ಆ್ಯಂಟಿಗುವಾ:ವಿಂಡೀಸ್ ವಿರುದ್ಧದಮಳೆ ಬಾಧಿತಮೊದಲ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಪ್ರಥಮ ದಿನದ ಗೌರವ ಸಂಪಾದಿಸಿದೆ. ಆರು ವಿಕೆಟ್ ನಷ್ಟಕ್ಕೆ 203 ರನ್ ಕಲೆ ಹಾಕಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ವಿರಾಟ್ ಪಡೆಗೆ ಕೆರಿಬಿಯನ್ ಬೌಲರ್ಸ್ ಆಘಾತ ನೀಡಿದರು. 25 ರನ್ ಗಳಿಸುವಷ್ಟರಲ್ಲಿ ಪ್ರಮುಖ ಮೂರು ವಿಕೆಟ್ ಕಳೆದುಕೊಂಡು ಆರಂಭಿಕ ಕುಸಿತ ಕಂಡಿತ್ತು.
ಆಂಭಿಕ ಆಟಗಾರ ಮಯಾಂಕ್ ಅಗರ್ವಾಲ್(5), ಚೇತೇಶ್ವರ ಪೂಜಾರ(2) ಹಾಗೂ ನಾಯಕ ಕೊಹ್ಲಿ (9) ರನ್ನಿಗೆ ವಿಕೆಟ್ ಒಪ್ಪಿಸಿ ಹೊರ ನಡೆದರು. ಈ ವೇಳೆ ತಂಡಕ್ಕೆ ಆಸರೆಯಾದ ಕನ್ನಡಿಗ ಕೆ ಎಲ್‌ ರಾಹುಲ್ ಹಾಗೂ ಅಜಿಂಕ್ಯ ರಹಾನೆ ಉತ್ತಮ ಜೊತೆಯಾಟ ನೀಡಿದರು.
ರಾಹುಲ್ 44 ರನ್ ಗಳಿಸಿ ಔಟಾದರೆ ರಹಾನೆ ಅತ್ಯಮೂಲ್ಯ 81 ಸಿಡಿಸಿ ತಂಡದವನ್ನು ಆತಂಕದಿಂದ ಪಾರು ಮಾಡಿದರು. ಹನುಮ ವಿಹಾರಿ ಆಟ 32 ರನ್ನಿಗೆ ಕೊನೆಯಾಯಿತು.20 ರನ್ ಗಳಿಸಿರುವ ರಿಷಭ್ ಪಂತ್ ಹಾಗೂ 3 ರನ್ ಗಳಿಸಿರುವ ರವೀಂದ್ರ ಜಡೇಜಾ ಎರಡನೇ ದಿನಕ್ಕೆ ಆಟ ಕಾಯ್ದುಕೊಂಡಿದ್ದಾರೆ.
ವಿಂಡೀಸ್ ಪರ ಕೆಮರ್ ರೋಚ್ 3, ಶಾನನ್ ಗೇಬ್ರಿಯಲ್ 2 ಹಾಗೂ ರೋಸ್ಟನ್ ಚೇಸ್ 1 ವಿಕೆಟ್ ಪಡೆದು ಮಿಂಚಿದರು.
