ಕೇರಳ ಪರ ಶತಕ ಸಿಡಿಸಿದ ಅಜರುದ್ದೀನ್​ಗೆ ಬಂಪರ್​: 1 ರನ್​ಗೆ 1,000 ರೂ.ನಂತೆ ಬಹುಮಾನ!

ಕೇರಳ ಪರ ಚೊಚ್ಚಲ ಟಿ20 ಶತಕವಾಗಿದೆ. ಅದಕ್ಕಾಗಿ ಕೇರಳ ಕ್ರಿಕೆಟ್​ ಬೋರ್ಡ್​ ಮೊಹಮ್ಮದ್ ಅಜರುದ್ದೀನ್​ಗೆ 137 ರನ್​ಗಳಿಗೆ ತಲಾ ಒಂದು ಸಾವಿರದಂತೆ 1.37 ಲಕ್ಷ ರೂ.ಗಳನ್ನು ಬಹುಮಾನವಾಗಿ ಘೋಷಿಸಿದೆ.

ಚೆನ್ನೈ:ಮುಂಬೈ ವಿರುದ್ಧ ಬುಧವಾರ ನಡೆದ ಸಯ್ಯದ್ ಮುಷ್ತಾಕ್​ ಅಲಿ ಟೂರ್ನಿಯ ಪಂದ್ಯದಲ್ಲಿ ಕೇವಲ 54 ಎಸೆತಗಳಲ್ಲಿ 137 ರನ್​ಗಳಿಸಿದ ಮೊಹಮ್ಮದ್ ಅಜರುದ್ದೀನ್​ ಅವರಿಗೆ ಕೇರಳ ಕ್ರಿಕೆಟ್​ ಬೋರ್ಡ್​ ಒಂದು ರನ್​ಗೆ ಒಂದು ಸಾವಿರ ರೂನಂತೆ ಬಹುಮಾನ ಘೋಷಿಸಿದೆ.

ಬಲಿಷ್ಠ ಮುಂಬೈ ವಿರುದ್ಧದ ಪಂದ್ಯದಲ್ಲಿ 26 ವರ್ಷದ ಮೊಹಮ್ಮದ್ ಅಜರುದ್ದೀನ್​ ಕೇವಲ 37 ಎಸೆತಗಳಲ್ಲಿ ಶತಕ ಸಿಡಿಸಿದ್ದರು. ಇದು ಸಯ್ಯದ್ ಮುಷ್ತಾಕ್ ಅಲಿ ಇತಿಹಾಸದಲ್ಲಿ 2ನೇ ವೇಗದ ಶತಕವಾಗಿತ್ತು.

(ಪಂತ್​ 32 ಎಸೆತಗಳಲ್ಲಿ ಶತಕ ಸಿಡಿಸಿದ ಈ ದಾಖಲೆ ಹೊಂದಿದ್ದಾರೆ). ಅಜರುದ್ದೀನ್​ ಇನ್ನಿಂಗ್ಸ್​ನಲ್ಲಿ 11 ಭರ್ಜರಿ ಸಿಕ್ಸರ್​ ಮತ್ತು 9 ಬೌಂಡರಿ ಸೇರಿದ್ದವು. ಇವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ಕೇರಳ ತಂಡ ಮುಂಬೈ ನೀಡಿದ್ದ 197ರನ್​ಗಳ ಗುರಿಯನ್ನು 15.5 ಓವರ್​ಗಳಲ್ಲಿ ತಲುಪಿತ್ತು.

ವಿಶೇಷವೆಂದರೆ, ಇದು ಕೇರಳ ಪರ ಚೊಚ್ಚಲ ಟಿ20 ಶತಕವಾಗಿದೆ. ಅದಕ್ಕಾಗಿ ಕೇರಳ ಕ್ರಿಕೆಟ್​ ಬೋರ್ಡ್​ ಮೊಹಮ್ಮದ್ ಅಜರುದ್ದೀನ್​ಗೆ 137 ರನ್​ಗಳಿಗೆ ತಲಾ ಒಂದು ಸಾವಿರದಂತೆ 1.37 ಲಕ್ಷ ರೂ.ಗಳನ್ನು ಬಹುಮಾನವಾಗಿ ಘೋಷಿಸಿದೆ.

ಮೂಲತಃ ತೆಲಂಗಾಣ ನಿವಾಸಿಯಾದ ಮೊಹಮ್ಮದ್ ಅಜರುದ್ದೀನ್​ ತಮ್ಮ ಪೋಷಕರಿಗೆ 8 ಮಗುವಾಗಿ ಜನಿಸಿದ್ದರು. ಇವರ ಹಿರಿಯ ಸಹೋದರ ಭಾರತ ತಂಡದ ಮಾಜಿ ನಾಯಕ ಮೊಹಮ್ಮದ್ ಅಜರುದ್ದೀನ್​ ಅವರ ದೊಡ್ಡ ಅಭಿಮಾನಿಯಾಗಿದ್ದರಿಂದ ಅವರ ಹೆಸರನ್ನೇ ಇವರಿಗೆ ಇಟ್ಟಿದ್ದಾರೆಂದು ತಿಳಿದುಬಂದಿದೆ.

ಇದನ್ನೂ ಓದಿ:ಮೊಹಮ್ಮದ್ ಅಜರುದ್ದೀನ್​ 137 ನಾಟೌಟ್​: ಸಯ್ಯದ್ ಮುಷ್ತಾಕ್ ಅಲಿ ಟೂರ್ನಿಯಲ್ಲಿ ಬಲಿಷ್ಠ ಮುಂಬೈಗೆ ಶಾಕ್​ ನೀಡಿದಕೇರಳ