ಕ್ರೈಸ್ಟ್‌ಚರ್ಚ್:ಬಾಂಗ್ಲಾದೇಶದ ವಿರುದ್ಧದ 2ನೇ ಏಕದಿನ ಪಂದ್ಯದ ವೇಳೆ ಮೂರನೇ ಅಂಪೈರ್ ತೀರ್ಪಿನ ವಿರುದ್ಧ ಮೈದಾನದಲ್ಲಿ ಎಲ್ಲೆ ಮೀರಿ ವರ್ತಿಸಿದ ಆರೋಪದ ಮೇಲೆ ಐಸಿಸಿ, ನ್ಯೂಜಿಲ್ಯಾಂಡ್ನ ಕೈಲ್ ಜೆಮೀಸನ್ ಅವರಿಗೆ ಪಂದ್ಯದ ಸಂಭಾವನೆಯ ಶೇ. 15ರಷ್ಟು ದಂಡ ವಿಧಿಸಿದೆ.
ಕ್ರೈಸ್ಟ್‌ ಚರ್ಚ್‌ನಲ್ಲಿ ಮಂಗಳವಾರ ಬಾಂಗ್ಲಾದೇಶದ ವಿರುದ್ಧದ 2ನೇ ಏಕದಿನ ಪಂದ್ಯದಲ್ಲಿ ಎದುರಾಳಿ ತಂಡದ ತಮೀಮ್ ಇಕ್ಬಾಲ್ ಅವರನ್ನು ಕಾಟ್ ಅಂಡ್ ಬೌಲ್ಡ್ ಮಾಡಿದ್ದರು. ಆದರೆ ಈ ಕ್ಯಾಚ್ ಪರಿಶೀಲಿಸಿದ ಟಿವಿ ಅಂಪೈರ್, ಜೆಮೀಸನ್ ಕ್ಯಾಚ್ ಪಡೆದ ನಂತರ ನೆಲಕ್ಕೆ ತಾಗಿಸಿರುವುದು ಸ್ಪಷ್ಟವಾಗಿದ್ದರಿಂದ ನಾಟ್‌ಔಟ್ ಎಂದು ತೀರ್ಪು ನೀಡಿದ್ದರು.
ಇದನ್ನು ಓದಿ:14ನೇ ಐಪಿಎಲ್ಗೆ ಹೊಸ ಜರ್ಸಿ ಬಿಡುಗಡೆಗೊಳಿಸಿದ ಸಿಎಸ್ಕೆ,ಡೆಲ್ಲಿ ಕ್ಯಾಪಿಟಲ್ಸ್!
ಆದರೆ ಮೂರನೇ ಅಂಪೈರ್ ತೀರ್ಪು ತಮಗೆ ವಿರುದ್ಧವಾಗಿ ಬಂದಿದ್ದಕ್ಕೆ ಜೆಮೀಸನ್ ಮೈದಾನದಲ್ಲೇ ಅಸಮಾಧಾನ ಹೊರ ಹಾಕಿದ್ದರು. ಹೀಗಾಗಿ ಮ್ಯಾಚ್ ರೆಫ್ರಿ ಕಿವೀಸ್ ಆಲ್ರೌಂಡರ್ಗೆ ಪಂದ್ಯ ಸಂಭಾವನೆಯ ಶೇ. 15ರಷ್ಟು ದಂಡ ವಿಧಿಸಲಾಗಿದೆ. ಜೊತೆಗೆ ಜೇಮಿಸನ್ ತನ್ನ ತಪ್ಪನ್ನು ಒಪ್ಪಿಕೊಂಡಿದ್ದಾರೆ ಎಂದು ಐಸಿಸಿ ತಿಳಿಸಿದೆ. ಐಸಿಸಿ ಆರ್ಟಿಕಲ್ 2.8 ನಿಯಮವನ್ನು ಉಲ್ಲಂಘನೆ ಮಾಡಿದ್ದಕ್ಕಾಗಿ ದಂಡದ ಜೊತೆಗೆ ಒಂದು ಋಣಾತ್ಮಕ ಅಂಕವನ್ನು ಪಡೆದುಕೊಂಡಿದ್ದಾರೆ.
2020ರ ಫೆಬ್ರವರಿಯಲ್ಲಿ ನಡೆದಿದ್ದ ಐಪಿಎಲ್ ಮಿನಿ ಹರಾಜಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ನ್ಯೂಜಿಲೆಂಡ್‌ನ ವೇಗಿಯನ್ನು ಬರೋಬ್ಬರಿ 15 ಕೋಟಿ ರೂ. ನೀಡಿ ಖರೀದಿಸಿತ್ತು.
ಇದನ್ನು ಓದಿ:ಕಿವೀಸ್ ಆಲ್ರೌಂಡರ್ ಜೆಮೀಸನ್ರನ್ನು ಬರೋಬ್ಬರಿ 15 ಕೋಟಿ ರೂ. ನೀಡಿ ಖರೀದಿಸಿದ ಆರ್ಸಿಬಿ
