ಏಕದಿನ ಪಂದ್ಯ: ಜಿಂಬಾಬ್ವೆ ವಿರುದ್ಧ 169 ರನ್​ಗಳ ಬೃಹತ್​ ಜಯ ಸಾಧಿಸಿದ ಬಾಂಗ್ಲಾದೇಶ

ಜಿಂಬಾಬ್ವೆ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಬಾಂಗ್ಲಾದೇಶ ತಂಡ 169ರನ್​ಗಳ ಭರ್ಜರಿ ಜಯ ಸಾಧಿಸಿದೆ.

ಸೈಲೆಟ್(ಬಾಂಗ್ಲಾದೇಶ)​: ಲಿಟ್ಟನ್​ ದಾಸ್​ ಅವರ ಭರ್ಜರಿ ಶತಕದ ನೆರವಿನಿಂದ ಬಾಂಗ್ಲಾದೇಶ ತಂಡ ಜಿಂಬಾಂಬ್ವೆಯನ್ನು 169 ರನ್​ಗಳ ಅಂತರದಿಂದ ಬಗ್ಗುಬಡಿದಿದೆ.

ಸೈಲೆಟ್​ ಅಂತಾರಾಷ್ಟ್ರೀಯ ಸ್ಟೇಡಿಯಂನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್​ ಮಾಡಿದ ಬಾಂಗ್ಲಾದೇಶ, ಲಿಟ್ಟನ್​ ದಾಸ್(126)​ ಅವರ ಭರ್ಜರಿ ಶತಕ, ಮೊಹಮ್ಮದ್​ ಮಿಥುನ್​(50) ಅವರ ಅರ್ಧಶತಕದ ನೆರವಿನಿಂದ 321 ರನ್​ಗಳ ಬೃಹತ್​ ಮೊತ್ತ ಕಲೆಹಾಕಿತು.

ಜಿಂಬಾಬ್ವೆ ಪರ ಕ್ರಿಸ್​ ಎಂಪೋಫು 2 ವಿಕೆಟ್​ ಪಡೆದರೆ, ಕಾರ್ಲ್​ ಮಂಬಾ, ವೆಸ್ಲೆ ಮ್ಯಾಧೆವರ್, ಟ್ರಿಪಾನೋ ಹಾಗೂ ಮುಟೊಂಬೊಡ್ಜಿ ತಲಾ ಒಂದು ವಿಕೆಟ್​ ಪಡೆದರು.

322 ರನ್​ಗಳ ಬೃಹತ್​ ಮೊತ್ತವನ್ನು ಹಿಂಬಾಲಿಸಿದ ಜಿಂಬಾಬ್ವೆ ಬಾಂಗ್ಲಾದೇಶದ ಬೌಲರ್​ಗಳ ದಾಳಿಗೆ ಸಿಲುಕಿ ಕೇವಲ 39.1 ಓವರ್​ಗಳಲ್ಲಿ 152 ರನ್​ಗಳಿಗೆ ಆಲೌಟ್​ ಆಯಿತು. ವೆಸ್ಲೆ ಮ್ಯಾಧೆವರ್​ 35 ರನ್​ ಗಳಿಸಿ ಗರಿಷ್ಠ ಸ್ಕೋರರ್​ ಎನಿಸಿಕೊಂಡರು.

ಅತ್ಯುತ್ತಮ ಬೌಲಿಂಗ್ ದಾಳಿ ನಡೆಸಿದ ಮೊಹಮ್ಮದ್​ ಸೈಫುದ್ದೀನ್​(3ವಿಕೆಟ್​), ಮುಷ್ರಫೆ ಮೋರ್ತಾಜ(2), ಮೆಹಿದಿ ಹಸನ್​(2) ಮುಸ್ತಫಿಜುರ್​ ರಹಮಾನ್​ ಹಾಗೂ ತೈಜುಲ್ ಇಸ್ಲಾಮ್​ ತಲಾ ಎರಡು ವಿಕೆಟ್ ಪಡೆದರು.

ಶತಕ ಸಿಡಿಸಿದ ಲಿಟ್ಟನ್​ ದಾಸ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.