ಪದಾರ್ಪಣೆ ಪಂದ್ಯದಲ್ಲೇ ಎರಡು ವಿಕೆಟ್​ ಪಡೆದು ಮಿಂಚಿದ ನವ್​ದೀಪ್​ ಸೈನಿ

ಆಗಸ್ಟ್​ 3 ರಂದು ಭಾರತದ ಟಿ20 ತಂಡದ ಪರ ಪದಾರ್ಪಣೆ ಮಾಡಿದ್ದ ನವ್​ದೀಪ್​ ಸೈನಿ ಇಂದು ನಡೆದ ವಿಂಡೀಸ್​ ವಿರುದ್ಧ ಕೊನೆಯ ಏಕದಿನ ಪಂದ್ಯದಲ್ಲಿ ಭಾರತದ 229 ಆಟಗಾರನಾಗಿ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್​ಗೆ ಕಾಲಿಟ್ಟರು.

ಕಟಕ್​:ವೇಗಿ ನವ್​ದೀಪ್​ ಸೈನಿ ಏಕದಿನ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ ಪಂದ್ಯದಲ್ಲೇ ಪ್ರಮುಖ ಎರಡು ವಿಕೆಟ್​ ಪಡೆದು ವೃತ್ತಿ ಜೀವನದ ಆರಂಭವನ್ನು ಸ್ಮರಣೀಯವನ್ನಾಗಿಸಿಕೊಂಡಿದ್ದಾರೆ.

ಆಗಸ್ಟ್​ 3 ರಂದು ಭಾರತದ ಟಿ20 ತಂಡದ ಪರ ಪದಾರ್ಪಣೆ ಮಾಡಿದ್ದ ನವ್​ದೀಪ್​ ಸೈನಿ ಇಂದು ನಡೆದ ವಿಂಡೀಸ್​ ವಿರುದ್ಧ ಕೊನೆಯ ಏಕದಿನ ಪಂದ್ಯದಲ್ಲಿ ಭಾರತದ 229 ಆಟಗಾರನಾಗಿ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್​ಗೆ ಕಾಲಿಟ್ಟರು. ನಾಯಕ ವಿರಾಟ್​ ಕೊಹ್ಲಿ ಕ್ಯಾಪ್​ ನೀಡುವ ಮೂಲಕ ಏಕದಿನ ತಂಡಕ್ಕೆ ಯುವ ವೇಗಿಯನ್ನು ಬರ ಮಾಡಿಕೊಂಡರು.

ಕಾಲಿಟ್ಟ ಮೊದಲ ಪಂದ್ಯದಲ್ಲಿ ವೆಸ್ಟ್​ ಇಂಡೀಸ್​ ತಂಡದ ಸ್ಫೋಟಕ ಆಟಗಾರ ಶಿಮ್ರಾನ್ ಹೆಟ್ಮೈರ್​ ವಿಕೆ ಪಡೆದ ಸೈನಿ, ತಮ್ಮ ನಂತರದ ಓವರ್​ನಲ್ಲಿ 38 ರನ್​ಗಳಿಸಿ ಉತ್ತಮವಾಗಿ ಆಡುತ್ತಿದ್ದ ರಾಸ್ಟನ್​ ಚೇಸ್​ರನ್ನು ಔಟ್​ ಮಾಡುವ ಮೂಲಕ ಭಾರತಕ್ಕೆ ಮೇಲುಗೈ ತಂದುಕೊಟ್ಟಿದ್ದಾರೆ.

ವಿಂಡೀಸ್​ ವಿರುದ್ಧವೇ ಟಿ20 ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿ ಮೂರು ವಿಕೆಟ್​ ಪಡೆದು ಮಿಂಚಿದ್ದ ಸೈನಿ ಏಕದಿನ ಪಂದ್ಯದಲ್ಲೂ ವಿಂಡೀಸ್​ಗೆ ಕಂಟಕಪ್ರಾಯರಾಗಿದ್ದಾರೆ.