ಮುಂಬೈ: ಭಾರತದ ಮಾಜಿ ನಾಯಕ ಅನಿಲ್ ಕುಂಬ್ಳೆ ಅವರ ಅಪಾರ ಕ್ರಿಕೆಟ್ ಜ್ಞಾನ ಮತ್ತು ಅನುಭವ ಕಿಂಗ್ಸ್ ಇಲೆವೆನ್ಗೆ ನೆರವಾಗಲಿದೆ. ಅವರು ಕೋಚ್ ಆಗಿ ತಂಡವನ್ನು ಯಶಸ್ಸಿನತ್ತ ಕೊಂಡೊಯ್ಯಲಿದ್ದಾರೆ ಎಂದು ಆಸ್ಟ್ರೇಲಿಯಾದ ಮಾಜಿ ವೇಗಿ ಬ್ರೆಟ್ ಲೀ ಹೇಳಿದ್ದಾರೆ.
ಐಪಿಎಲ್‌ನಲ್ಲಿ ಕೋಲ್ಕತಾ ನೈಟ್ ರೈಡರ್ಸ್ ಮತ್ತು ಕಿಂಗ್ಸ್ ಇಲೆವೆನ್ ಪಂಜಾಬ್ ಪರ ಆಡಿರುವ ಬ್ರೆಟ್ ಲೀ, ತಮ್ಮ ಚೊಚ್ಚಲ ಪ್ರಶಸ್ತಿಗಾಗಿ ಪ್ರಯತ್ನಿಸುತ್ತಿರುವ ಪಂಜಾಬ್ ಆಟಗಾರರಿಗೆ ಕುಂಬ್ಳೆಯವರ ಅಪಾರ ಅನುಭವ ಸಹಾಯ ಮಾಡಲಿದೆ ಎಂದು ಹೇಳಿದ್ದಾರೆ.
'ಕಿಂಗ್ಸ್ ಇಲೆವೆನ್ ಉತ್ತಮ ತಂಡ. ಆ ಫ್ರಾಂಚೈಸಿಗಾಗಿ ಆಡಲು ತುಂಬಾ ಖುಷಿಯಾಗುತ್ತದೆ' ಎಂದು ಅವರು ಹೇಳಿದ್ದಾರೆ.
2017ರ ಚಾಂಪಿಯನ್ ಟ್ರೋಫಿ ಸೋಲಿನ ಬಳಿಕ ಅನಿಲ್ ಕುಂಬ್ಳೆ ಭಾರತ ತಂಡದ ಕೋಚ್ ಹುದ್ದೆಗೆ ರಾಜಿನಾಮೆ ನೀಡಿದ್ದರು. ಕಳೆದ ವರ್ಷ ಮೈಕ್ ಹಸ್ಸಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಕೋಚ್ ಹುದ್ದೆಗೆ ರಾಜಿನಾಮೆ ನೀಡಿದ ಬೆನ್ನಲ್ಲಿಯೇ ಕುಂಬ್ಳೆ ಎರಡು ವರ್ಷದ ಮುಖ್ಯ ಕೋಚ್ ಹುದ್ದೆಗೆ ಸಹಿ ಮಾಡಿದ್ದರು. ಇಲ್ಲಿಯವರೆಗೆ ಅವರು ಯಾವುದೇ ತಂಡದ ಮುಖ್ಯ ಕೋಚ್ ಆಗಿರಲಿಲ್ಲ. ಆರ್ಸಿಬಿ ಮತ್ತು ಮುಂಬೈ ತಂಡಗಳಿಗೆ ಮೆಂಟರ್ ಆಗಿ ಕಾರ್ಯ ನಿರ್ವಹಿಸಿದ್ದರು.