ಐಸಿಸಿ ಏಕದಿನ ರ‍್ಯಾಂಕಿಂಗ್... ಅಗ್ರ ಎರಡು ಸ್ಥಾನ ಉಳಿಸಿಕೊಂಡ ವಿರಾಟ್​, ರೋಹಿತ್​

ವಿರಾಟ್​ ಕೊಹ್ಲಿ 887 ರೇಟಿಂಗ್​ ಅಂಕ ಪಡೆದು​ ಅಗ್ರಸ್ಥಾನದಲ್ಲಿ ಮುಂದುವರಿದರೆ, ರೋಹಿತ್ 873 ಅಂಕಗಳಿಸಿಕೊಂಡಿದ್ದು, ಎರಡನೇ ಸ್ಥಾನ  ಕಾಯ್ದುಕೊಂಡಿದ್ದಾರೆ.

ಲಂಡನ್​:ಭಾರತ ತಂಡದ ರನ್​ ಮಷಿನ್​ ವಿರಾಟ್​ ಕೊಹ್ಲಿ ಹಾಗೂ ರೋಹಿತ್​ ಶರ್ಮಾ ​ಐಸಿಸಿ ಏಕದಿನ ರ‍್ಯಾಂಕಿಂಗ್​ನಲ್ಲಿ ತಮ್ಮ ಅಗ್ರಸ್ಥಾನ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.

ವಿರಾಟ್​ ಕೊಹ್ಲಿ 887 ರೇಟಿಂಗ್​ ಅಂಕ ಪಡೆದು​ ಅಗ್ರಸ್ಥಾನದಲ್ಲಿ ಮುಂದುವರಿದರೆ, ರೋಹಿತ್ 873 ಅಂಕಗಳಿಸಿಕೊಂಡಿದ್ದು, ಎರಡನೇ ಸ್ಥಾನ ಕಾಯ್ದುಕೊಂಡಿದ್ದಾರೆ. ರೋಹಿತ್​ ಶರ್ಮಾ ವೆಸ್ಟ್​ ಇಂಡೀಸ್​ ವಿರುದ್ಧ ಭರ್ಜರಿ ಬ್ಯಾಟಿಂಗ್​ ಪ್ರದರ್ಶನ ನೀಡಿದ್ದರು. ಮೂರು ಪಂದ್ಯಗಳಲ್ಲಿ ಒಂದು ತಲಾ ಒಂದು ಶತಕ ಹಾಗೂ ಅರ್ಧಶತಕ ಸಹಿತ 258 ರನ್​ ಸಿಡಿಸಿ ಮಿಂಚಿದ್ದ ಅವರು ಸರಣಿ ಶ್ರೇಷ್ಠ ಪ್ರಶಸ್ತಿ ಪಡೆದಿದ್ದರು. ಇನ್ನು ಕೊಹ್ಲಿ ಕೂಡ ಕೊನೆಯ ಏಕದಿನ ಪಂದ್ಯದಲ್ಲಿ 85 ರನ್ ಸಿಡಿಸಿದ್ದರು. ಕೆ.ಎಲ್.​ ರಾಹುಲ್​ ಮೂರು ಪಂದ್ಯಗಳಿಂದ 185 ರನ್​ಗಳಿಸಿದ್ದರು. ಅವರು ಕೂಡ 17 ಸ್ಥಾನ ಏರಿಕೆ ಕಂಡಿದ್ದಾರೆ. ಇನ್ನು ಪಾಕಿಸ್ತಾನದ ಬಾಬರ್​ ಅಜಂ 3, ಪಾಫ್​ ಡು ಪ್ಲೆಸಿಸ್​ 4 ರಾಸ್​ ಟೇಲರ್​ 5, ಕೇನ್​ ವಿಲಿಯಮ್ಸನ್ 6, ಡೇವಿಡ್​ ವಾರ್ನರ್​ 7, ಜೋ ರೂಟ್​ 8ನೇ ಸ್ಥಾನ ಪಡೆದಿದ್ದಾರೆ.

ಭಾರತ ವಿರುದ್ಧ 3 ಪಂದ್ಯಗಳಲ್ಲಿ 222 ರನ್​ಗಳಿಸಿ ಅದ್ಭುತ ಬ್ಯಾಟಿಂಗ್​ ಪ್ರದರ್ಶನ ನೀಡಿದ್ದ ವಿಂಡೀಸ್​ ತಂಡದ ಶಾಯ್​ ಹೋಪ್​ 5 ಸ್ಥಾನ ಮೇಲೇರಿ 9ನೇ ಸ್ಥಾನ ಪಡೆದುಕೊಂಡಿದ್ದಾರೆ. ಶಿಮ್ರಾನ್​ ಹೆಟ್ಮೈರ್​ 7 ಸ್ಥಾನ ಮೇಲೇರಿ 19 ನೇ ಸ್ಥಾನ, ಪೂರಾನ್​ 32 ಸ್ಥಾನ ಮೇಲೇರಿ 30ನೇ ಸ್ಥಾನ ಅಲಂಕರಿಸಿದ್ದಾರೆ.