ಧೋನಿ ಮಾತು ಕೇಳಿದ್ದರೆ ದ್ವಿಶತಕ ಹೊಡೆಯುತ್ತಿರಲಿಲ್ಲ: ರೋಹಿತ್​ ಶರ್ಮಾ ಅಚ್ಚರಿಯ ಹೇಳಿಕೆ

ಧೋನಿ ಮಾತು ಕೇಳಿದ್ರೆ 2013ರಲ್ಲಿ ನಾನು ದ್ವಿಶತಕ ಸಿಡಿಸಲು ಆಗುತ್ತಿರಲಿಲ್ಲ ಎಂದು ರೋಹಿತ್​ ಅಚ್ಚರಿಯ ಹೇಳಿಕೆ ನೀಡಿದ್ದಾರೆ.

ಮುಂಬೈ:ವೃತ್ತಿ ಜೀವನದ ಆರಂಭದ ವೇಳೆ ರನ್​ಗಳಿಸದೆ ಪರಾದಾಡುತ್ತಿದ್ದ ಹಿಟ್​ಮ್ಯಾನ್​ ರೋಹಿತ್​ ಶರ್ಮಾ, ಧೋನಿ ನೆರವಿನಿಂದ ಆರಂಭಿಕನಾಗಿ ಬಡ್ತಿ ಪಡೆದು ಕ್ರಿಕೆಟ್​ ಜಗತ್ತಿನಲ್ಲೇ ಅತ್ಯುತ್ತಮ ಬ್ಯಾಟ್ಸ್​ಮನ್​ ಆಗಿ ಮಿಂಚುತ್ತಿದ್ದಾರೆ. ಆದ್ರೆ ಧೋನಿ ಮಾತು ಕೇಳಿದ್ರೆ ನಾನು 2013ರಲ್ಲಿ ಸಿಡಿಸಿದ ಚೊಚ್ಚಲ ದ್ವಿಶತಕ ಸಿಡಿಸಲು ಆಗುತ್ತಿರಲಿಲ್ಲ ಎಂದು ರೋಹಿತ್​ ಅಚ್ಚರಿಯ ಹೇಳಿಕೆ ನೀಡಿದ್ದಾರೆ.

ರವಿಚಂದ್ರನ್​ ಅಶ್ವಿನ್​​ ಜೊತೆ ನಡೆಸಿದ ಇನ್ಸ್ಟಾಗ್ರಾಮ್​ ಲೈವ್​ ಸಂವಾದದಲ್ಲಿ ರೋಹಿತ್ ತಮ್ಮ ಚೊಚ್ಚಲ ದ್ವಿಶತಕ ಮೂಡಿಬಂದ ಸ್ಮರಣೀಯ ಇನ್ನಿಂಗ್ಸ್​ ಬಗ್ಗೆ ಹಂಚಿಕೊಂಡಿದ್ದಾರೆ.

2013 ರ ಆಸ್ಟ್ರೇಲಿಯಾ ವಿರುದ್ಧದ ಏಕದಿನ ಸರಣಿಯ ಕೊನೆಯ ಪಂದ್ಯದಲ್ಲಿ ರೋಹಿತ್​ ದ್ವಿಶತಕ ಸಿಡಿಸಿದ್ದರು. ಈ ವೇಳೆ ರೋಹಿತ್​ ಆರಂಭಿಕ ಧವನ್​(60) ಜೊತೆ ಸೇರಿ 112 ರನ್​ಗಳ ಜೊತೆಯಾಟ ನಡೆಸಿದ್ದರು, ನಂತರ ಮತ್ತೆ ರೈನಾ ಜೊತೆಗೆ 73 ರನ್​ಗಳ ಜೊತೆಯಾಟ ನಡೆಸಿದ್ದರು. ರೈನಾ( ಮತ್ತು ಯುವಿ(12)ಔಟಾದ ನಂತರ ಧೋನಿ ಕ್ರೀಸ್​ಗೆ ಆಗಮಿಸಿದ್ದರು. ಶತಕದ ಗಡಿ ದಾಟಿದ ಬಳಿಕ ಧೋನಿ, ರೋಹಿತ್​ಗೆ​ ಅಬ್ಬರ ಬ್ಯಾಟಿಂಗ್​ ಮುಂದಾಗ ಬೇಡ ಎಂದಿದ್ದರಂತೆ. ಆದರೆ ಧೋನಿ ಮಾತನ್ನು ಕೇಳದೆ ನನ್ನಾಟ ಆಡಿದ್ದಕ್ಕೆ ದ್ವಿಶತಕ ಬಾರಿಸಿದೆ ಎಂದು ರೋಹಿತ್​ ಹೇಳಿದ್ದಾರೆ.

