ದೆಹಲಿ: ವಿಜಯ ಹಜಾರೆ ಟ್ರೋಫಿ ಕ್ರಿಕೆಟ್ ಪಂದ್ಯದಲ್ಲಿ ಪ್ರಚಂಡ ಫಾರ್ಮ್ ಮುಂದುವರಿಸಿರುವ ಕರ್ನಾಟಕದ ಯುವ ಬ್ಯಾಟ್ಸ್ಮನ್ ದೇವದತ್ ಪಡಿಕ್ಕಲ್, ಕೇರಳ ವಿರುದ್ಧ ನಡೆಯುತ್ತಿರುವ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲೂ ಶತಕ ಸಿಡಿಸಿ ಅಬ್ಬರಿಸಿದರು.
ಈ ಮೂಲಕ ಟೂರ್ನಿಯಲ್ಲಿ ಪಡಿಕ್ಕಲ್ ಸತತ 6ನೇ, 50 ಅಥವಾ ಅದಕ್ಕಿಂತ ಹೆಚ್ಚು ರನ್ ಹಾಗೂ ಸತತ 4ನೇ ಶತಕ ದಾಖಲಿಸಿದರು. ಅವರು 119 ಎಸೆತಗಳಲ್ಲಿ 10 ಬೌಂಡರಿಸಹಿತ 2 ಸಿಕ್ಸರ್ ಸೇರಿ 101 ರನ್ಗಳಿಸಿದ್ದಾರೆ. ಈ ಮೂಲಕ ಸತತ ಎರಡನೇ ಆವೃತ್ತಿಯಲ್ಲೂ ಟೂರ್ನಿಯ ಗರಿಷ್ಠ ರನ್ ಸರದಾರರಾದರು.
ಅಲ್ಲದೇ, 50 ಓವರ್ಗಳ ಪಂದ್ಯದಲ್ಲಿ ಈ ಸಾಧನೆ ಮಾಡಿದ ವಿಶ್ವದ 3ನೇ ಬ್ಯಾಟ್ಸ್ಮನ್ ಎಂಬ ಶ್ರೇಯಕ್ಕೂ ಪಡಿಕ್ಕಲ್ ಪಾತ್ರರಾಗಿದ್ದಾರೆ. ಈ ಮೊದಲು ಶ್ರೀಲಂಕಾದ ದಿಗ್ಗಜ ಕುಮಾರ ಸಂಗಕ್ಕಾರ 2015 ವಿಶ್ವಕಪ್ನಲ್ಲಿ ಸತತ 4 ಶತಕ ಸಿಡಿಸಿದ್ದರು. ಇವರನ್ನು ಹೊರೆತುಪಡಿಸಿದರೆ, ದಕ್ಷಿಣ ಆಫ್ರಿಕಾದ ಆಲ್ವಿರೋ ಪೀಟರ್ಸನ್ ಈ ಸಾಧನೆ ಮಾಡಿದ್ದರು.