ಡಿಕಾಕ್ ಕಮ್​ಬ್ಯಾಕ್.. ಕೆಕೆಆರ್​ ವಿರುದ್ಧ ಮೊದಲ ಗೆಲುವಿನ ನಿರೀಕ್ಷೆಯಲ್ಲಿ ಹಾಲಿ ಚಾಂಪಿಯನ್​

ಕಳೆದ ಪಂದ್ಯದಲ್ಲಿ ಮುಂಬೈನಂತೆಯೇ ಕೆಕೆಆರ್ ತಂಡದ ಸ್ಟಾರ್​ ಆಟಗಾರರಾದ ಮಾರ್ಗನ್​, ರಸೆಲ್​ ಹಾಗೂ ಗಿಲ್ ವಿಫಲರಾಗಿದ್ದರು. ಗೆಲುವಿನ ವಿಶ್ವಾಸದಲ್ಲಿರುವ ಮುನ್ನುಗ್ಗಿ ಜಯದ ಓಟವನ್ನು ಮುಂದುವರಿಸಲು ಮಾರ್ಗನ್ ಪಡೆ ಎದುರು ನೋಡುತ್ತಿದೆ..

ಚೆನ್ನೈ :ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ವಿರುದ್ಧ 2 ವಿಕೆಟ್​ಗಳ ರೋಚಕ ಸೋಲು ಕಂಡಿರುವ ಮುಂಬೈ ಇಂಡಿಯನ್ಸ್​ ಇಂದು ಕೋಲ್ಕತಾ ನೈಟ್ ರೈಡರ್ಸ್ ವಿರುದ್ಧ 2ನೇ ಪಂದ್ಯದಲ್ಲಿ ಕಣಕ್ಕಿಳಿಯುತ್ತಿದೆ.

ಮೊದಲ ಪಂದ್ಯದಲ್ಲಿ ಕ್ವಾರಂಟೈನ್​ ಸಲುವಾಗಿ ಹೊರಗುಳಿದಿದ್ದ ಕ್ವಿಂಟನ್ ಡಿಕಾಕ್​ ಭಾನುವಾರ ಮುಂಬೈ ಬಳಗ ಸೇರಿಕೊಂಡಿದ್ದರು. ಇದೀಗ ಕೆಕೆಆರ್​ ವಿರುದ್ಧ ಕಣಕ್ಕಿಳಿಯಲಿದ್ದು, ಆರ್​ಸಿಬಿ ವಿರುದ್ಧ ಮುಂಬೈನ ಗರಿಷ್ಠ ಸ್ಕೋರರ್ ಆಗಿದ್ದ ಕ್ರಿಸ್​ ಲಿನ್​ ಮತ್ತೆ ಬೆಂಚ್​ ಕಾಯಬೇಕಾಗಿದೆ.

ದಕ್ಷಿಣ ಆಫ್ರಿಕಾದ ವಿಕೆಟ್​ ಕೀಪರ್ ನಾಯಕ ರೋಹಿತ್ ಶರ್ಮಾ ಜೊತೆಗೆ ಆರಂಭಿಕರಾಗಿ ಕಣಕ್ಕಿಳಿಯಲಿದ್ದಾರೆ. ಡಿಕಾಕ್​ ಕಣಕ್ಕಿಳಿಯುವುದನ್ನು ಈಗಾಗಲೇ ಮುಂಬೈ ತಂಡದ ನಿರ್ದೇಶಕ ಜಹೀರ್​ ಖಾನ್​ ಕೂಡ ಖಚಿತಪಡಿಸಿದ್ದಾರೆ.