‘ನೀನು ಸೆಟ್​ ಬ್ಯಾಟ್ಸ್​ಮನ್​, 47,48,49ನೇ ಓವರ್​ವರೆಗೂ ಬ್ಯಾಟಿಂಗ್​ ನಡೆಸಬೇಕು. ಏಕೆಂದರೆ ನೀನು ಬೇಕಾದ ಕಡೆ ರನ್​ ತಗೆಯಬಹುದು, ಈಗ ಸಿಂಗಲ್ಸ್​, ಡಬಲ್ಸ್​ ಕಡೆಗೆ ಗಮನ ನೀಡು, ನಾನು ಬೌಂಡರಿ-ಸಿಕ್ಸರ್​ಗೆ ಮುಂದಾಗುವೆ ಎಂದು ಧೋನಿ ಹೇಳುತ್ತಲೇ ಇದ್ದರು. ಆದರೆ ನಾನು ಧೋನಿ ಮಾತನ್ನು ಕೇಳುತ್ತಲೇ ಇದ್ದೆ, ಅದೇ ರೀತಿ ನನ್ನ ಆಟವನ್ನು ಮುಂದುವರಿಸಿದೆ. ಸ್ಪಿನ್ನರ್​ ಡೊಹೆರ್ಟಿ ಓವರ್​ನಲ್ಲಿ 4 ಸಿಕ್ಸರ್​ ಸಹಿತ 30 ರನ್​ಗಳಿಸಿದ್ದರಿಂದ ದ್ವಿಶತಕ ಸಿಡಿಸಲು ಸಾಧ್ಯವಾಯಿತು.’

ಒಂದು ವೇಳೆ ಧೋನಿ ಮಾತನ್ನು ಕೇಳಿದ್ದರೆ ಅಂದು ನಾನು ದ್ವಿಶತಕದ ಸನಿಹವೂ ಬರುತ್ತಿರಲಿಲ್ಲ ಎಂದು ಏಕದಿನ ಕ್ರಿಕೆಟ್​ನಲ್ಲಿ 3 ದ್ವಿಶತಕ ಸಿಡಿಸಿರುವ ರೋಹಿತ್​ 7 ವರ್ಷಗಳ ಹಿಂದಿನ ಘಟನೆಯನ್ನು ಸ್ಮರಿಸಿದ್ದಾರೆ.

ರೋಹಿತ್(209) ದ್ವಿಶತಕ ಹಾಗೂ ಧವನ್​ ಮತ್ತು ಧೋನಿ ಅವರ ಅರ್ಧಶತಕದ ನೆರವಿನಿಂದ ಭಾರತ ತಂಡ 383 ರನ್​ಗಳ ಬೃಹತ್​ ಮೊತ್ತ ದಾಖಲಿಸಿತ್ತು. ಆಸ್ಟ್ರೇಲಿಯಾ 326 ರನ್​ಗಳಿಸಷ್ಟೇ ಶಕ್ತವಾಗಿ 57 ರನ್​ಗಳ ಸೋಲುಕಂಡಿತ್ತು. ರೋಹಿತ್​ ಪಂದ್ಯ ಶ್ರೇಷ್ಠ ಹಾಗೂ ಸರಣಿ ಶ್ರೇಷ್ಠ ಎರಡು ಪ್ರಶಸ್ತಿಗಳನ್ನು ಬಾಚಿಕೊಂಡಿದ್ದರು.