ಕೊಹ್ಲಿ, ವಿಲಿಯಮ್ಸನ್​ ಹಿಂದಿಕ್ಕಿ ಐಸಿಸಿ ದಶಕದ ಟೆಸ್ಟ್​ ಕ್ರಿಕೆಟಿಗ ಪ್ರಶಸ್ತಿ ಬಾಚಿಕೊಂಡ ಸ್ಮಿತ್​

ಸ್ಮಿತ್​ ಈ ಅವದಿಯಲ್ಲಿ 65.79ರ ಸರಾಸರಿಯಲ್ಲಿ 7040 ರನ್ ​ಗಳಿಸಿದ್ದಾರೆ. ಆಸ್ಟ್ರೇಲಿಯಾದ ಲೆಜೆಂಡ್​ ಬ್ರಾಡ್ಮನ್(99.9) ಅವರನ್ನು ಹೊರತುಪಡಿಸಿದರೆ ಸ್ಮಿತ್​ ಮಾತ್ರ ಸರಸರಿಯಲ್ಲಿ 60 ದಾಟಿದ ಬ್ಯಾಟ್ಸ್​ಮನ್​ ಎನಿಸಿಕೊಂಡಿದ್ದಾರೆ. ಅವರು ಒಂದು ವರ್ಷ ನಿಷೇಧಕ್ಕೊಳಗಾದರೂ ಈ ಪ್ರಶಸ್ತಿಯನ್ನು ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

ದುಬೈ: ಆಸ್ಟ್ರೇಲಿಯಾದ ಮಾಜಿ ಕ್ಯಾಪ್ಟನ್​ ಸ್ಟೀವ್​​ ಸ್ಮಿತ್​ 'ಐಸಿಸಿ ಟೆಸ್ಟ್​ ಕ್ರಿಕೆಟಿಗ' ಪ್ರಶಸ್ತಿಗೆ ಭಾಜನರಾಗಿದ್ದಾರೆ. 31 ವರ್ಷದ ಆಸೀಸ್​ ಸ್ಟಾರ್​ ಬ್ಯಾಟ್ಸ್​ಮನ್, ವಿರಾಟ್​ ಕೊಹ್ಲಿ, ಕೇನ್​ ವಿಲಿಯಮ್ಸನ್​, ಆಲಿಸ್ಟರ್​ ಕುಕ್​ ಅವರಂತಹ ಸ್ಟಾರ್​ ಆಟಗಾರರನ್ನು ಹಿಂದಿಕ್ಕಿ ಈ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

ಆದರೆ ಸ್ಮಿತ್​ ಈ ಪ್ರಶಸ್ತಿಗೆ ಭಾಜನರಾಗಿರುವುದು ಯಾವುದೇ ಅಚ್ಚರಿಯಲ್ಲ. ಏಕೆಂದರೆ ಅವರು ಈ ಅವದಿಯಲ್ಲಿ 65.79ರ ಸರಾಸರಿಯಲ್ಲಿ 7040 ರನ್ ​ಗಳಿಸಿದ್ದಾರೆ. ಆಸ್ಟ್ರೇಲಿಯಾದ ಲೆಜೆಂಡ್​ ಬ್ರಾಡ್ಮನ್(99.9) ಅವರನ್ನು ಹೊರತುಪಡಿಸಿದರೆ ಸ್ಮಿತ್​ ಮಾತ್ರ ಸರಸರಿಯಲ್ಲಿ 60 ದಾಟಿದ ಬ್ಯಾಟ್ಸ್​ಮನ್​ ಎನಿಸಿಕೊಂಡಿದ್ದಾರೆ. ಅವರು ಒಂದು ವರ್ಷ ನಿಷೇಧಕ್ಕೊಳಗಾದರೂ ಈ ಪ್ರಶಸ್ತಿಯನ್ನು ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಸ್ಮಿತ್​ 26 ಶತಕ ಹಾಗೂ 28 ಅರ್ಧಶತಕ ಸಿಡಿಸಿದ್ದಾರೆ. 2015ರಲ್ಲಿ ಮೈಕಲ್​ ಕ್ಲಾರ್ಕ್​ ಅವರಿಂದ ಆಸ್ಟ್ರೇಲಿಯಾ ತಂಡದ ನಾಯಕತ್ವವನ್ನು ವಹಿಸಿಕೊಂಡ ನಂತರ 2015ರಿಂದಲೂ ಟೆಸ್ಟ್​ ಬ್ಯಾಟಿಂಗ್ ಶ್ರೇಯಾಂಕದಲ್ಲಿ ನಂಬರ್​ ಒನ್​ ಸ್ಥಾನ ಉಳಿಸಿಕೊಂಡು ಬಂದಿದ್ದಾರೆ. ಕೊಹ್ಲಿ ಸ್ಮಿತ್​ ನಿಷೇಧದ ಅವಧಿಯಲ್ಲಿ ಕೆಲಕಾಲ ನಂಬರ್ ಒನ್ ಸ್ಥಾನದಲ್ಲಿದ್ದರು.

ಇನ್ನು ಐಸಿಸಿ ದಶಕದ ಟಿ-20 ಕ್ರಿಕೆಟಿಗ ಪ್ರಶಸ್ತಿಯನ್ನು ಅಫ್ಘಾನಿಸ್ತಾನಿದ ಸ್ಪಿನ್ನರ್​ ರಶೀದ್ ಖಾನ್ ಪಡೆದಿದ್ದಾರೆ. ಅವರು ಈ ಅವಧಿಯಲ್ಲಿ 89 12.62 ಸರಾಸರಿಯಲ್ಲಿ ಟಿ-20 ವಿಕೆಟ್​ಗಳನ್ನು ಪಡೆದಿದ್ದಾರೆ. ಅವರು 4 ಪಂದ್ಯಗಳಲ್ಲಿ ತಲಾ 4 ವಿಕೆಟ್, 2 ಬಾರಿ 5 ವಿಕೆಟ್​ ಕೂಡ ಪಡೆದಿದ್ದಾರೆ.​