ಮಿಂಚಿದ ಕೊಹ್ಲಿ, ಮೋರಿಸ್​: ಪಂಜಾಬ್ ತಂಡಕ್ಕೆ 172 ರನ್​ಗಳ ಟಾರ್ಗೆಟ್ ನೀಡಿದ ಆರ್​ಸಿಬಿ

ಬ್ಯಾಟಿಂಗ್​ ಸ್ವರ್ಗದಲ್ಲಿ ಬ್ಯಾಟಿಂಗ್ ಕ್ರಮಾಂಕ ಬದಲಾವಣೆಯಿಂದ ಎಡವಿದ ಬೆಂಗಳೂರು ತಂಡದ 20 ಓವರ್​ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 171 ರನ್​ಗಳಿಸಿದೆ.

ಶಾರ್ಜಾ: ನಾಯಕ ವಿರಾಟ್​ ಕೊಹ್ಲಿ ಹಾಗೂ ಕೊನೆಯ ಓವರ್​ಗಳಲ್ಲಿ ​ಮೋರಿಸ್​ ಅಬ್ಬರದಿಂದ ಬ್ಯಾಟಿಂಗ್ ನೆರವಿನಿಂದ ಆರ್​ಸಿಬಿ ತಂಡ 171 ರನ್​ಗಳಿಸಿ ಪಂಜಾಬ್ ತಂಡಕ್ಕೆ 172 ರನ್​ಗಳ ಟಾರ್ಗೆಟ್ ನೀಡಿದೆ.

ಬ್ಯಾಟಿಂಗ್​ ಸ್ವರ್ಗದಲ್ಲಿ ಬ್ಯಾಟಿಂಗ್ ಕ್ರಮಾಂಕ ಬದಲಾವಣೆಯಿಂದ ಎಡವಿದ ಬೆಂಗಳೂರು ತಂಡದ 20 ಓವರ್​ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 171 ರನ್​ಗಳಿಸಿದೆ.

ಆರಂಭಿಕರಾದ ದೇವದತ್​ ಪಡಿಕ್ಕಲ್​ 20 , ಆ್ಯರೋನ್ ಫಿಂಚ್​ 18 ರನ್​ಗಳಿಸಿ ಬೇಗ ವಿಕೆಟ್​ ಒಪ್ಪಿಸಿದರು. ಆದರೆ ನಾಲ್ಕನೇ ಕ್ರಮಾಂಕದಲ್ಲಿ ವಿಲಿಯರ್ಸ್​ ಬದಲಿಗೆ ಬಂದ ಸುಂದರ್ ಎಲ್ಲರ ನಿರೀಕ್ಷೆಯನ್ನ ಹುಸಿಗೊಳಿಸಿದರು. ಅವರು 14 ಎಸೆತಗಳಲ್ಲಿ 13 ರನ್​ಗಳಿಸಿ ಔಟಾದರು.

ನಂತರ ಬಂದ ದುಬೆ 19 ಎಸೆತಗಳಲ್ಲಿ 23 ರನ್​ಗಳಿಸಿ ವಿಕೆಟ್​ ಒಪ್ಪಿಸಿದರು. 4 ರಬದಲಾಗಿ 6ನೇ ಕ್ರಮಾಂಜದಲ್ಲಿ ಬ್ಯಾಟಿಂಗ್ ಬಂದ ವಿಲಿಯರ್ಸ್​ ಕೇವಲ 2 ರನ್​ಗಳಿಸಿ ಶಮಿಗೆ ವಿಕೆಟ್ ನೀಡಿದರೆ, ಅದೇ ಓವರ್​ನಲ್ಲಿ ಕೊಹ್ಲಿ ಕೂಡ ರಾಹುಲ್​ಗೆ ಕ್ಯಾಚ್​ ನೀಡಿ ಔಟಾದರು.

ಆದರೆ ಕೊನೆಯ ಎರಡು ಓವರ್​ಗಳಲ್ಲಿ ಅಬ್ಬರಿಸಿದ ಮೋರಿಸ್​ ಕೇವಲ 8 ಎಸೆತಗಳಲ್ಲಿ 3 ಸಿಕ್ಸರ್​ ಹಾಗೂ ಒಂದು ಬೌಂಡರಿ ಸಹಿತ 25 ಹಾಗೂ ಉದಾನ 5 ಎಸೆತಗಳಲ್ಲಿ 10 ರನ್​ಗಳಿಸಿ 171 ರನ್​ಗಳ ಸ್ಪರ್ಧಾತ್ಮಕ ಮೊತ್ತ ಪೇರಿಸಲು ನೆರವಾದರು.

ಪಂಜಾಬ್ ಪರ ಶಮಿ 45ಕ್ಕೆ 2, ಮುರುಗನ್ ಅಶ್ವಿನ್ 23ಕ್ಕೆ 2 , ಅರ್ಶ್​ದೀಪ್ ಸಿಂಗ್ ಹಾಗೂ ಜೋರ್ಡಾನ್ ತಲಾ ಒಂದು ವಿಕೆಟ್ ಪಡೆದರು.