ಮುಂಬೈ :ಭಾರತದ ವಿರುದ್ಧ ಏಕದಿನ ಸರಣಿ ಮುಗಿಯುತ್ತಿದ್ದಂತೆ ಐಪಿಎಲ್ ಒಪ್ಪಂದ ಹೊಂದಿರುವ ಇಂಗ್ಲೆಂಡ್ ಆಟಗಾರರು 14ನೇ ಐಪಿಎಲ್ ಸೀಸನ್‌ಗಾಗಿ ತಮ್ಮ ಗೌರವಾನ್ವಿತ ಫ್ರಾಂಚೈಸಿಯನ್ನು ಸೋಮವಾರ ಸೇರಿಕೊಂಡಿದ್ದಾರೆ.
ಭಾನುವಾರ ಪುಣೆಯಲ್ಲಿ ನಡೆದ ಕೊನೆಯ ಏಕದಿನ ಪಂದ್ಯದಲ್ಲಿ 7 ರನ್ಗಳ ರೋಚಕ ಸೋಲು ಕಂಡಿದ್ದ ಇಂಗ್ಲೆಂಡ್ ತಂಡ ಸರಣಿಯಲ್ಲಿ 2-1ರಲ್ಲಿ ಕಳೆದುಕೊಂಡಿತ್ತು. ಈ ಮೂಲಕ ಮೂರು ಮಾದರಿಯ ಸರಣಿಗಳಲ್ಲೂ ಸೋಲಿನ ಮುಖಭಂಗ ಅನುಭವಿಸಿದೆ. ಸರಣಿ ಸೋಲಿನ ಕಹಿ ಮರೆತು ಇದೀಗ ವಿಶ್ವದ ಶ್ರೀಮಂತ ಲೀಗ್ನಲ್ಲಿ ಪಾಲ್ಗೊಳ್ಳಲು ಸೋಮವಾರ ತಮ್ಮ ತಂಡಗಳಿರುವ ಸ್ಥಳಗಳಿಗೆ ಸೇರಿದ್ದಾರೆ.
ಆಲ್ರೌಂಡರ್ಗಳಾದ ಸ್ಯಾಮ್ ಕರ್ರನ್ ಮತ್ತಯ ಮೊಯೀನ್ ಅಲಿ ಚೆನ್ನೈ ಸೂಪರ್ ಕಿಂಗ್ಸ್ ಫ್ರಾಂಚೈಸಿ ಸೇರಿದ್ದಾರೆ. ಇದನನ್ನ ಸಿಎಸ್ಕೆ ಟ್ವೀಟ್ ಮೂಲಕ ಖಚಿತಪಡಿಸಿದೆ.
ಇದನ್ನು ಓದಿ:ಭುವಿಯನ್ನು ಮ್ಯಾನ್ ಆಫ್ ಸಿರೀಸ್ ಪ್ರಶಸ್ತಿಗಾಗಿ ಹೆಸರಿಸದ್ದಕ್ಕೆ ಆಶ್ಚರ್ಯ ವ್ಯಕ್ತಪಡಿಸಿದ ಮೈಕಲ್ ವಾನ್
ಇಂಗ್ಲೆಂಡ್ ತಂಡದ ನಾಯಕ ಇಯಾನ್ ಮಾರ್ಗನ್ ಭಾರತೀಯ ಆಟಗಾರರಾದ ಶುಭಮನ್ ಗಿಲ್ ಮತ್ತು ಪ್ರಸಿಧ್ ಕೃಷ್ಣರ ಜೊತೆಗೆ ಚೆನ್ನೈನಲ್ಲಿರುವ ಕೆಕೆಆರ್ ತಂಡಕ್ಕೆ ಸೇರಿದ್ದಾರೆ. ಏಪ್ರಿಲ್ 11ರಂದು ಹೈದರಾಬಾದ್ ಮತ್ತು ಕೆಕೆಆರ್ ತನ್ನ ಮೊದಲ ಪಂದ್ಯದಲ್ಲಿ ಕಣಕ್ಕಿಳಿಯಲಿವೆ.
ರಿಷಬ್ ಪಂತ್ ಜೊತೆಗೆ ಈ ವರ್ಷ ಡೆಲ್ಲಿ ಕ್ಯಾಪಿಟಲ್ಸ್ ಸೇರಿರುವ ಸ್ಯಾಮ್ ಬಿಲ್ಲಿಂಗ್ಸ್ ಮತ್ತು ಟಾಮ್ ಕರ್ರನ್ ಮುಂಬೈಗೆ ಬಂದು ಸೇರಿದ್ದಾರೆ ಎಂದು ಡಿಸಿ ತನ್ನ ಟ್ವಿಟರ್ನಲ್ಲಿ ತಿಳಿಸಿದೆ. ಮೂವರು ಏಕದಿನ ಸರಣಿಯ ಭಾಗವಾಗಿದ್ದರು.
ಉಳಿದಂತೆ ಸನ್ರೈಸರ್ಸ್ನ ಜಾನಿ ಬೈರ್ಸ್ಟೋವ್ ಆರ್ಸಿಬಿ ತಂಡದ ಯಜ್ವೇಂದ್ರ ಚಹಾಲ್ ಜೊತೆಗೆ ಚೆನ್ನೈ ತಲುಪಿದ್ದಾರೆ. ಇಂಗ್ಲೆಂಡ್ ಆಟಗಾರರಲ್ಲದೆ ಭಾರತದ ಕೆಲವು ಪ್ಲೇಯರ್‌ಗಳು ಕೂಡ ಅವರವರ ಫ್ರಾಂಚೈಸಿ ಬಯೋಬಬಲ್ಗೆ ಬಂದು ಸೇರಿದ್ದಾರೆ.
