗ್ಸ್ ಇಲೆವೆನ್ ಪಂಜಾಬ್, ಕೆಕೆಆರ್ ವಿರುದ್ಧ 8 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿದೆ. ಈ ಮೂಲಕ ಪ್ಲೇ ರೇಸ್ನಲ್ಲಿ ಇನ್ನು ಉಳಿದುಕೊಂಡಿದೆ.
ಮೊದಲು ಬೌಲಿಂಗ್ನಲ್ಲಿ ಅದ್ಭುತ ಪ್ರದರ್ಶನ ತೋರಿ ಕೋಲ್ಕತ್ತಾ ತಂಡವನ್ನು 149 ರನ್ಗಳಿಗೆ ಕಟ್ಟಿಹಾಕಿದ ರಾಹುಲ್ ಬಳಗ, ಚೇಸಿಂಗ್ ವೇಳೆ ಗೇಲ್ ಮತ್ತು ಮಂದೀಪ್ ಸಿಂಗ್ ಅವರ ಅಬ್ಬರದ ಅರ್ಧಶತಕಗಳ ನೆರವಿನಿಂದ ಇನ್ನು7 ಎಸೆತ ಬಾಕಿ ಇರುವಂತೆ ಕೇವಲ 2 ವಿಕೆಟ್ ಕಳೆದುಕೊಂಡು ಗೆಲುವು ಸಾಧಿಸಿದೆ.
ಅಬ್ಬರ ಬ್ಯಾಟಿಂಗ್ ಪ್ರದರ್ಶನ ತೋರಿದ ಯುನಿವರ್ಸಲ್ ಬಾಸ್ ಗೇಲ್ ಕೇವಲ 29 ಎಸೆತಗಳಲ್ಲಿ 5 ಭರ್ಜರಿ ಸಿಕ್ಸರ್, 2 ಬೌಂಡರಿಗಳ ನೆರವಿನಿಂದ 51 ರನ್ಗಳಿಸಿ ಔಟಾದರು. ಅಜೇಯರಾಗಿ ಉಳಿದ ಮಂದೀಪ್ ಸಿಂಗ್ 55 ಎಸೆತಗಳಲ್ಲಿ 2 ಸಿಕ್ಸರ್ ಹಾಗೂ 8 ಬೌಂಡರಿ ಗಳ ನೆರವಿನಿಂದ 66 ರನ್ಗಳಿಸಿ ಗೆಲುವಿನ ಗಡಿ ದಾಟಿಸಿದರು. ನಾಯಕ ರಾಹುಲ್ 28 ರನ್ಗಳಿಸಿ ಔಟಾಗಿದ್ದರು.