Unlucky! ಕ್ರಿಕೆಟ್​ ಲೋಕದಲ್ಲಿ ಈ ರೀತಿಯ ರನೌಟ್ ನೋಡಿದ್ದೀರಾ​? ವಿಡಿಯೋ

ಹಾಲಿ ಚಾಂಪಿಯನ್​ ಮೆಲ್ಬೋರ್ನ್​ ರೆನೆಗೇಡ್ಸ್​ ವಿರುದ್ಧ ಬ್ಯಾಟಿಂಗ್ ನಡೆಸುವ ವೇಳೆ ಸ್ಟ್ರೈಕರ್​ ಜೋಶ್​ ಫಿಲೆಪ್ಪೆ ಹೊಡೆದ ಚೆಂಡು ನೇರವಾಗಿ ಬೌಲರ್​ ವಿಲ್​ ಸದರ್ಲೆಂಡ್​ ಕೈಗೆ ಹೋಗಿತ್ತು. ಆದರೆ ಸದರ್ಲೆಂಡ್​ ಕ್ಯಾಚ್​ ಪಡೆಯುವಲ್ಲಿ ವಿಫಲರಾದರು. ಆದರೆ ಅವರ ಕೈಯಿಂದ ತಪ್ಪಿದ ಚೆಂಡು ನೇರವಾಗಿ ಸ್ಟಂಪ್​ಗಳಿಗೆ ತಾಗಿದ್ದರಿಂದ ವಿಕೆಟ್​ ನಾನ್​ಸ್ಟ್ರೈಕರ್​ನಲ್ಲಿದ್ದ ಇಂಗ್ಲೆಂಡ್​ ತಂಡದ ಜೇಮ್ಸ್​ ವಿನ್ಸ್​ ರನ್​ಔಟ್​ ಆದರು.

ಸಿಡ್ನಿ: ಕ್ರಿಕೆಟ್​ನಲ್ಲಿ ಚೆಂಡನ್ನು ದಂಡಿಸುವಾತ(ಬ್ಯಾಟ್ಸ್‌ಮನ್‌) ಕ್ಯಾಚ್​, ಬೌಲ್ಡ್​, ಸ್ಟಂಪ್​ ಔಟ್​ ಅಥವಾ ಎಲ್​ಬಿಡಬ್ಲ್ಯೂ ಆಗಿ ಯೂ ಕ್ರೀಸ್‌ನಿಂದ ನಿರ್ಗಮಿಸಿ ಪೆವಿಲಿಯನ್ ಸೇರಬಹುದು. ಆದರೆ, ಸ್ಟ್ರೈಕರ್​ನಲ್ಲಿರುವ ಬ್ಯಾಟ್ಸ್​ಮನ್​ ಹೊಡೆದ ಚೆಂಡಿನಿಂದ ನಾನ್​ ಸ್ಟ್ರೈಕರ್​ನಲ್ಲಿರುವ ಆಟಗಾರ ಔಟಾದ ಆಶ್ಚರ್ಯಕರ ಘಟನೆ ಬಿಗ್​ಬ್ಯಾಷ್​ ಲೀಗ್​ನಲ್ಲಿ ನಡೆದಿದೆ.

ಹಾಲಿ ಚಾಂಪಿಯನ್​ ಮೆಲ್ಬೋರ್ನ್​ ರೆನೆಗೇಡ್ಸ್​ ವಿರುದ್ಧ ಬ್ಯಾಟಿಂಗ್ ನಡೆಸುವ ವೇಳೆ ಸ್ಟ್ರೈಕರ್​ ಜೋಶ್​ ಫಿಲೆಪ್ಪೆ ಹೊಡೆದ ಚೆಂಡು ನೇರವಾಗಿ ಬೌಲರ್​ ವಿಲ್​ ಸದರ್ಲೆಂಡ್​ ಕೈಗೆ ಹೋಗಿತ್ತು. ಆದರೆ ಸದರ್ಲೆಂಡ್​ ಕ್ಯಾಚ್​ ಪಡೆಯುವಲ್ಲಿ ವಿಫಲರಾದರು. ಆದರೆ, ಅವರ ಕೈಯಿಂದ ತಪ್ಪಿದ ಚೆಂಡು ನೇರವಾಗಿ ಸ್ಟಂಪ್ಸ್‌ಗೆ ತಾಗಿದ್ದರಿಂದ ವಿಕೆಟ್​ ನಾನ್​ಸ್ಟ್ರೈಕರ್​ನಲ್ಲಿದ್ದ ಇಂಗ್ಲೆಂಡ್​ ತಂಡದ ಜೇಮ್ಸ್​ ವಿನ್ಸ್​ ರನ್​ಔಟ್​ ಆದರು!

ರನ್​ಔಟ್​

ಕೇವಲ 13 ಎಸೆತಗಳಲ್ಲಿ 22 ರನ್​ ಚಚ್ಚಿರುವ ವಿನ್ಸ್​ ದುರದೃಷ್ಟಕರ ರೀತಿಯಲ್ಲಿ ಔಟಾಗಿ ಪೆಚ್ಚು ಮೋರೆ ಹಾಕಿಕೊಂಡು ಪೆವಿಲಿಯನ್​ನತ್ತ ಹೆಜ್ಜೆ ಹಾಕಿದರು. ವಿನ್ಸ್​ ಔಟಾಗಲು ಪರೋಕ್ಷವಾಗಿ ಕಾರಣರಾದ ಫಿಲಿಪ್ಪೆ ಭರ್ಜರಿ ಅರ್ಧಶತಕಗಳಿಸಿ ತಂಡದ ಗೆಲುವಿಗೆ ಕಾರಣರಾದರು.

ಈ ಪಂದ್ಯದಲ್ಲಿ ಮೆಲ್ಬೋರ್ನ್​ ತಂಡ ಫಿಂಚ್​ ಶತಕದ ನೆರವಿನಿಂದ 175 ರನ್​ಗಳಿಸಿದರೆ, ಸಿಡ್ನಿ ಸಿಕ್ಸರ್​ 3 ವಿಕೆಟ್​ ಕಳೆದುಕೊಂಡು 18.4 ಓವರ್​ಗಳಲ್ಲೇ ನಿಗದಿತ ರನ್‌ ಗುರಿ ತಲುಪಿತು. ಆರು ವರ್ಷಗಳ ಬಳಿಕ ಬಿಗ್​ಬ್ಯಾಷ್​ಗೆ ಮರಳಿದ ಸ್ಟೀವ್​ ಸ್ಮಿತ್​ 66, ಫಿಲಿಪ್ಪೆ 61 ರನ್​ ಗಳಿಸಿ ತಂಡದ ಗೆಲುವಿನ ರೂವಾರಿಗಳಾದರು.