ಅಹ್ಮದಾಬಾದ್:ಸ್ಪಿನ್ನರ್ಗಳಾದ ಅಶ್ವಿನ್ ಮತ್ತು ಅಕ್ಸರ್ ಪಟೇಲ್ ದಾಳಿಗೆ ತತ್ತರಿಸಿದ ಇಂಗ್ಲೆಡ್ ತಂಡ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಕೇವಲ 112 ರನ್ಗಳಿಗೆ ಸರ್ವಪತನ ಕಂಡಿದೆ.
ಸರ್ದಾರ್ ಪಟೇಲ್ ಸ್ಟೇಡಿಯಂನಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ತಂಡ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಕೇವಲ 3ನೇ ಓವರ್ನಲ್ಲಿ 100ನೇ ಟೆಸ್ಟ್ ಪಂದ್ಯವನ್ನಾಡುತ್ತಿರುವ ಇಶಾಂತ್ ಶರ್ಮಾ ಡೊಮೆನಿಕ್ ಸಿಬ್ಲೀ(0) ವಿಕೆಟ್ ಪಡೆಯುವ ಮೂಲಕ ಭಾರತ ತಂಡಕ್ಕೆ ಮೇಲುಗೈ ತಂದುಕೊಟ್ಟರು.
ಆದರೆ ನಂತರ ದಾಳಿಗಿಳಿದ ಸ್ಪಿನ್ನರ್ಗಳಾದ ಅಕ್ಸರ್ ಪಟೇಲ್ ಹಾಗೂ ಅಶ್ವಿನ್ ಇಂಗ್ಲೆಂಡ್ ಬ್ಯಾಟ್ಸ್ಮನ್ಗಳನ್ನು ಕ್ರೀಸ್ನಲ್ಲಿ ನೆಲೆಯೂರದಂತೆ ಮಾಡಿದರು. ಅಕ್ಸರ್ ಪಟೇಲ್ 38 ರನ್ ನೀಡಿ 6 ವಿಕೆಟ್ ಪಡೆದರೆ, ಆರ್.ಅಶ್ವಿನ್ 26 ರನ್ ನೀಡಿ 3 ವಿಕೆಟ್ ಪಡೆದು ಅಲ್ಪ ಮೊತ್ತಕ್ಕೆ ಆಂಗ್ಲರ ಪತನಕ್ಕೆ ಕಾರಣರಾದರು.
ಒಟ್ಟಾರೆ ಇಂಗ್ಲೆಂಡ್ 48.4 ಓವರ್ಗಳಲ್ಲಿ 112 ರನ್ಗಳಿಗೆ ಆಲೌಟ್ ಆಯಿತು. ಜ್ಯಾಕ್ ಕ್ರಾಲೆ 84 ಎಸೆತಗಳಲ್ಲಿ 10 ಬೌಂಡರಿ ಸಹಿತ 53 ರನ್ ಗಳಿಸಿ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. 17 ರನ್ ಗಳಿಸಿದ ನಾಯಕ ರೂಟ್ 2ನೇ ಗರಿಷ್ಠ ಸ್ಕೋರರ್ ಆದರು. ಸಿಬ್ಲೀ ಮತ್ತು ಬೈರ್ಸ್ಟೋವ್ ಸೊನ್ನೆ ಸುತ್ತಿದರೆ, ಸ್ಟೋಕ್ಸ್ 6, ಪೋಪ್ 1, ಫೋಕ್ಸ್ 12, ಆರ್ಚರ್ 11, ಲೀಚ್ 2, ಬ್ರಾಡ್ 3 ರನ್ ಗಳಿಸಿದರು.
