ನವದೆಹಲಿ: ಗಾಯದ ಕಾರಣ ಆಸ್ಟ್ರೇಲಿಯಾ ಪ್ರವಾಸಕ್ಕೆ ಆಯ್ಕೆಯಾಗದೆ ಉಳಿದಿರುವ ಇಶಾಂತ್ ಶರ್ಮಾ ಬಾಗಶಃ ಫಿಟ್ ಆಗಿದ್ದು, ಇಂದು ಆಯ್ಕೆ ಸಮಿತಿ ಅಧ್ಯಕ್ಷ ಸುನೀಲ್ ಜೋಶಿ ಮತ್ತು ಎನ್ಸಿಎ ಮುಖ್ಯಸ್ಥ ರಾಹುಲ್ ದ್ರಾವಿಡ್ ಮುಂದೆ ಬೌಲಿಂಗ್ ಮಾಡುವ ಮೂಲಕ ಫಿಟ್ನೆಸ್ ಪರೀಕ್ಷೆ ಎದುರಿಸಿದ್ದಾರೆಂದು ತಿಳಿದು ಬಂದಿದೆ.
ಡಿಸೆಂಬರ್ 17ರಂದು ಭಾರತ ತಂಡ ಆಸ್ಟ್ರೇಲಿಯಾ ವಿರುದ್ಧ ಡೇ ಅಂಡ್ ನೈಟ್ ಟೆಸ್ಟ್ ಮೂಲಕ ಟೆಸ್ಟ್ ಸರಣಿ ಆರಂಭಿಸಲಿದೆ. ಈ ಸರಣಿಗೆ ಐಪಿಎಲ್ ವೇಳೆ ಗಾಯಕ್ಕೊಳಗಾಗಿರುವ ಭಾರತ ತಂಡ ಅನುಭವಿ ಬೌಲರ್ ಇಶಾಂತ್ ಶರ್ಮಾ ಖಚಿತತೆ ಇನ್ನೂ ನಿಗೂಢವಾಗಿ ಉಳಿದಿದೆ. ಸದ್ಯಕ್ಕೆ ಅವರು ಬೆಂಗಳೂರಿನ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ ಪುನರ್ ವಸತಿಯಲ್ಲಿದ್ದು, ಫಿಟ್ನೆಸ್ ತರಬೇತಿ ಪಡೆಯುತ್ತಿದ್ದಾರೆ.
ಸೈಡ್ ಸ್ಟ್ರೈನ್ ಬೌಲರ್ಗಳಲ್ಲಿ ಸಾಮಾನ್ಯವಾಗಿದೆ. ಇಶಾಂತ್ ಎನ್ಸಿಎ ನಿರ್ದೇಶಕ ದ್ರಾವಿಡ್ ಮತ್ತು ಪಿಸಿಯೋ ಆಶಿಶ್ ಕೌಶಿಕ್ ಕಣ್ಗಾವಲಿನಲ್ಲಿ ತರಬೇತಿ ಕಾರ್ಯದಲ್ಲಿದ್ದಾರೆ.
ಎನ್ಸಿಎ ಕೋಚ್ ಆಗಿರುವ ಪರಾಸ್ ಮಾಂಬ್ರೆ ಮತ್ತು ಮನ್ಸೂರ್ ಆಲಿಖಾನ್ ಅವರೊಂದಿಗೆ ಇಶಾಂತ್ ಸಿಂಗಲ್ ಸ್ಟಂಪ್ಗೆ ಗುರಿಯಾಗಿಸಿ ಬೌಲಿಂಗ್ ಮಾಡಿದ್ದಾರೆ. ಈ ವೇಳೆ ದ್ರಾವಿಡ್ ಹಾಗೂ ಆಯ್ಕೆ ಸಮಿತಿ ಅಧ್ಯಕ್ಷ ಸುನೀಲ್ ಜೋಶಿ ಕೂಡ ಹಾಜರಿದ್ದರೆಂದು ತಿಳಿದು ಬಂದಿದೆ.
ಈಗಾಗಲೇ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಕೂಡ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿ ವೇಳೆಗೆ ಇಶಾಂತ್ ಫಿಟ್ ಆಗಲಿದ್ದಾರೆ ಎಂಬ ನಿರೀಕ್ಷೆಯಲ್ಲಿದ್ದೇವೆ. ಅವರ ಲಭ್ಯತೆ ತಂಡಕ್ಕೆ ಅಗತ್ಯವಾಗಿದೆ. ಆದರೆ ಬಿಸಿಸಿಐ ಪ್ರೋಟೋಕಾಲ್ಗಳ ಪ್ರಕಾರ ತಂಡ ಸೇರಿಕೊಳ್ಳುವ ಮುನ್ನ ಇಶಾಂತ್ ಆಸ್ಟ್ರೇಲಿಯಾದಲ್ಲಿ ಎರಡು ಪ್ರಥಮ ದರ್ಜೆ ಪಂದ್ಯಗಳನ್ನಾಡಬೇಕಿದೆ ಎಂದು ಗಂಗೂಲಿ ತಿಳಿಸಿದ್ದಾರೆ.
