ಬೆಂಗಳೂರು:ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿಗೆ ಕೋಪ ಹೆಚ್ಚು ಎಂಬುದು ಕ್ರಿಕೆಟ್ ಜಗತ್ತಿಗೆ ಗೊತ್ತಿರುವ ವಿಚಾರ. ಆದರೆ ಅದೇ ಕೋಪ ಮತ್ತೆ ಮುಂದುವರಿದರೆ ಕ್ರಿಕೆಟ್ನಿಂದ ಅವರು ನಿಷೇಧಕ್ಕೊಳಗಾಗುವ ಸಾಧ್ಯತೆಯಿದೆ.
ಮೈದಾನದಲ್ಲಿ ಭಾವೋದ್ವೇಗಕ್ಕೊಳಗಾಗುವ ಕೊಹ್ಲಿ ಕೋಪವನ್ನು ನಿಯಂತ್ರಣ ಮಾಡಿಕೊಳ್ಳುವುದಿಲ್ಲ. ಬದಲಾಗಿ ಕೋಪಕ್ಕೆ ಕಾರಣವಾದವರ ಮೇಲೆ ರೇಗಾಡುತ್ತಾರೆ. ಈ ಬೆಳವಣಿಗೆ ದಕ್ಷಿಣ ಆಫ್ರಿಕಾ ವಿರುದ್ಧದ ಕೊನೆಯ ಟಿ-20 ಪಂದ್ಯದ ವೇಳೆಯೂ ನಡೆಯಿತು.
ಬೆಂಗಳೂರಿನಲ್ಲಿ ನಡೆದ ಟಿ-20 ಪಂದ್ಯದಲ್ಲಿ ಎದುರಾಳಿ ತಂಡದ ಬ್ಯೂರಾನ್ ಹೆಂಡ್ರಿಕ್ಸ್, 5 ನೇ ಓವರ್ ಬೌಲಿಂಗ್ ಮಾಡುತ್ತಿದ್ದರು. ಈ ಸಂದರ್ಭ ಕೊಹ್ಲಿ ರನ್‌ಗಾಗಿ ಓಡುತ್ತಿರುವಾಗ ಹೆಂಡ್ರಿಕ್ಸ್ ಭುಜಕ್ಕೆ ತಾಗಿಸಿದ್ದಾರೆ. ಹೀಗಾಗಿ ಐಸಿಸಿಯ 2.12 ನಿಯಮ ಉಲ್ಲಂಘಿಸಿದ ಕೊಹ್ಲಿ ಎಚ್ಚರಿಕೆಯ ಜೊತೆಗೆ ಒಂದು ಋಣಾತ್ಮಕ ಅಂಕ ಪಡೆದಿದ್ದಾರೆ.
ಆಟದ ಸಮಯದಲ್ಲಿ ಆಟಗಾರರಿಗಾಗಲಿ, ಬೆಂಬಲ ಸಿಬ್ಬಂದಿ, ಮ್ಯಾಚ್ ರೆಫ್ರಿ ಅಥವಾ ಅಂಪೈರ್ಗಳ ವಿರುದ್ಧ ಅನುಚಿತ ವರ್ತನೆ ತೋರಿದರೆ ಐಸಿಸಿ ಕಠಿಣ ಕ್ರಮ ತೆಗೆದುಕೊಳ್ಳುತ್ತೆ. ಆಟಗಾರರಿಗೆ ಒಂದು ಋಣಾತ್ಮಕ ಅಂಕದ ಜೊತೆಗೆ ದಂಡವನ್ನೂ ವಿಧಿಸುತ್ತದೆ.
ಒಂದ್ವೇಳೆ ಇದೇ ರೀತಿ 24 ತಿಂಗಳಲ್ಲಿ ಒಬ್ಬ ಆಟಗಾರ 4 ಅಥವಾ ಅದಕ್ಕಿಂತ ಹೆಚ್ಚು ಬಾರಿ ಋಣಾತ್ಮಕ ಅಂಕ ಪಡೆದರೆ ಅವರನ್ನು ಕ್ರಿಕೆಟ್ ಅಂಗಳಕ್ಕಿಳಿಯದಂತೆ ನಿಷೇಧಿಸುವ ಸಾಧ್ಯತೆಯಿದೆ. ಕೊಹ್ಲಿ ಈಗಾಗಲೇ 2018 ಜನವರಿಯಿಂದ 3 ಬಾರಿ ಐಸಿಸಿಯಿಂದ ಎಚ್ಚರಿಕೆ ಜೊತೆಗೆ ಋಣಾತ್ಮಕ ಅಂಕ ಪಡೆದಿದ್ದಾರೆ. ಕೊಹ್ಲಿ ವರ್ತನೆ ಮರುಕಳಿಸಿದ್ರೆ ಅವರು ತಮ್ಮ ಕ್ರಿಕೆಟ್ ಭವಿಷ್ಯವನ್ನು ತಮ್ಮ ಕೈಯ್ಯಾರೆ ತಾವೇ ಅಂತ್ಯಗೊಳಿಸಿಕೊಳ್ಳಲಿದ್ದಾರೆ ಎನ್ನು ಆತಂಕ ಕ್ರಿಕೆಟ್ ಅಭಿಮಾನಿಗಳದ್ದು.