ಆರ್​ಸಿಬಿ ವಿರುದ್ಧ ವಿಫಲರಾಗಿದ್ದ ಮಧ್ಯಮ ಕ್ರಮಾಂಕದ ಪಾಂಡ್ಯ ಸಹೋದರರು ಮತ್ತು ಕೀರನ್ ಪೊಲಾರ್ಡ್​ ಈ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ತೋರಿದರೆ ಮುಂಬೈಗೆ ಗೆಲುವು ಆಸಾಧ್ಯವೇನಲ್ಲ. ಬೌಲಿಂಗ್ ಯುನಿಟ್​ ಎಂದಿನಂತೆ ಪ್ರಬಲವಾಗಿದೆ. ಕೆಕೆಆರ್ ಮಣಿಸಿ ಚೊಚ್ಚಲ ಗೆಲುವು ಪಡೆಯಲು ಹಾತೊರೆಯುತ್ತಿದೆ. ಈ ಪಂದ್ಯದಲ್ಲಿ ಅನುಭವಿ ಪಿಯುಷ್ ಚಾವ್ಲಾ ಕಣಕ್ಕಿಳಿಯುವ ಸಾಧ್ಯತೆ ಕೂಡ ಹೆಚ್ಚಿದೆ.

ಇನ್ನು, ಮುಂಬೈ ತಂಡ ಐಪಿಎಲ್​ನಲ್ಲಿ ಸಂಪೂರ್ಣ ಪ್ರಾಬಲ್ಯ ಸಾಧಿಸಿದೆ. ಆಡಿರುವ 27 ಪಂದ್ಯಗಳಲ್ಲಿ 21ರಲ್ಲಿ ಜಯ ಸಾಧಿಸಿದೆ. ಕೆಕೆಆರ್​ ಕೇವಲ 6 ಪಂದ್ಯಗಳಲ್ಲಿ ಮಾತ್ರ ಜಯ ಸಾಧಿಸಿದೆ. ಹಾಗಾಗಿ, ಅಂಕಿ-ಅಂಶಗಳ ಪ್ರಕಾರ ಮುಂಬೈ ಗೆಲುವು ಪಡೆಯುವ ಸಾಧ್ಯತೆ ಹೆಚ್ಚಿದೆ.

ಇತ್ತ ಕೆಕೆಆರ್​ ಮಧ್ಯಮ ಕ್ರಮಾಂಕದ ವೈಫಲ್ಯದ ಹೊರೆತಾಗಿಯೂ ಆರಂಭಿಕ ನಿತೀಶ್ ರಾಣಾ(80) ಮತ್ತು ರಾಹುಲ್ ತ್ರಿಪಾಠಿ ಬಲದಿಂದ ಸನ್​ರೈಸರ್ಸ್​ ಹೈದರಾಬಾದ್​ ವಿರುದ್ಧ 10 ರನ್​ಗಳ ಜಯ ಸಾಧಿಸಿ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ.

ಕಳೆದ ಪಂದ್ಯದಲ್ಲಿ ಮುಂಬೈನಂತೆಯೇ ಕೆಕೆಆರ್ ತಂಡದ ಸ್ಟಾರ್​ ಆಟಗಾರರಾದ ಮಾರ್ಗನ್​, ರಸೆಲ್​ ಹಾಗೂ ಗಿಲ್ ವಿಫಲರಾಗಿದ್ದರು. ಗೆಲುವಿನ ವಿಶ್ವಾಸದಲ್ಲಿರುವ ಮುನ್ನುಗ್ಗಿ ಜಯದ ಓಟವನ್ನು ಮುಂದುವರಿಸಲು ಮಾರ್ಗನ್ ಪಡೆ ಎದುರು ನೋಡುತ್ತಿದೆ.

ಇದನ್ನು ಓದಿ: ವಾಂಖೆಡೆಯಲ್ಲಿ ಬೌಂಡರಿ, ಸಿಕ್ಸರ್​ಗಳ ಸುರಿಮಳೆ... ರಾಜಸ್ಥಾನದ ವಿರುದ್ಧ ಪಂಜಾಬ್​ಗೆ​ 4 ರನ್​ಗಳ ರೋಚಕ ಜಯ!