ಮುಂಬೈ: ಮುಂಬೈ ಇಂಡಿಯನ್ಸ್ ಪರ 2008ರಿಂದ 2013ರವರೆಗೆ ಆಡಿದ್ದ ಧವಳ್ ಕುಲಕರ್ಣಿ ಇದೀಗ ಮತ್ತೆ 6 ವರ್ಷಗಳ ಬಳಿಕ ತವರು ತಂಡ ಸೇರಿಕೊಂಡಿದ್ದಾರೆ.
ದೇಶಿ ಕ್ರಿಕೆಟ್ನಲ್ಲಿ ಮುಂಬೈ ತಂಡವನ್ನು ಪ್ರತಿನಿಧಿಸುವ ಅನುಭವಿ ಧವಳ್ 6 ವರ್ಷಗಳ ಬಳಿಕ ತವರು ತಂಡಕ್ಕೆ ಸೇರ್ಪಡೆಗೊಂಡಿದ್ದಾರೆ. ಆದರೆ ಮುಂಬೈ ಇಂಡಿಯನ್ಸ್ ಧವಳ್ ಬದಲಾಗಿ ಸ್ಫೋಟಕ ಬ್ಯಾಟ್ಸ್ಮನ್ ಇವಿನ್ ಲೆವಿಸ್ರನ್ನು ರಾಜಸ್ಥಾನ ರಾಯಲ್ಸ್ಗೆ ಬಿಟ್ಟುಕೊಟ್ಟಿದೆ.
ಕಳೆದ ಸೀಸನ್ನಲ್ಲಿ 10 ಪಂದ್ಯಗಳಿಂದ 9.83 ಎಕಾನಮಿಯಲ್ಲಿ ಕೇವಲ 6 ವಿಕೆಟ್ ಪಡೆದು ಕಳಪೆ ಬೌಲಿಂಗ್ ಪ್ರದರ್ಶನ ನೀಡಿದ್ದರಿಂದ ರಾಯಲ್ಸ್ ಫ್ರಾಂಚೈಸಿ ಧವಳ್ ಕುಲಕರ್ಣಿಯನ್ನು ತಂಡದಿಂದ ಕೈಬಿಟ್ಟಿದೆ. ಆದರೆ ಇವರ ಬದಲಾಗಿ ವಿಂಡೀಸ್ ಸ್ಫೋಟಕ ಬ್ಯಾಟ್ಸ್ಮನ್ ಲೆವಿಸ್ರನ್ನು ತಂಡಕ್ಕೆ ಸೇರಿಸಿಕೊಳ್ಳುವ ಮೂಲಕ ಆರಂಭಿಕ ಬ್ಯಾಟಿಂಗ್ ಕ್ರಮಾಂಕವನ್ನು ಭದ್ರಪಡಿಸಿಕೊಂಡಿದೆ.
ಕುಲಕರ್ಣಿ 90 ಐಪಿಎಲ್ ಪಂದ್ಯಗಳಿಂದ 86 ವಿಕೆಟ್ ಪಡೆದಿದ್ದಾರೆ. 14 ರನ್ ನೀಡಿ 4 ವಿಕೆಟ್ ಪಡೆದಿರುವುದು ಅವರ ಶ್ರೇಷ್ಠ ಸಾಧನೆಯಾಗಿದೆ.
ಇವರಿಗೂ ಮುನ್ನ ರಾಜಸ್ಥಾನ ರಾಯಲ್ಸ್ ಆಲ್ರೌಂಡರ್ ಕೆ.ಗೌತಮ್ರನ್ನು ಪಂಜಾಬ್ಗೆ, ಹಿರಿಯ ಬ್ಯಾಟ್ಸ್ಮನ್ ರಹಾನೆಯನ್ನು ಡೆಲ್ಲಿ ಕ್ಯಾಪಿಟಲ್ಗೆ ಬಿಟ್ಟುಕೊಟ್ಟಿತ್ತು.
