ಪ್ಲೀಸ್‌, ನಮ್ಮವರಿಗೆ ಸಹಾಯ ಮಾಡಿ: ಭಾರತೀಯ ಕ್ರೀಡಾಭಿಮಾನಿಗಳಿಗೆ ಕಿವೀಸ್​ ಆಲ್​ರೌಂಡರ್​ ಮನವಿ!

ಐಸಿಸಿ ಏಕದಿನ ವಿಶ್ವಕಪ್​​ನಲ್ಲಿ ನ್ಯೂಜಿಲ್ಯಾಂಡ್​​-ಇಂಗ್ಲೆಂಡ್​ ತಂಡ ಮುಖಾಮುಖಿಯಾಗಲಿದ್ದು, ಈ ಮಧ್ಯೆ ಕಿವೀಸ್​ ತಂಡದ ಆಲ್​ರೌಂಡರ್​ ಟೀಂ ಇಂಡಿಯಾ ಕ್ರೀಡಾಭಿಮಾನಿಗಳ ಬಳಿ ಸಹಾಯ ಕೋರಿದ್ದಾರೆ.

ಲಾರ್ಡ್ಸ್‌ (ಇಂಗ್ಲೆಂಡ್‌)​​:ನಾಳೆ ಇಂಗ್ಲೆಂಡ್​​ನ 'ಕ್ರಿಕೆಟ್​ ಕಾಶಿ' ಲಾರ್ಡ್ಸ್‌​ ಮೈದಾನದಲ್ಲಿ ನ್ಯೂಜಿಲ್ಯಾಂಡ್​​-ಇಂಗ್ಲೆಂಡ್​ ತಂಡಗಳ ನಡುವೆ ಐಸಿಸಿ ಏಕದಿನ ಫೈನಲ್​ ವಿಶ್ವಕಪ್​ ಫೈಟ್​ ನಡೆಯಲಿದ್ದು, ಅದಕ್ಕಾಗಿ ಉಭಯ ತಂಡಗಳು ಸಜ್ಜುಗೊಂಡಿವೆ.

ಇದೀಗ ಫೈನಲ್​ ಪಂದ್ಯ ನೋಡಲು ನ್ಯೂಜಿಲ್ಯಾಂಡ್​-ಇಂಗ್ಲೆಂಡ್​ ಕ್ರೀಡಾಭಿಮಾನಿಗಳು ಉತ್ಸುಕರಾಗಿದ್ದು, ನ್ಯೂಜಿಲ್ಯಾಂಡ್​ ತಂಡದ ಆಲ್​ರೌಂಡರ್​​ ಜೆಮ್ಸ್​​ ನಿಶಮ್​ ಭಾರತೀಯ ಕ್ರೀಡಾಭಿಮಾನಿಗಳ ಬಳಿ ವಿಶೇಷ ಮನವಿ ಮಾಡಿಕೊಂಡಿದ್ದಾರೆ.

ಕಿವೀಸ್​ ಆಲ್​ರೌಂಡರ್

ಟೀಂ ಇಂಡಿಯಾ ಫೈನಲ್​ ಪ್ರವೇಶ ಮಾಡಲಿದೆ ಎಂಬ ಉತ್ಸಾಹದಲ್ಲಿ ಭಾರತೀಯ ಕ್ರೀಡಾಭಿಮಾನಿಗಳು ಈಗಾಗಲೇ ಫೈನಲ್​ ಟಿಕೆಟ್​ ಪಡೆದುಕೊಂಡಿದ್ದಾರೆ. ಆದರೆ ಕೊಹ್ಲಿ ಪಡೆ ನ್ಯೂಜಿಲ್ಯಾಂಡ್​ ವಿರುದ್ಧ ಸೆಮಿಫೈನಲ್​​ನಲ್ಲಿ ಸೋತು ಹೊರಬಿದ್ದಿದ್ದು, ತಾವು ಪಡೆದುಕೊಂಡಿರುವ ಟಿಕೆಟ್​ಗಳನ್ನು ನ್ಯೂಜಿಲ್ಯಾಂಡ್​ ಕ್ರೀಡಾಭಿಮಾನಿಗಳಿಗೆ ನೀಡುವಂತೆ ಟ್ವೀಟ್​ ಮೂಲಕ ಮನವಿ ಮಾಡಿಕೊಂಡಿದ್ದಾರೆ.

ಡಿಯರ್​ ಇಂಡಿಯನ್​ ಕ್ರಿಕೆಟ್​ ಫ್ಯಾನ್ಸ್​, ನೀವೂ ಫೈನಲ್​ ಪಂದ್ಯ ನೋಡಲು ಬರುವುದಿಲ್ಲ ಎಂಬುದು ನನಗೆ ಗೊತ್ತಿದೆ. ದಯವಿಟ್ಟು ನಿಮ್ಮ ಬಳಿ ಇರುವ ಫೈನಲ್​ ಪಂದ್ಯದ ಟಿಕೆಟ್​​ ನ್ಯೂಜಿಲ್ಯಾಂಡ್​ ಕ್ರೀಡಾಭಿಮಾನಿಗಳಿಗೆ ನೀಡಿ. ಅವರು ಫೈನಲ್​ ಪಂದ್ಯವನ್ನ ನೋಡಲಿ ಎಂದು ಮನವಿ ಮಾಡಿದ್ದಾರೆ.

ಇಂಡಿಯನ್​ ಫ್ಯಾನ್ಸ್​​​

2015ರಲ್ಲಿ ಫೈನಲ್​ ಪ್ರವೇಶ ಪಡೆದುಕೊಂಡಿದ್ದ ನ್ಯೂಜಿಲ್ಯಾಂಡ್​ ತಂಡ ಆಸ್ಟ್ರೇಲಿಯಾ ವಿರುದ್ಧ ಸೋಲು ಕಾಣುವುದರೊಂದಿಗೆ ರನ್ನರ್​ಅಫ್​ ಆಗಿತ್ತು. ಆದರೆ ಈ ಸಲ ಫೈನಲ್​ನಲ್ಲಿ ಇಂಗ್ಲೆಂಡ್​ ವಿರುದ್ಧ ಗೆಲುವು ದಾಖಲು ಮಾಡುವ ಉತ್ಸಾಹದಲ್ಲಿದೆ.