ಆ್ಯಂಟಿಗುವಾ:ಭಾರತ ತಂಡದ ವೇಗದ ಬೌಲರ್ ಬುಮ್ರಾರನ್ನು ವೆಸ್ಟ್ ಇಂಡೀಸ್ ಕಂಡ ಶ್ರೇಷ್ಠ ಕ್ರಿಕೆಟಿಗರಾದ ಕರ್ಟ್ನಿ ಆ್ಯಂಬ್ರೋಸ್ ಹಾಗೂ ಆ್ಯಂಡಿ ರಾಬರ್ಟ್ಸ್ ಕೊಂಡಾಡಿದ್ದಾರೆ.
ವೆಸ್ಟ್ ವಿಂಡೀಸ್ ವಿರುದ್ಧ ಮೊದಲ ಟೆಸ್ಟ್ನಲ್ಲಿ ಅದ್ಭುತ ಬೌಲಿಂಗ್ ಪ್ರದರ್ಶನ ತೋರಿದ ಬುಮ್ರಾ ಅದ್ಬುತ ಬೌಲಿಂಗ್ ಪ್ರದರ್ಶನ ತೋರಿ ಕೇವಲ 7 ರನ್ ನೀಡಿ 5 ವಿಕೆಟ್ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿದ್ದರು. ಈ ಮೂಲಕ ಟೆಸ್ಟ್ ಕ್ರಿಕೆಟ್ನಲ್ಲಿ ಆಫ್ರಿಕಾ, ಆಸ್ಟ್ರೇಲಿಯಾ, ಇಂಗ್ಲೆಂಡ್ ಹಾಗೂ ವೆಸ್ಟ್ ಇಂಡೀಸ್ನಲ್ಲಿ 5 ವಿಕೆಟ್ ಪಡೆದ ಏಷ್ಯಾದ ಮೊದಲ ಬೌಲರ್ ಎಂಬ ಕೀರ್ತಿಗೆ ಭಾಜನರಾಗಿದ್ದರು.
ಬುಮ್ರಾ ಪ್ರದರ್ಶನ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿರುವ ಕರ್ಟ್ನಿ ಆ್ಯಂಬ್ರೋಸ್," ಬುಮ್ರಾ ಉತ್ತಮ ಲೈನ್ ಹಾಗೂ ವೇರಿಯೇಷನ್ನಲ್ಲಿ ಬ್ಯಾಟ್ಸ್ಮನ್ಗಳಿಗೆ ತಕ್ಕಂತೆ ಉತ್ತಮವಾಗಿ ಬೌಲ್ ಮಾಡುತ್ತಾರೆ. ಅವರು ಪಿಚ್ ಕಂಡೀಷನ್ಗೆ ತಕ್ಕಂತೆ ವಿಶ್ವಕಪ್ನಲ್ಲಿ ಬೌಲಿಂಗ್ ಮಾಡುತ್ತಿದ್ದದ್ದನ್ನು ನಾನು ನೋಡಿದ್ದೇನೆ. ಆತನ ಬೌಲಿಂಗ್ ಆ್ಯಕ್ಷನ್ ನೋಡಿದರೆ ಕರ್ಟ್ನಿ ವಾಲ್ಸ್ ತರ ಇದೆ. ಅತನ ವೇಗ, ಲೆಂತ್ ಅಂಡ್ ಲೈನ್, ಅಗ್ರೆಷನ್, ಕುಶಲತೆಯುಳ್ಳ ಬೌಲಿಂಗ್ ನಮ್ಮ ಕಾಲದಲ್ಲಿನ ಬೌಲರ್ಗಳನ್ನು ನೆನೆಪಿಸುತ್ತಿದೆ. ಬುಮ್ರಾ ಯಾವುದೇ ಕಾಲದಲ್ಲಿ ಆಡಿರದ ಒಬ್ಬ ಪರಿಪೂರ್ಣ ಬೌಲರ್ ಹಾಗೂ ಭಾರತದ ಬೌಲಿಂಗ್ ಎಕ್ಸ್ಪ್ರೆಸ್ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಮತ್ತೊಬ್ಬ ಲೆಜೆಂಡ್ ಆಟಗಾರ ರಾಬರ್ಟ್, ಜಸ್ಪ್ರಿತ್ ಬುಮ್ರಾ ನಾನು ಕಂಡಂತಹ ಭಾರತದ ಅತ್ಯುತ್ತಮ ವೇಗದ ಬೌಲರ್. ಭಾರತದಲ್ಲಿ ನಮ್ಮ ಕಾಲದಲ್ಲಿ ಸ್ಪಿನ್ ಬೌಲರ್ಗಳೇ ಹೆಚ್ಚಿನವರಾಗಿರುತ್ತಿದ್ದರು, ಇದ್ದ ವೇಗಿಗಳಲ್ಲಿ ಕಪಿಲ್ ದೇವ್ ಮಾತ್ರ ಉತ್ತಮ ಬೌಲಿಂಗ್ ಮಾಡುತ್ತಿದ್ದರು. ಇದೀಗ ಬುಮ್ರಾ ಕಪಿಲ್ಗಿಂತಲೂ ಉತ್ತಮ ಬೌಲರ್. ಭಾರತ ಇಂತಹ ಒಬ್ಬ ಬೌಲರ್ ಒಬ್ಬನನ್ನು ಸೃಷ್ಠಿಸುತ್ತದೆ ನಾವು ಆಲೋಚಿಸಿರಲಿಲ್ಲ ಎಂದು ರಾಬರ್ಟ್ಸ್ ತಿಳಿಸಿದ್ದಾರೆ.