ಚೆನ್ನೈ: ಕಳೆದ ಆವೃತ್ತಿಯಲ್ಲಿ 10 ಕೋಟಿ ರೂ.ಗೆ ಆರ್ಸಿಬಿಯಿಂದ ಖರೀದಿಯಾಗಿದ್ದ ದಕ್ಷಿಣ ಆಫ್ರಿಕಾದ ಆಲ್ರೌಂಡರ್ ಕ್ರಿಸ್ ಮೋರಿಸ್ ಈ ಸಲದ ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ ಜಾಕ್ಪಾಟ್ ಹೊಡೆದಿದ್ದು, ಬರೋಬ್ಬರಿ 16.25 ಕೋಟಿ ರೂ.ಗೆ ಸೇಲ್ ಆಗಿದ್ದಾರೆ.
ಐಪಿಎಲ್ ಇತಿಹಾಸದಲ್ಲೇ ಅತಿ ಹೆಚ್ಚು ಮೊತ್ತಕ್ಕೆ ಬಿಕರಿಯಾದ ಆಟಗಾರ ಎಂಬ ಖ್ಯಾತಿ ಗಳಿಸಿದ್ದ ಯುವರಾಜ್ ಸಿಂಗ್ ದಾಖಲೆ ಬ್ರೆಕ್ ಮಾಡಿರುವ ಮೋರಿಸ್ ಇದೀಗ ಹೆಚ್ಚಿನ ಹಣಕ್ಕೆ ಸೇಲ್ ಆಗಿದ್ದಾರೆ. ಈ ಹಿಂದೆ ಡೆಲ್ಲಿ ಕ್ಯಾಪಿಟಲ್ಸ್ ಬರೋಬ್ಬರಿ 16 ಕೋಟಿ ರೂಗೆ ಸೇಲ್ ಆಗಿದ್ದರು.
ಓದಿ: ಸಿಎಸ್ಕೆ - ಆರ್ಸಿಬಿ ನಡುವೆ ಫೈಟ್: 14.25 ಕೋಟಿ ರೂ. ನೀಡಿ ಮ್ಯಾಕ್ಸ್ವೆಲ್ ಖರೀದಿ ಮಾಡಿದ ಬೆಂಗಳೂರು!
ಕ್ರಿಸ್ ಮೋರಿಸ್ ಖರೀದಿ ಮಾಡಲು ಮುಂಬೈ, ರಾಜಸ್ಥಾನ ರಾಯಲ್ಸ್ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿತ್ತು. ಕೊನೆಗೆ ಆರ್ಆರ್ ತನ್ನ ಬುಟ್ಟಿಗೆ ಹಾಕಿಕೊಂಡಿದೆ. ಉನ್ನು 4.40 ಕೋಟಿ ರೂ. ನೀಡಿ ಶಿವಂ ದುಬೆಗೆ ರಾಜಸ್ಥಾನ ಖರೀದಿ ಮಾಡಿದ್ದಾರೆ. ಈ ಹಿಂದೆ ಈ ಇಬ್ಬರು ಪ್ಲೇಯರ್ಸ್ ಆರ್ಸಿಬಿ ತಂಡದಲ್ಲಿದ್ದರು ಎಂಬುದು ಗಮನಾರ್ಹ ವಿಷಯವಾಗಿದೆ. ಉಳಿದಂತೆ 7 ಕೋಟಿ ರೂ. ನೀಡಿ ಮೊಯಿನ್ ಅಲಿಗೆ ಚೆನ್ನೈ ಸೂಪರ್ ಕಿಂಗ್ಸ್ ಖರೀದಿ ಮಾಡಿದೆ. ಮೋರಿಸ್ ಮೂಲ ಬೆಲೆ 75 ಲಕ್ಷ ರೂ ಘೋಷಣೆ ಮಾಡಿಕೊಂಡಿದ್ದರು.
