ಮುಂಬೈ:ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ನಲ್ಲಿ ಅಮೋಘ ಪ್ರದರ್ಶನ ತೋರುತ್ತಿರುವ ಕೊಹ್ಲಿ ಪಡೆ ಟೆಸ್ಟ್ ರ‍್ಯಾಂಕಿಂಗ್‌ನಲ್ಲೂ ತನ್ನ ಅಧಿಪತ್ಯ ಮುಂದುವರಿಸಿದೆ.
ಬಾಂಗ್ಲಾದೇಶದ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ಅಮೋಘ ಬ್ಯಾಟಿಂಗ್ ಪ್ರದರ್ಶನ ತೋರಿದ ಕನ್ನಡಿಗ ಮಯಾಂಕ್ ಒಂದು ಸ್ಥಾನ ಮೇಲೇರಿದ್ದು, 11ನೇ ಶ್ರೇಯಾಂಕದಿಂದ 10ನೇ ಸ್ಥಾನಕ್ಕೇರಿದ್ದಾರೆ. ಇನ್ನು ನಾಯಕ ಕೊಹ್ಲಿ(928) ಸ್ಮಿತ್(931)ಗಿಂತ ಕೇವಲ 3 ರೇಟಿಂಗ್ ಅಂಕ ಹಿಂದಿದ್ದು ಅಗ್ರಸ್ಥಾನದ ಸನಿಹ ಬಂದಿದ್ದಾರೆ.
ಇನ್ನುಳಿದಂತೆ ಪೂಜಾರ(791) ನಾಲ್ಕನೆ ಸ್ಥಾನದಲ್ಲಿ, ರಾಹಾನೆ (759) 5ನೇ ಸ್ಥಾನದಲ್ಲಿ ಮುಂದಿದ್ದಾರೆ. ಕೇನ್ ವಿಲಿಯಮ್ಸನ್(877) 3ನೇ ಸ್ಥಾನದಲ್ಲಿ ಮುಂದುವರಿದಿದ್ದಾರೆ. ಆದರೆ ಟೂರ್ನಿಯಲ್ಲಿ ಕಳಪೆ ಬ್ಯಾಟಿಂಗ್ ಪ್ರದರ್ಶನ ತೋರಿದ ರೋಹಿತ್ ಶರ್ಮಾ 10 ರಿಂದ 13ನೇ ಸ್ಥಾನಕ್ಕೆ ಕುಸಿತ ಕಂಡಿದ್ದಾರೆ.
ಇನ್ನು ಬೌಲಿಂಗ್ ಶ್ರೇಯಾಂಕದಲ್ಲಿ ಬುಮ್ರಾ (5) ಒಂದು ಸ್ಥಾನ ಕುಸಿದಿದ್ದರೆ, ಶಮಿ 3 ಸ್ಥಾನ ಕುಸಿದು ಟಾಪ್ 10ನಿಂದ ಹೊರಬಿದ್ದಿದ್ದಾರೆ. ಅಶ್ವಿನ್ 9ನೇ ಸ್ಥಾನದಲ್ಲಿದ್ದರೆ, ಜಡೇಜಾ 15, ಇಶಾಂತ್ ಶರ್ಮಾ 17ನೇ, ಉಮೇಶ್ ಯಾದವ್ 21ನೇ ಸ್ಥಾನದಲ್ಲಿದ್ದಾರೆ.
