ವಿಶ್ವ ದಾಖಲೆ ಬರೆದ ಮಹಿಳಾ ಟಿ-20 ವಿಶ್ವಕಪ್​... ವಿಡಿಯೋ ವೀಕ್ಷಣೆ ಮಾಡಿದ್ದು ಬರೋಬ್ಬರಿ 5.4 ಬಿಲಿಯನ್​ ಜನ!​

ಆಸ್ಟ್ರೇಲಿಯಾದಲ್ಲಿ ನಡೆದ ಮಹಿಳಾ ಟಿ-20 ವಿಶ್ವಕಪ್​ ವೀಕ್ಷಣೆಯಲ್ಲಿ ಹೊಸ ದಾಖಲೆ ನಿರ್ಮಾಣ ಮಾಡಿದೆ. ಇದೀಗ ಐಸಿಸಿಯಿಂದ ಅಂಕಿ-ಸಂಖ್ಯೆ ರಿಲೀಸ್​ ಆಗಿದೆ.

ದುಬೈ:ಫೆಬ್ರವರಿ 21ರಿಂದ ಮಾರ್ಚ್​​ 8 ರವರೆಗೆ ಆಸ್ಟ್ರೇಲಿಯಾದಲ್ಲಿ ನಡೆದ ಐಸಿಸಿ ಮಹಿಳಾ ಟಿ-20 ವಿಶ್ವಕಪ್​​ ವೀಕ್ಷಣೆಯಲ್ಲಿ ಹೊಸ ದಾಖಲೆ ನಿರ್ಮಾಣಗೊಂಡಿದ್ದು, ಅಂತಾರಾಷ್ಟ್ರೀಯ ಕ್ರಿಕೆಟ್​ ಕೌನ್ಸಿಲ್​ ಇದೀಗ ಮಾಹಿತಿ ರಿವೀಲ್​ ಮಾಡಿದೆ.

ಡಿಜಿಟಲ್​ ಹಾಗೂ ಬ್ರಾಡ್​ಕಾಸ್ಟ್​​ ವೀಕ್ಷಣೆಯಲ್ಲಿ ಹೊಸ ದಾಖಲೆ ನಿರ್ಮಾಣಗೊಂಡಿದೆ. ಭಾರತದಲ್ಲೇ 9.02 ಮಿಲಿಯನ್​ ಜನ ಟೀಂ ಇಂಡಿಯಾ ವಿಶ್ವಕಪ್​ನ​ ವಿಡಿಯೋ ವೀಕ್ಷಣೆ ಮಾಡಿದ್ದಾರೆ. ಫೈನಲ್​ ಪಂದ್ಯ ವೀಕ್ಷಣೆ ಮಾಡಲು 86,174 ಜನರು ಫೈನಲ್​ ಪಂದ್ಯ ವೀಕ್ಷಣೆ ಮಾಡಲು ತೆರಳಿದ್ದರು. ಇನ್ನು ವಿಶ್ವದಾದ್ಯಂತ 5.4 ಬಿಲಿಯನ್​ ಜನರು ಇದರ ವೀಕ್ಷಣೆ(ವಿಡಿಯೊ) ಮಾಡಿದ್ದಾರೆ.

2019ರ ವಿಶ್ವಕಪ್​ ಮುಕ್ತಾಯದ ಬಳಿಕ ಇಷ್ಟೊಂದು ಹೆಚ್ಚಿಗೆ ವಿಡಿಯೋ ವೀಕ್ಷಣೆ ಮಾಡಿರುವುದು ಇದೇ ಟೂರ್ನಿ. 2017ರಲ್ಲಿ ನಡೆದ ಮಹಿಳಾ ವಿಶ್ವಕಪ್​ ಕೂಡ ಅತಿ ಹೆಚ್ಚು ಸಲ ವೀಕ್ಷಣೆಯಾಗಿದೆ.

ಐಸಿಸಿ ಮುಖ್ಯ ಕಾರ್ಯನಿರ್ವಾಹಕ ಮನು ಸಾಹ್ನಿ ಉದರ ಬಗ್ಗೆ ಮಾತನಾಡಿದ್ದು, ಮಹಿಳಾ ಕ್ರಿಕೆಟ್​ ಕೂಡ ದಿನಕಳೆದಂತೆ ಫೇಮಸ್​ ಆಗುತ್ತಿದೆ ಎಂಬುದಕ್ಕೆ ಈ ಅಂಕಿ-ಸಂಖ್ಯೆಗಳು ಉದಾಹರಣೆ ಎಂದು ಹೇಳಿದ್ದಾರೆ.