ಅಬುಧಾಬಿ :ಆಸ್ಟ್ರೇಲಿಯಾದ ಸ್ಫೋಟಕ ಬ್ಯಾಟ್ಸ್ಮನ್ ಕ್ರಿಸ್ ಲಿನ್ ಮಂಗಳವಾರ ದುಬೈಗೆ ಆಗಮಿಸಿದ್ದಾರೆ. ಮುಂಬೈ ಇಂಡಿಯನ್ಸ್ ಬಳಗ ಸೇರಿಕೊಂಡಿದ್ದಾರೆ ಎಂದು ಪ್ರಾಂಚೈಸಿ ತಿಳಿಸಿದೆ.
ನಾಲ್ಕು ಬಾರಿಯ ಐಪಿಎಲ್ ಚಾಂಪಿಯನ್, ಕ್ರಿಸ್ ಲಿನ್ ಜೊತೆ ಅವರ ಸಹ ಆಟಗಾರ ಜೇಮ್ಸ್ ಪ್ಯಾಟಿನ್ಸನ್ ಹಾಗೂ ನ್ಯೂಜಿಲೆಂಡ್ನ ಟ್ರೆಂಟ್ ಬೌಲ್ಟ್ ಕಳೆದ ವಾರ ತಂಡ ಸೇರಿದ್ದಾರೆ ಎಂದು ಮಾಹಿತಿ ನೀಡಿದೆ.
ಪ್ಯಾಟಿನ್ಸನ್ ಕಳೆದ ವಾರ ಐಪಿಎಲ್ನಿಂದ ಹಿಂದೆ ಸರಿದಿದ್ದ ಶ್ರೀಲಂಕಾದ ಲಸಿತ್ ಮಾಲಿಂಗ ಅವರ ಬದಲಿಗೆ ಮುಂಬೈ ತಂಡಕ್ಕೆ ಸೇರಿಕೊಂಡಿದ್ದಾರೆ. ಕ್ರಿಸ್ ಲಿನ್ ಸಿಪಿಎಲ್ನಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ತೋರಿದ್ದರು. ಅವರು ಒಟ್ಟು 9 ಪಂದ್ಯಗಳಿಂದ ಕೇವಲ 138 ರನ್ಗಳಿಸಿದ್ದರು. ಲಿನ್ ಬಾರ್ಬಡೋಸ್ ವಿರುದ್ಧದ ಎರಡು ಪಂದ್ಯಗಳಲ್ಲಿ 19 ಹಾಗೂ 16, ಸೇಂಟ್ ಲೂಸಿಯಾ ಜೌಕ್ಸ್ ವಿರುದ್ಧ 2 ಪಂದ್ಯದಲ್ಲಿ 14 ಮತ್ತು 0, ಜಮೈಕಾ ವಿರುದ್ಧ 8 ಮತ್ತು 23, ಟಿಕೆಆರ್ ವಿರುದ್ಧ 34 ಮತ್ತು 8, ಹಾಗೂ ಗಯಾನ ವಿರುದ್ಧ 16 ರನ್ಗಳಿಸಿ ಔಟಾಗಿದ್ದಾರೆ.
ಕಳೆದ ಬಾರಿ ಕೆಕೆಆರ್ ಪರ ಆಡಿದ್ದ ಲಿನ್ ಡಿಸೆಂಬರ್ನಲ್ಲಿ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಮುಂಬೈ ಇಂಡಿಯನ್ಸ್ ಮೂಲಬೆಲೆ 2 ಕೋಟಿ ರೂ. ನೀಡಿ ಖರೀದಿಸಿತ್ತು.
