ಹೈದರಾಬಾದ್ :ಆಸ್ಟ್ರೇಲಿಯಾ ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯದಲ್ಲಿ 2ನೇ ಹಂತದ ಗಾಯಕ್ಕೊಳಗಾದ್ರೂ ಸುಮಾರು ಎರಡುವರೆ ಗಂಟೆಗಳ ಕಾಲ ಬ್ಯಾಟಿಂಗ್ ಮಾಡಿ ಭಾರತ ತಂಡವನ್ನು ಸೋಲಿನ ದವಡೆಯಿಂದ ತಪ್ಪಿಸಿದ್ದ ಹನುಮ ವಿಹಾರಿಯವರನ್ನು ತೆಲಂಗಾಣ ಮಾಹಿತಿ ತಂತ್ರಜ್ಞಾನ ಸಚಿವರು ಭೇಟಿ ಮಾಡಿ ಸನ್ಮಾನಿಸಿದ್ದಾರೆ.
ಜನವರಿ 11 ರಂದು ಮುಕ್ತಾಯಗೊಂಡಿದ್ದ ಸಿಡ್ನಿ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ 250ಕ್ಕೆ 4 ವಿಕೆಟ್ ಕಳೆದುಕೊಂಡಿದ್ದ ವೇಳೆ ವಿಹಾರಿ ಕ್ರೀಸ್ಗೆ ಆಗಮಿಸಿದ್ದರು. ಅವರು ಕೆಲವೇ ಎಸೆತಗಳನ್ನು ಎದುರಿಸಿದ್ದ ಸಂದರ್ಭದಲ್ಲಿ ಹ್ಯಾಮ್ಸ್ಟಿಂಗ್ ನೋವಿನಿಂದ ಬಳಲಿದ್ದರು. ಆದರೂ ಅವರು 80ನೇ ಓವರ್ನಿಂದ 131ನೇ ಓವರ್ ಮುಗಿಯುವವರೆಗೂ ಮೈದಾನದಲ್ಲಿ ಭಾರತ ತಂಡವನ್ನು ಸೋಲಿನ ದವಡೆಯಿಂದ ತಪ್ಪಿಸಿದ್ದರು. ವಿಹಾರಿ 161 ಎಸೆತಗಳನ್ನು ಎದುರಿಸಿ 23 ರನ್ಗಳಿಸಿದ್ದರು.