ದುಬೈ: ನಾಯಕ ಡೇವಿಡ್ ವಾರ್ನರ್ ಮತ್ತು ಬೈರ್ಸ್ಟೋವ್ ಅರ್ಧಶತಕ ಹಾಗೂ ಬೌಲರ್ಗಳ ಉತ್ತಮ ಪ್ರದರ್ಶನದಿಂದ ಸನ್ರೈಸರ್ಸ್ ಹೈದರಾಬಾದ್ ತಂಡ ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧ 69 ರನ್ಗಳ ಜಯ ಸಾಧಿಸಿದೆ.
ದುಬೈನಲ್ಲಿ ನಡೆದ ಇಂದಿನ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಸನ್ರೈಸರ್ಸ್ ಹೈದರಾಬಾದ್ ಜಾನಿ ಬೈರ್ಸ್ಟೋವ್ ಅವರ 97(55 ಎಸೆತ) ಹಾಗೂ ಡೇವಿಡ್ ವಾರ್ನರ್ 52(40) ರನ್ಗಳ ನೆರವಿನಿಂದ 20 ಓವರ್ಗಳಲ್ಲಿ 201 ರನ್ಗಳಿಸಿತ್ತು.
202 ರನ್ಗಳ ಗುರಿ ಬೆನ್ನತ್ತಿದ ಪಂಜಾಬ್ ತಂಡ ಬ್ಯಾಟಿಂ್ ವೈಫಲ್ಯ ಅನುಭವಿಸಿ 16.5 ಓವರ್ಗಳಲ್ಲಿ ಆಲೌಟ್ ಆಯಿತು. ಈ ಮೂಲಕ 69 ರನ್ಗಳ ಹೀನಾಯ ಸೋಲುಕಂಡಿತು. ವೆಸ್ಟ್ ಇಂಡೀಸ್ನ ಯುವ ಬ್ಯಾಟ್ಸ್ಮನ್ ನಿಕೋಲಸ್ ಪೂರನ್ 37 ಎಸೆತಗಳಲ್ಲಿ 7 ಸಿಕ್ಸರ್ ಹಾಗೂ 6 ಬೌಂಡರಿ ಸಹಿತ 77 ರನ್ಗಳಿಸಿದರೂ ತಂಡಕ್ಕೆ ಗೆಲುವು ತಂದುಕೊಡಲಾಗಲಿಲ್ಲ.
ಪೂರನ್ ಹೊರೆತುಪಡಿಸಿ ಉಳಿದೆಲ್ಲಾ ಬ್ಯಾಟ್ಸ್ಮನ್ಗಳು ವಿಫಲವಾದದ್ದೆ ತಂಡದ ಸೋಲಿಗೆ ಕಾರಣವಾಯಿತು. ರಾಹುಲ್ 11, ಮಯಾಂಕ್ 9, ಮ್ಯಾಕ್ಸ್ವೆಲ್ 7, ಮಂದೀಪ್ 5, ಮುಜೀಬ್ 1, ಕಾಟ್ರೆಲ್ 0, ಶಮಿ 0 ಹಾಗೂ ಅರ್ಷ್ದೀಪ್ 0ಗೆ ವಿಕೆಟ್ ಒಪ್ಪಿಸಿದರು.
ಪಂಜಾಬ್ ಹೈದರಾಬಾದ್ ಪರ ರಶೀದ್ ಖಾನ್ 12ಕ್ಕೆ 3, ಟಿ ನಟರಾಜನ್ 24ಕ್ಕೆ 2, ಕೆ.ಖಲೀಲ್ ಅಹ್ಮದ್ 24ಕ್ಕೆ 2 ಹಾಗೂ ಅಭಿಷೇಕ್ ಶರ್ಮಾ 1 ವಿಕೆಟ್ ಪಡೆದರು ಹೈದರಾಬಾದ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
