ಮುಂಬೈ:ದೀಪಾವಳಿಗೂ ಮುನ್ನ ಐಪಿಎಲ್ ಮುಗಿಯುವ ವೇಳಾಪಟ್ಟಿ ಪ್ರಕಟಿಸಿದ್ದಕ್ಕೆ ಅಸಮಾಧಾನ ವ್ಯಕ್ತಪಡಿಸಿದ್ದ ಐಪಿಎಲ್ ಬ್ರಾಡ್ಕಾಸ್ಟ್ ಹಕ್ಕು ಹೊಂದಿರುವ ಸ್ಟಾರ್ ಇಂಡಿಯಾಗೆ ಬಿಸಿಸಿಐ ಸಮಾಧಾನಕರವಾಗಿ ವಿವರಣೆ ನೀಡಿದೆ.
ದೀಪಾವಳಿ ಸಂದರ್ಭದಲ್ಲಿ ಹೆಚ್ಚು ಜಾಹೀರಾತುಗಳ ನಿರೀಕ್ಷಯಲ್ಲಿದ್ದ ಸ್ಟಾರ್ ಇಂಡಿಯಾಗೆ ಬಿಸಿಸಿಐ ಘೋಷಿಸಿದ ತಾತ್ಕಾಲಿಕ ವೇಳಾಪಟ್ಟಿ ಅಸಮಾಧಾನ ತಂದಿತ್ತು. ಯಾಕೆಂದರೆ, ಸೆಪ್ಟೆಂಬರ್ 26ರಿಂದ ನವೆಂಬರ್ 7ರವರೆಗೆ ವೇಳಾಪಟ್ಟಿ ನಿಗದಿಗೊಳಿಸಲಾಗಿದೆ. ಆದರೆ, ಸ್ಟಾರ್ ಇಂಡಿಯಾ ದೀಪಾವಳಿ ಕೊನೆಯವಾರದವರೆಗೆ ಐಪಿಎಲ್ ನಡೆಯುವ ನಿರೀಕ್ಷೆಯಿಟ್ಟುಕೊಂಡಿತ್ತು.
ಇದರ ಬಗ್ಗೆ ಪ್ರತಿಕ್ರಿಯೆ ನೀಡಿದರುವ ಬಿಸಿಸಿಐ ಅಧಿಕಾರಿಯೊಬ್ಬರು, ಕಳೆದ ಕೆಲವು ವರ್ಷಗಳಲ್ಲಿ ದೀಪಾವಳಿ ಪರಿಕಲ್ಪನೆ ಬದಲಾಗಿದೆ. ಬಾರ್ಕ್(ಬ್ರೋಡ್ಕಾಸ್ಟ್ ಆಡಿಯನ್ಸ್ ರೀಸರ್ಚ್ ಕೌನ್ಸಿಲ್)ನ ರೇಟಿಂಗ್ಗಳು ವಾರಂತ್ಯದಲ್ಲಿ ಅಷ್ಟೊಂದು ಫಲಪ್ರದವಾಗಿಲ್ಲ. ಅದಕ್ಕಾಗಿಯೇ ನಾವು ಕಳೆದ ಕೆಲವು ವರ್ಷಗಳಿಂದ ಟೀಮ್ ಇಂಡಿಯಾ ಆಟಗಾರರಿಗೆ ಕುಟುಂಸ್ಥರೊಂದಿಗೆ ಆನಂದಿಸಲು ದೀಪಾವಳಿ ಬ್ರೇಕ್ ನೀಡುತ್ತಿದ್ದೇವೆ ಎಂದು ತಿಳಿಸಿದ್ದಾರೆ.
ನಾವು ಯಾವಾಗಲೂ ಸ್ಟಾರ್ ಇಂಡಿಯಾದೊಂದಿಗೆ ಕುಳಿತು ಚರ್ಚಿಸಬಹುದು. ಆದರೆ, ಈ ಹಿಂದೆ ಅವರೊಂದಿಗೆ ಬಾರ್ಕ್ ರೇಟಿಂಗ್ ಬಗ್ಗೆ ಚರ್ಚಿಸಿದ್ದೇವೆ. ಮತ್ತು ಅವರು ಐಪಿಎಲ್ ಪ್ರಸಾರ ಮಾಡುವುದಲ್ಲದೆ, ಭಾರತೀಯ ಕ್ರಿಕೆಟ್ ಪಂದ್ಯಗಳನ್ನು ಪ್ರಸಾರ ಮಾಡುವ ಹಕ್ಕನ್ನು ಹೊಂದಿದೆ. ದೀಪಾವಳಿ ವಾರಾಂತ್ಯಗಳಲ್ಲಿ ಬಾರ್ಕ್ ರೇಟಿಂಗ್ ಕುಸಿಯುವುದರಿಂದ ನಾವು ನಮ್ಮ ರಾಷ್ಟ್ರೀಯ ತಂಡ ಆ ಸಮಯದಲ್ಲಿ ಬ್ರೇಕ್ ತೆಗೆದುಕೊಳ್ಳುವುದನ್ನು ನೋಡಿದ್ದೇವೆ ಎಂದು ಅವರು ವಿವರಿಸಿದ್ದಾರೆ.
ಆಟಗಾರರು ಅರ್ಹವಾದ ವಿರಾಮ ಪಡೆಯುವುದಲ್ಲದೆ, ದೇಶದ ಅತಿದೊಡ್ಡ ಹಬ್ಬದಂದೂ ತಮ್ಮ ಪ್ರೀತಿ ಪಾತ್ರರಾದವರೊಂದಿಗೆ ಅತ್ಯಮೂಲ್ಯ ಸಮಯ ಕಳೆಯುತ್ತಾರೆ. ಇದಕ್ಕೆ ಸಂಬಂಧಿಸಿದಂತೆ ಯಾವುದೇ ಗೊಂದಲಗಳಿಲ್ಲ. ನಾವು ಯಾವಾಗ ಬೇಕಾದರೂ ಪ್ರಸಾರಕರೊಂದಿಗೆ ಚರ್ಚಿಸಬಹುದು. ದೀಪಾವಳಿ ವಾರಾಂತ್ಯಕ್ಕೆ ಐಪಿಎಲ್ ವಿಸ್ತರಿಸದಿರುವುದಕ್ಕೆ ಇದು ಏಕೈಕ ಕಾರಣ ಎಂದು ತಿಳಿಸಿದ್ದಾರೆ.
ಇನ್ನು, ಸ್ಟಾರ್ ಸ್ಫೋರ್ಟ್ಸ್ ಸಮೂಹ ಐಪಿಎಲ್ ಪ್ರಸಾರದ ಹಕ್ಕನ್ನು 2018ರಲ್ಲಿ 16,437 ಕೋಟಿ ರೂ. ನೀಡಿ ಪಡೆದಿದೆ. ಇದು ಐದು ವರ್ಷಗಳ ಒಪ್ಪಂದವಾಗಿದ್ದು, ಬಿಸಿಸಿಐಗೆ ವಾರ್ಷಿಕ 3,500 ರಿಂದ 4,000 ಕೋಟಿ ರೂ.ಗಳನ್ನ ಪಡೆದುಕೊಳ್ಳುತ್ತಿದೆ.
