ಅಹ್ಮದಾಬಾದ್: ಮುಂಬರುವ ವಿಶ್ವಕಪ್ ತಯಾರಿಗೆ ಐಪಿಎಲ್ ನೆರವಾಗಲಿದೆ ಎಂದಿರುವ ಇಂಗ್ಲೆಂಡ್ ತಂಡದ ವಿಕೆಟ್ ಕೀಪರ್, ಬ್ಯಾಟ್ಸ್ಮನ್ ಸ್ಯಾಮ್ ಬಿಲ್ಲಿಂಗ್ಸ್, ಡೆಲ್ಲಿ ಕ್ಯಾಪಿಟಲ್ಸ್ನಲ್ಲಿ ಸ್ಪರ್ಧೆ ಹೆಚ್ಚಿರುವುದರಿಂದ ತಮಗೆ ಸೀಮಿತ ಅವಕಾಶಗಳು ದೊರೆಯುತ್ತವೆ ಎಂದು ಅವರು ಒಪ್ಪಿಕೊಂಡಿದ್ದಾರೆ.
29 ವರ್ಷದ ಇಂಗ್ಲೀಷ್ ಬ್ಯಾಟ್ಸ್ಮನ್ನನ್ನು ಡೆಲ್ಲಿ ಕ್ಯಾಪಿಟಲ್ಸ್ ತಂಡ 2 ಕೋಟಿ ರೂ. ನೀಡಿ 2021ರ ಮಿನಿ ಹರಾಜಿನಲ್ಲಿ ಖರೀದಿಸಿದೆ. 2018-19ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದಲ್ಲಿ ಇವರು ಆಡಿದ್ದರು.
ನೀವು ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ನೋಡಿ, ಅದರಲ್ಲೂ ವಿದೇಶಿ ಆಟಗಾರರ ಆಯ್ಕೆಗೆ ಸ್ಪರ್ಧೆ ಹೆಚ್ಚಿದೆ. ನೀವು ಯಾವುದೇ ಸಂಯೋಜನೆಯೊಂದಿಗೆ ಹೋದರೂ, ಅದು ಯಶಸ್ವಿಯಾಗಲಿದೆ ಎಂದು ಬಿಲ್ಲಿಂಗ್ಸ್ ಭಾರತದೆದುರಿನ ಟಿ20 ಸರಣಿಗೂ ಮುನ್ನ ನಡೆದ ಸುದ್ದಿ ಗೋಷ್ಠಿಯಲ್ಲಿ ತಿಳಿಸಿದ್ದಾರೆ.
"ತಂಡದಲ್ಲಿ ಸ್ಪರ್ಧೆ ಅಸಾಧಾರಣವಾಗಿದೆ. ಡೆಲ್ಲಿ ಕಳೆದ ವರ್ಷ ಫೈನಲ್‌ಗೆ ತಲುಪಿರುವುದರಿಂದ, ತಮಗೆ ಸೀಮಿತ ಅವಕಾಶ ದೊರೆಯಬಹುದು. ಆದರೆ ಇದು ವಿಶ್ವಕಪ್ಗೆ ತಯಾರಿ ಮಾಡಿಕೊಳ್ಳಲು ಮತ್ತು ಇಲ್ಲಿನ ಪರಿಸ್ಥಿತಿಗಳಲ್ಲಿ ಹೊಂದಿಕೊಳ್ಳಲು ನನಗೆ ಉತ್ತಮ ಅವಕಾಶ ನೀಡುತ್ತದೆ" ಎಂದು ಇಂಗ್ಲೀಷ್ ವಿಕೆಟ್ ಕೀಪರ್ ತಿಳಿಸಿದ್ದಾರೆ.