ಮುಂಬೈ:ಭಾರತ ತಂಡದ ಮಾಜಿ ವಿಕೆಟ್ ಕೀಪರ್ ಕಿರಣ್ ಮೋರೆ ಅಮೆರಿಕ ಕ್ರಿಕೆಟ್ ತಂಡದ ಹಂಗಾಮಿ ಕೋಚ್ ಆಗಿ ನೇಮಕಗೊಂಡಿದ್ದಾರೆ.
ಭಾರತ ತಂಡದ ಪರ 49 ಟೆಸ್ಟ್ ಹಾಗೂ 94 ಏಕದಿನ ಪಂದ್ಯಗಳನ್ನಾಡಿರುವ ಕಿರಣ್ ಮೋರೆ ಯುಎಸ್ಎ ಕ್ರಿಕೆಟ್ ತಂಡದ ಹಂಗಾಮಿ ಕೋಚ್ ಆಗಿ ಸೇವೆ ಸಲ್ಲಿಸಲಿದ್ದಾರೆ. ಈ ಹಿಂದೆ ಕೋಚ್ ಆಗಿದ್ದ ಶ್ರೀಲಂಕಾದ ಮಾಜಿ ಆಟಗಾರ ಪುಬುಡು ದಸ್ಸನಾಯಕೆ ಅವರ ಗುತ್ತಿಗೆ ಮಾರ್ಚ್ 2019ರಲ್ಲಿ ಕೊನೆಗೊಂಡಿತ್ತು. ಆದರೆ ಡಿಸೆಂಬರ್ವರಗೂ ಮುಂದೂಡಲಾಗಿದ್ದರಿಂದ ಅವರೇ ಮುಂದುವರೆದಿದ್ದರು. ಆದರೆ ಯುಎಸ್ಎ ಕ್ರಿಕೆಟ್ ಮಂಡಳಿ ಹಾಗೂ ದಸ್ಸೆನಾಯಕೆ ನಡುವೆ ಭಿನ್ನಾಭಿಪ್ರಾಯ ಉಂಟಾಗಿರುವ ಕಾರಣ ಮೋರೆ ಅವರನ್ನು ಹಂಗಾಮಿ ಕೋಚ್ ಆಗಿ ನೇಮಿಸಲಾಗಿದೆ.