ಮುಂಬೈ:ವಿಂಡೀಸ್ ವಿರುದ್ಧ ತವರಿನಲ್ಲಿ ನಡೆಯಲಿರುವ ನಿಗದಿತ ಓವರ್ಗಳ ಪಂದ್ಯಕ್ಕೆ ಟೀಂ ಇಂಡಿಯಾ ಬಳಗ ಗುರುವಾರ ಪ್ರಕಟವಾಗಲಿದೆ.
ರೋಹಿತ್ ಶರ್ಮಾ ಸತತವಾಗಿ ಸರಣಿಗಳಲ್ಲಿ ಪಾಲ್ಗೊಂಡಿರುವುದರಿಂದ ವಿಂಡೀಸ್ ಸರಣಿಯಿಂದ ಹೊರಗಿಡುವ ಸಾಧ್ಯತೆಯಿದೆ ಎನ್ನಲಾಗಿದೆ. ಇದೇ ವೇಳೆ, ಇನ್ನೋರ್ವ ಆರಂಭಿಕ ಆಟಗಾರ ಶಿಖರ್ ಧವನ್ ಕಳಪೆ ಫಾರ್ಮ್ನಿಂದ ಅವಕಾಶ ವಂಚಿತರಾಗುವ ಭೀತಿಯಲ್ಲಿದ್ದಾರೆ.
ಪೇಟಾ ವರ್ಷದ ಭಾರತೀಯ ಪ್ರಶಸ್ತಿಗೆ ವಿರಾಟ್ ಕೊಹ್ಲಿ ಭಾಜನ
ಆಯ್ಕೆ ಸಮಿತಿ ಮುಖ್ಯಸ್ಥ ಎಂ.ಎಸ್.ಕೆ ಪ್ರಸಾದ್ ನೇತೃತ್ವದಲ್ಲಿ ಗುರುವಾರ ಸಭೆ ಸೇರಲಿದ್ದು, ಕೆರಬಿಯನ್ನರ ವಿರುದ್ಧದ ಸರಣಿಗೆ ತಂಡವನ್ನು ಅಂತಿಮಗೊಳಿಸಲಿದ್ದಾರೆ.
ವಿಂಡೀಸ್ ವಿರುದ್ಧ ಭಾರತ ತಂಡ 3 ಏಕದಿನ ಹಾಗೂ 3 ಟಿ-ಟ್ವೆಂಟಿ ಪಂದ್ಯ ಆಡಲಿದೆ. ಡಿ.6ರಂದು ಮುಂಬೈನಲ್ಲಿ ನಡೆಯಲಿರುವ ಟಿ-20 ಪಂದ್ಯದ ಮೂಲಕ ಕೆರಬಿಯನ್ನರ ಈ ಪ್ರವಾಸ ಆರಂಭವಾಗಲಿದೆ. ಡಿ.15ರಂದು ಚೆನ್ನೈನಲ್ಲಿ ಮೊದಲ ಏಕದಿನ ಪಂದ್ಯ ಆಯೋಜನೆಯಾಗಿದೆ.
ಯಾವುದೂ ಅಸಾಧ್ಯವಲ್ಲ..! ಈ ದಾಖಲೆ ಬರೆಯುತ್ತಿರುವ ಮೊದಲ ಭಾರತೀಯ ಕೊಹ್ಲಿ!
ರೋಹಿತ್ ಶರ್ಮಾರಿಗೆ ವಿಂಡೀಸ್ ಸರಣಿಯಿಂದ ವಿಶ್ರಾಂತಿ ನೀಡಿ ಮುಂದಿನ ವರ್ಷದ ಆರಂಭದಲ್ಲಿ ಕಿವೀಸ್ ಪ್ರವಾಸದ ವೇಳೆ ತಂಡಕ್ಕೆ ಸೇರಿಸಿಕೊಳ್ಳುವ ಪ್ಲಾನ್ ಆಯ್ಕೆ ಸಮಿತಿಯಲ್ಲಿದೆ. ಹಿಟ್ಮ್ಯಾನ್ ಈ ವರ್ಷದಲ್ಲಿ ಐಪಿಎಲ್ ಸೇರಿದಂತೆ ಒಟ್ಟಾರೆ 60 ಪಂದ್ಯವನ್ನಾಡಿದ್ದಾರೆ. ವಿಶೇಷವೆಂದರೆ ನಾಯಕ ಕೊಹ್ಲಿಗಿಂತಲೂ ರೋಹಿತ್ ಹೆಚ್ಚಿನ ಪಂದ್ಯ ಆಡಿದ್ದಾರೆ. ನ್ಯೂಜಿಲ್ಯಾಂಡ್ ಪ್ರವಾಸದಲ್ಲಿ ಟೀಂ ಇಂಡಿಯಾ 5 ಟಿ-20, 3 ಏಕದಿನ ಹಾಗೂ 2 ಟೆಸ್ಟ್ ಪಂದ್ಯವನ್ನಾಡಲಿದೆ.
ಧವನ್ ಹಾಗೂ ರೋಹಿತ್ ಶರ್ಮಾ ಇಲ್ಲದ ತಂಡಕ್ಕೆ ಕನ್ನಡಿಗರು ಸೇರಿಕೊಳ್ಳುತ್ತಾರಾ ಎನ್ನುವ ಪ್ರಶ್ನೆಯೂ ಎದ್ದಿದೆ. ರಾಷ್ಟ್ರೀಯ ತಂಡದಲ್ಲಿ ಮಿಂಚು ಹರಿಸುತ್ತಿರುವ ಮಯಾಂಕ್ ಅಗರ್ವಾಲ್ ಹಾಗೂ ದೇಶೀಯ ಕ್ರಿಕೆಟ್ನಲ್ಲಿ ಉತ್ತಮ ಪ್ರದರ್ಶನ ತೋರಿಸುತ್ತಿರುವ ಕೆ.ಎಲ್ ರಾಹುಲ್ ಕೆರಬಿಯನ್ನರ ವಿರುದ್ಧದ ಸರಣಿಗೆ ಆಯ್ಕೆಯಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ.