ಕೋಲ್ಕತ್ತಾ:ಭಾರತದ ಕ್ರಿಕೆಟ್ ಕಾಶಿ ಈಡನ್ ಗಾರ್ಡನ್ನಲ್ಲಿ ಇಂದು ಆರಂಭವಾದ ಅಹರ್ನಿಶಿ ಟೆಸ್ಟ್ ಪಂದ್ಯ ಕೆಲ ಅದ್ಭುತ ಕ್ಯಾಚ್ಗಳಿಗೆ ಸಾಕ್ಷಿಯಾಯಿತು.
ಸ್ಲಿಪ್ನಲ್ಲಿ ರೋಹಿತ್ ಶರ್ಮಾ, ವಿಕೆಟ್ ಹಿಂದೆ ವೃದ್ಧಿಮಾನ್ ಸಹಾ ಹಾಗೂ ಸ್ಲಿಪ್ನಲ್ಲಿ ಚೇತೇಶ್ವರ ಪೂಜಾರ ಕೈಚಳಕ ಇಂದಿನ ಟೆಸ್ಟ್ ಪಂದ್ಯದ ಪ್ರಮುಖ ಹೈಲೈಟ್..!
ಹನ್ನೊಂದನೇ ಓವರ್ನಲ್ಲಿ ಉಮೇಶ್ ಯಾದವ್ ಎಸೆತವನ್ನು ಅರಿಯುವಲ್ಲಿ ವಿಫಲವಾದ ಮೊಮಿನುಲ್ ಹಕ್, ಸ್ಲಿಪ್ನಲ್ಲಿದ್ದ ರೋಹಿತ್ಗೆ ಕ್ಯಾಚಿತ್ತು ನಿರ್ಗಮಿಸಿದರು. ಒಂದು ಕೈಯಲ್ಲಿ ಡೈವ್ ಹೊಡೆದು ಕ್ಯಾಚ್ ಪಡೆದಿದ್ದು ಪಂದ್ಯದ ರೋಚಕತೆಯನ್ನೆ ಹೆಚ್ಚಿಸಿತ್ತು.
ನಂತರದಲ್ಲಿ ಮಹಮದುಲ್ಲಾ ನೀಡಿದ ಕ್ಲಿಷ್ಟಕರ ಕ್ಯಾಚನ್ನು ಕೀಪರ್ ವೃದ್ಧಿಮಾನ್ ಸಹಾ ಪಡೆದರು. ಇಶಾಂತ್ ಶರ್ಮಾ ಎಸೆತದಲ್ಲಿ ಈ ಅದ್ಭುತ ಕ್ಯಾಚ್ ಮೂಡಿಬಂತು.
ಕೊನೆಯ ವಿಕೆಟ್ ಆಗಿ ನಿರ್ಗಮಿಸಿದ ಅಬು ಜಯೇದ್ ಕ್ಯಾಚ್ ಸಹ ಕೊಂಚ ವಿಶೇಷತೆಯಿಂದ ಕೂಡಿತ್ತು. ಶಮಿ ಎಸೆತದಲ್ಲಿ ಜಯೇದ್ ನೀಡಿದ ಕ್ಯಾಚ್ ಮೊದಲಿಗೆ ರೋಹಿತ್ ಸನಿಹ ಬಂದಿತ್ತು. ಆದರೆ ಹಿಟ್ಮ್ಯಾನ್ ಕೈತಗುಲಿದ ಚೆಂಡು ಪೂಜಾರ ಕೈಸೇರಿತ್ತು.