ಗಾಲೆ: ಶ್ರೀಲಂಕಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ ವೇಳೆ ಇಂಗ್ಲೆಂಡ್ ತಂಡದ ನಾಯಕ ಜೋ ರೂಟ್ ವೇಗವಾಗಿ 8,000 ರನ್ ಗಳಿಸಿದ 2ನೇ ಬ್ಯಾಟ್ಸ್ಮನ್ ಹಾಗೂ 2 ದ್ವಿಶತಕ ಸಿಡಿಸಿದ ಇಂಗ್ಲೆಂಡ್ನ ಮೊದಲ ನಾಯಕ ಎಂಬ ಶ್ರೇಯಕ್ಕೆ ಪಾತ್ರರಾಗಿದ್ದಾರೆ.
ಜೋ ರೂಟ್ ಈ ಮೈಲಿಗಲ್ಲನ್ನು ಮೊದಲ ಟೆಸ್ಟ್ನ 2ನೇ ದಿನ ತಲುಪಿದ್ದಾರೆ ತಮ್ಮ 178ನೇ ಇನ್ನಿಂಗ್ಸ್ನಲ್ಲಿ ತಲುಪಿದ್ದಾರೆ. ಇಂಗ್ಲೆಂಡ್ ತಂಡದ ಮಾಜಿ ನಾಯಕ ಕೆವಿನ್ ಪೀಟರ್ಸನ್ 178 ಇನ್ನಿಂಗ್ಸ್ನಲ್ಲಿ ತಲುಪಿ ಮೊದಲ ಸ್ಥಾನದಲ್ಲಿದ್ದಾರೆ. ಮತ್ತೊಬ್ಬ ಮಾಜಿ ನಾಯಕ ಅಲೈಸ್ಟರ್ ಕುಕ್ 181, ಗ್ರಹಂ ಗೋಚ್ 189, ಜಿಯಾಫ್ ಬಾಯ್ಕಾಟ್ 190 ಹಾಗೂ ಡೇವಿಡ್ ಗೋವರ್ 195 ಇನ್ನಿಂಗ್ಸ್ಗಳಲ್ಲಿ ಈ ಸಾಧನೆ ಮಾಡಿದ್ದಾರೆ.
ರೂಟ್ 8000 ರನ್ ಬಾರಿಸಿದ ಇಂಗ್ಲೆಂಡ್ನ 7ನೇ ಬ್ಯಾಟ್ಸ್ಮನ್ ಎಂಬ ದಾಖಲೆಯ ಜೊತೆಗೆ ಶ್ರೀಲಂಕಾ ನೆಲದಲ್ಲಿ ದ್ವಿಶತಕ ಸಾಧನೆ ಮಾಡಿದ ಮೊದಲ ಆಂಗ್ಲ ಬ್ಯಾಟ್ಸ್ಮನ್ ಎಂಬ ಖ್ಯಾತಿಗೂ ಪಾತ್ರರಾದರು. ಈ ಹಿಂದ 2012ರಲ್ಲಿ ಪೀಟರ್ಸನ್ 151 ರನ್ಗಳಿಸಿದ್ದು, ಈ ವರೆಗಿನ ದಾಖಲೆಯಾಗಿತ್ತು.
ಅಲ್ಲದೇ ಜೋ ರೂಟ್ ಟೆಸ್ಟ್ ಕ್ರಿಕೆಟ್ನಲ್ಲಿ 2 ದ್ವಿಶತಕ ಸಿಡಿಸಿದ ಇಂಗ್ಲೆಂಡ್ನ ಮೊದಲ ಬ್ಯಾಟ್ಸ್ಮನ್ ಎನಿಸಿಕೊಂಡರು. ರೂಟ್ಗೂ ಮೊದಲು 7 ಇಂಗ್ಲಿಷ್ ನಾಯಕರು ದ್ವಿಶತಕ ಸಿಡಿಸಿದ್ದಾರೆ. ವಿರಾಟ್ ಕೊಹ್ಲಿ 7 ದ್ವಿಶತಕ ಸಿಡಿಸಿ ಅಗ್ರಸ್ಥಾನದಲ್ಲಿದ್ದರೆ, ಲಾರಾ 5, ಡಾನ್ ಬ್ರಾಡ್ಮನ್ , ಗ್ರೇಮ್ ಸ್ಮಿತ್ ಹಾಗೂ ಮೈಕಲ್ ಕ್ಲಾರ್ಕ್ ತಲಾ 4 ದ್ವಿಶತಕ ಸಿಡಿಸಿದ್ದಾರೆ.
ಇದನ್ನು ಓದಿ:ಜೋ ರೂಟ್ ದ್ವಿಶಕತದ ನೆರವಿನಿಂದ ಇಂಗ್ಲೆಂಡ್ ಬೃಹತ್ ಮೊತ್ತ: ಇನ್ನಿಂಗ್ಸ್ ಸೋಲು ತಪ್ಪಿಸಲು ತಿರಿಮನ್ನೆ ಹರಸಾಹಸ
