ದುಬೈ: ಶ್ರೀಲಂಕಾ ಮತ್ತು ಇಂಗ್ಲೆಂಡ್ ನಡುವಿನ ಟೆಸ್ಟ್ ಸರಣಿ ಮುಗಿಯುತ್ತಿದ್ದಂತೆ ಐಸಿಸಿ ನೂತನ ಟೆಸ್ಟ್ ರ್ಯಾಂಕಿಂಗ್ ಬಿಡುಗಡೆ ಮಾಡಿದ್ದು, ನ್ಯೂಜಿಲ್ಯಾಂಡ್ ಮತ್ತು ಭಾರತ ತಂಡಗಳು ಅಗ್ರ ಎರಡು ಸ್ಥಾನಗಳನ್ನು ಉಳಿಸಿಕೊಂಡಿವೆ.
ಇಂಗ್ಲೆಂಡ್ ತಂಡ ಗಾಲೆಯಲ್ಲಿ ನಡೆದ 2 ಟೆಸ್ಟ್ ಪಂದ್ಯಗಳನ್ನು ಗೆದ್ದು, ಸಿಂಹಳೀಯರ ನಾಡಿನಲ್ಲೇ ಟೆಸ್ಟ್ ಸರಣಿಯನ್ನು ವಶಪಡಿಸಿಕೊಂಡಿದೆ. ಈ ಮೂಲಕ 106 ಇದ್ದ ತನ್ನ ರೇಟಿಂಗ್ ಅಂಕವನ್ನು 108ಕ್ಕೆ ಏರಿಕೆ ಮಾಡಿಕೊಂಡು 4ನೇ ಸ್ಥಾನದಲ್ಲಿ ಸ್ಥಿರವಾಗಿದೆ.
ಈ ಸರಣಿ ಮುಗಿಯುತ್ತಿದ್ದಂತೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ ನೂತನ ತಂಡಗಳ ಟೆಸ್ಟ್ ರ್ಯಾಂಕಿಂಗ್ ಬಿಡುಗಡೆ ಮಾಡಿದ್ದು, ನ್ಯೂಜಿಲ್ಯಾಂಡ್ 118.44 ಅಂಕಗಳೊಡನೆ ಅಗ್ರಸ್ಥಾನ ಪಡೆದರೆ, ಭಾರತ ತಂಡ 117.65 ಅಂಕ ಪಡೆದು ಎರಡನೇ ಸ್ಥಾನ ಉಳಿಸಿಕೊಂಡಿದೆ.
3ರಲ್ಲಿ ಆಸ್ಟ್ರೇಲಿಯಾ (113), 4ರಲ್ಲಿ ಇಂಗ್ಲೆಂಡ್(108), 5 ರಲ್ಲಿ ದಕ್ಷಿಣ ಆಫ್ರಿಕಾ (96), 6ರಲ್ಲಿ ಶ್ರೀಲಂಕಾ (83), 7ರಲ್ಲಿ ಪಾಕಿಸ್ತಾನ (82), 8ರಲ್ಲಿ ವೆಸ್ಟ್ ಇಂಡೀಸ್ (77) ಮತ್ತು 9ರಲ್ಲಿ ಬಾಂಗ್ಲಾದೇಶ (55) ಇವೆ.
ಇದನ್ನು ಓದು:ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಮುಂದೂಡಿಕೆ.. ಜೂನ್ 18-22ರವರೆಗೆ ನಡೆಯುವ ಸಾಧ್ಯತೆ
