ವೆಲ್ಲಿಂಗ್ಟನ್: ನ್ಯೂಜಿಲ್ಯಾಂಡ್ನ ಅನುಭವಿ ಆಟಗಾರ ರಾಸ್ ಟೇಲರ್, ತಮ್ಮ ಫಿಟ್ನೆಟ್, ಫಾರ್ಮ್ ಹಾಗೂ ಮುಂಬರುವ ವಿಶ್ವಕಪ್ನಲ್ಲಿ ಆಡುವ ಇರಾದೆ ವ್ಯಕ್ತಪಡಿಸಿದ್ದಾರೆ. ಮುಂದಿನ ವರ್ಷ ನನ್ನ ಫಿಟ್ನೆಸ್ ಆಧಾರದ ಮೇಲೆ ತಂಡದಲ್ಲಿ ಸ್ಥಾನ ಪಡೆಯುವುದು ನಿರ್ಧಾರವಾಗುತ್ತೆ ಎಂದಿದ್ದಾರೆ.
ನ್ಯೂಜಿಲ್ಯಾಂಡ್ ಸ್ಫೋಟಕ ಆಟಗಾರ ರಾಸ್ ಟೇಲರ್ ನಾನು 2023 ರ ವಿಶ್ವಕಪ್ನಲ್ಲಿ ಆಡುವುದನ್ನು ತಳ್ಳಿಹಾಕಿಲ್ಲ. ಅದಕ್ಕಿನ್ನೂ ಸಮಯವಿದೆ. ಮುಂದಿನ ವರ್ಷದಲ್ಲಿ ಬರುವ ಟಿ20 ವಿಶ್ವಕಪ್ ಸೇರಿದಂತೆ ತವರು ನೆಲದಲ್ಲಿ ನಡೆಯುವ ಪಂದ್ಯಗಳಲ್ಲಿ ನಾನು ಆಡಬೇಕಿದೆ. ಆ ಬಳಿಕ ನಾನು ವಿಶ್ವಕಪ್ನಲ್ಲಿ ಸ್ಥಾನ ಗಳಿಸುವ ಬಗ್ಗೆ ಯೋಚನೆ ಮಾಡುತ್ತೇನೆ. ಮುಂದಿನ ವರ್ಷದ ಕೊನೆಯಲ್ಲಿನ ನನ್ನ ಫಿಟ್ನೆಸ್, ವಿಶ್ವಕಪ್ ತಂಡದಲ್ಲಿ ಸ್ಥಾನ ಗಿಟ್ಟಿಸಿಕೊಳ್ಳುವುದನ್ನು ನಿರ್ಧರಿಸುತ್ತದೆ ಎಂದು ಟೇಲರ್ ಹೇಳಿದ್ದಾರೆ.
ಫಿಟ್ನೆಸ್ ಹೊಂದಿ, ನನ್ನ ಸ್ಥಾನಕ್ಕೆ ಅರ್ಹನಾಗಿದ್ದು ಆಡಲು ಸಾಧ್ಯವಾದರೆ, ಖಂಡಿತವಾಗಿಯೂ 2023ರಲ್ಲಿ ಆಡುವ ಆಯ್ಕೆಯನ್ನೇ ಆರಿಸಿಕೊಳ್ಳುತ್ತೇನೆ. ಆಟದಲ್ಲಿ ಮುಂದುವರಿಯುವ ಬಯಕೆಯ ಹೊರತಾಗಿಯೂ, ನಾನು ಹೆಚ್ಚು ಒತ್ತಡಕ್ಕೆ ಒಳಗಾಗುವುದಿಲ್ಲ ಎಂದು ಟೇಲರ್ ಹೇಳಿಕೊಂಡಿದ್ದಾರೆ.
ಶೀಘ್ರದಲ್ಲೇ ಹೊಸ ದಾಖಲೆ ನಿರ್ಮಿಸಲಿರೋ ರಾಸ್ ಟೇಲರ್:
35 ರ ಹರೆಯದ ಟೇಲರ್, ಫೆಬ್ರವರಿ 21 ರಂದು ಬೇಸಿನ್ ರಿಸರ್ವ್‌ನಲ್ಲಿ ಭಾರತ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಆಡುವುದರೊಂದಿಗೆ ಮೂರೂ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ತಲಾ 100 ಪಂದ್ಯಗಳನ್ನು ಆಡಿದ ವಿಶ್ವದ ಮೊದಲ ಕ್ರಿಕೆಟಿಗ ಆಗಲಿದ್ದಾರೆ. ಈ ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ನೂತನ ದಾಖಲೆ ನಿರ್ಮಿಸಲಿದ್ದಾರೆ.
ನ್ಯೂಜಿಲ್ಯಾಂಡ್ ಬ್ಯಾಟ್ಸ್ಮೆನ್ ಟೇಲರ್
