ರಾಹುಲ್ ಅರ್ಧಶತಕದ ಬಲ: ಸಿಎಸ್​ಕೆ ವಿರುದ್ಧ 178 ರನ್​​ಗಳ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಿದ ಪಂಜಾಬ್

ನಾಯಕ ಕೆಎಲ್​ ರಾಹುಲ್​ 52 ಎಸೆತಗಳಲ್ಲಿ 7 ಬೌಂಡರಿ ಹಾಗೂ ಒಂದು ಸಿಕ್ಸರ್​ ಸಹಿತ 63 ರನ್​ಗಳಿಸಿದರು.

ದುಬೈ:ನಾಯಕ ಕೆಎಲ್ ರಾಹುಲ್ ಸಿಡಿಸಿದ ಅರ್ಧಶತಕದ ಬಲದಿಂದ ಕಿಂಗ್ಸ್​ ಇಲೆವೆನ್ ಪಂಜಾಬ್ ತಂಡ 20 ಓವರ್​ಗಳಲ್ಲಿ 4 ವಿಕೆಟ್​ ಕಳೆದುಕೊಂಡು 178 ರನ್​ಗಳಿಸಿದೆ.

ಟಾಸ್​ ಗೆದ್ದು ಬ್ಯಾಟಿಂಗ್ ನಡೆಸಿದ ಪಂಜಾಬ್ ತಂಡಕ್ಕೆ ಅದ್ಭುತ ಫಾರ್ಮ್​ನಲ್ಲಿರುವ ರಾಹುಲ್​-ಮಯಾಂಕ್ ಜೋಡಿ ಮೊದಲ ವಿಕೆಟ್​ಗೆ 61 ರನ್​ಗಳ ಜೊತೆಯಾಟ ನೀಡಿದರು. ಈ ಹಂತದಲ್ಲಿ ಮಯಾಂಕ್ ದೊಡ್ಡ ಹೊಡೆತಕ್ಕೆ ಕೈಯಾಕಿ ಚಾವ್ಲಾಗೆ ವಿಕೆಟ್ ನೀಡಿದರು.

ನಂತರ ಬಂದ ಬಿರುಸಿನ ಬ್ಯಾಟಿಂಗ್ ಪ್ರದರ್ಶನ ಮಂದೀಪ್ ಸಿಂಗ್​ 16 ಎಸೆತಗಳಲ್ಲಿ 2 ಸಿಕ್ಸರ್​ ಸಹಿತ 27 ರನ್​ಗಳಿಸಿ ಔಟಾದರು. ನಂತರ ನಾಯಕನ ಜೊತೆ ಸೇರಿದ ನಿಕೋಲಸ್ ಪೂರನ್​ 17 ಎಸೆತಗಳಲ್ಲಿ ಒಂದು ಬೌಂಡರಿ ಹಾಗೂ 3 ಸಿಕ್ಸರ್​ ಸಹಿತ 33 ರನ್​ಗಳಿಸಿ ಔಟಾದರು.

ನಾಯಕ ಕೆಎಲ್​ ರಾಹುಲ್​ 52 ಎಸೆತಗಳಲ್ಲಿ 7 ಬೌಂಡರಿ ಹಾಗೂ ಒಂದು ಸಿಕ್ಸರ್​ ಸಹಿತ 63 ರನ್​ಗಳಿಸಿ 18 ಓವರ್​ನಲ್ಲಿ ಶಾರ್ದುಲ್​ ಟಾಕೂರ್​ಗೆ ವಿಕೆಟ್ ಒಪ್ಪಿಸಿದರು.

ಮ್ಯಾಕ್ಸ್​ವೆಲ್​ 11 ಹಾಗೂ ಸರ್ಫರಾಜ್ ಖಾನ್​ ಔಟಾಗದೆ 14 ರನ್​ಗಳಿಸಿ ತಂಡದ ಮೊತ್ತವನ್ನು ಹೆಚ್ಚಿಸಿದರು.

ಸಿಎಸ್​ಕೆ ಪರ ಶಾರ್ದುಲ್ ಟಾಕೂರ್​ 2 ವಿಕೆಟ್​ ಪಡೆದರೆ, ಅನುಭವಿ ಪಿಯೂಷ್ ಚಾವ್ಲಾ ಹಾಗೂ ದೀಪಕ್ ಚಹಾರ್​ ತಲಾ ಒಂದು ವಿಕೆಟ್ ಪಡೆದರು.