ಚೆನ್ನೈ:ಮಿಸ್ಟರ್ ಐಪಿಎಲ್ ಖ್ಯಾತಿಯ ಸುರೇಶ್ ರೈನಾ ವೈಯಕ್ತಿಕ ಕಾರಣ ನೀಡಿ ಐಪಿಎಲ್ನಿಂದ ದೂರ ಉಳಿದಿದ್ದಾರೆ. ತಂಡದ ಪ್ರಮುಖ ಬ್ಯಾಟ್ಸ್ಮನ್ಗಳಲ್ಲಿ ಒಬ್ಬರಾಗಿದ್ದ ರೈನಾ ತಂಡದಿಂದ ಹೊರಬಂದಿರುವುದು ಸಿಎಸ್ಕೆಗೆ ಪ್ರದರ್ಶನದ ಮೇಲೆ ಪರಿಣಾಮ ಬೀರದು, ಈ ಬಾರಿಯೂ ಧೋನಿ ನೇತೃತ್ವದ ತಂಡ ಪ್ಲೇ ಆಫ್ ತಲುಪಲಿದೆ ಎಂದು ಕೆ.ಶ್ರೀಕಾಂತ್ ಅಭಿಪ್ರಾಯ ಪಟ್ಟಿದ್ದಾರೆ.
ಒಟ್ಟಾರೆ 8 ಬಾರಿ ಫೈನಲ್ ಪ್ರವೇಶಿಸಿರುವ ಸಿಎಸ್ಕೆ ಮೂರು ಬಾರಿಯ ಚಾಂಪಿಯನ್ ಹಾಗೂ 5 ಬಾರಿ ರನ್ನರ್ ಅಪ್ ಆಗಿದೆ. ಆದರೆ 13ನೇ ಆವೃತ್ತಿಯಲ್ಲಿ ರೈನಾ ಹಿನ್ನಡೆ ಸಿಎಸ್ಕೆಗೆ ದೊಡ್ಡ ಹಿನ್ನಡೆಯಾಗಲಿದೆ ಎನ್ನುವ ವಿಚಾರಕ್ಕೆಮಾತನಾಡಿರು ಭಾರತ ತಂಡದ ಮಾಜಿ ನಾಯಕ ಕೃಷ್ಣಮಾಚಾರಿ ಶ್ರೀಕಾಂತ್ ರೈನಾ ಗೈರು ಸಿಎಸ್ಕೆ ಪ್ರದರ್ಶನಕ್ಕೆ ಯಾವುದೇ ಅಡ್ಡಿಯಾಗಲಾರದು. ಈ ಬಾರಿಯೂ ಟೂರ್ನಿಯ ಟಾಪ್ 4 ತಂಡಗಳಲ್ಲಿ ಸಿಎಸ್ಕೆ ಕೂಡ ಇರಲಿದೆ ಎಂದಿದ್ದಾರೆ.
ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ ರೈನಾ ಅವರ ಗೈರು ಖಂಡಿತ ಕಾಡಲಿದೆ. ಏಕೆಂದರೆ ಅವರು ಬ್ಯಾಟ್ಸ್ಮನ್, ಉತ್ತಮ ಫೀಲ್ಡರ್ ಹಾಗೂ ಅರೆಕಾಳಿಕ ಸ್ಪಿನ್ನರ್ ಆಗಿದ್ದಲ್ಲದೆ ತಂಡದ ಉಪನಾಯಕನಾಗಿಯೂ ಧೋನಿಗೆ ನೆರವಾಗುತ್ತಿದ್ದರು. ಆದರೂ ನಾಯಕ ಧೋನಿ ಇಂತಹ ಪರಿಸ್ಥಿತಿಯನ್ನು ನಿಭಾಯಿಸುವಲ್ಲಿ ನಿಸ್ಸೀಮರಾಗಿದ್ದಾರೆ. ಖಂಡಿತವಾಗಿಯೂ ಸಿಎಸ್ಕೆ ಮತ್ತೊಂದು ಬಾರಿ ಫ್ಲೇ ಆಪ್ಗೆ ತಲುಪಲಿದೆ ಎಂದು ಶ್ರೀಕಾಂತ್ ಅಭಿಪ್ರಾಯಪಟ್ಟಿದ್ದಾರೆ.
ಇನ್ನು ಇದೇ ಸಂದರ್ಭದಲ್ಲಿ ರೈನಾ ಅಲಭ್ಯತೆ ಮುರುಳಿ ವಿಜಯ್ಗೆ ಟಿ20 ಕ್ರಿಕೆಟ್ನಲ್ಲಿ ಉಳಿದುಕೊಳ್ಳಲು ಅದ್ಭುತ ಅವಕಾಶ ಎಂದಿದ್ದಾರೆ. ಭಾರತ ತಂಡದಿಂದ ಎಲ್ಲಾ ಮಾದರಿಯ ಕ್ರಿಕೆಟ್ನಿಂದಲೂ ಹೊರಬಿದ್ದಿರುವ ವಿಜಯ್ ಈ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಬೇಕು. ಇನ್ನುವಿಜಯ್ ಅನುಭವಿ ಶೇನ್ ವಾಟ್ಸನ್ ಜೊತೆ ಇನ್ನಿಂಗ್ಸ್ ಆರಂಭಿಸಿದರೆ ತಂಡಕ್ಕೆ ಅನುಕೂಲವಾಗಲಿದೆ ಎಂದಿದ್ದಾರೆ.
