ಧೋನಿ ಯುವ ಆಟಗಾರರನ್ನ ಬೆಳೆಸಿದ ಹಾಗೆ ಕೊಹ್ಲಿ - ರೋಹಿತ್​ ಕೂಡ ಬೆಳೆಸಬೇಕು: ಗೌತಮ್​ ಗಂಭೀರ್​ ಸಲಹೆ

" ಪ್ರಸ್ತುತ ಯುವ ಕ್ರಿಕೆಟಿಗರಾದ ಶುಬ್ಮನ್​ ಗಿಲ್​, ಸಂಜು ಸಾಮ್ಸನ್​ ಅಂತಹ ಯುವ ಕ್ರಿಕೆಟಿಗರಿಗೆ ರೋಹಿತ್​ ಶರ್ಮಾರಿಗೆ ಸಿಕ್ಕಂತಹ ಬೆಂಬಲ ಸಿಗಬೇಕಿದೆ ಎಂದು ಮಂಚೂಣಿ ಸುದ್ದಿ ಮಾಧ್ಯಮವೊಂದಕ್ಕೆ ಗಂಭೀರ್​ ತಿಳಿಸಿದ್ದಾರೆ.

ಮುಂಬೈ: ಧೋನಿ ಭಾರತ ತಂಡದ ನಾಯಕತ್ವ ವಹಿಸಿಕೊಂಡಂತಹ ಸಂದರ್ಭದಲ್ಲಿ ತಂಡಕ್ಕೆ ಆಯ್ಕೆಯಾದಂತಹ ಪ್ರತಿಭಾವಂತ ಯುವ ಕ್ರಿಕೆಟಿಗರನ್ನು ಬೆಳೆಸಿದ ಹಾಗೆ ಪ್ರಸ್ತುತ ವಿರಾಟ್​-ರೋಹಿತ್​ ಅವರಿಂದಲೂ ಇಂತಹುದ್ದೇ ಬೆಂಬಲವನ್ನು ಯುವ ಆಟಗಾರರಿಗೆ ಕೊಡಲಿದ್ದಾರೆ ಎಂಬ ನಿರೀಕ್ಷೆಯಲ್ಲಿದ್ದೇನೆ ಎಂದು ಗೌತಮ್​ ಗಂಭೀರ್​ ತಿಳಿಸಿದ್ದಾರೆ.

ರೋಹಿತ್​ ಆವರನ್ನೇ ಉದಾಹರಣೆಯಾಗಿ ತೆಗೆದುಕೊಂಡಿರುವ ಗಂಭೀರ್, ಧೋನಿ ನಾಯಕರಾಗಿದ್ದ ವೇಳೆ ರೋಹಿತ್​ ಶರ್ಮಾ ಮಧ್ಯ್ಯಮ ಕ್ರಮಾಂಕದಲ್ಲಿ ರನ್​ ಬರ ಎದುರಿಸುತ್ತಿದ್ದರು. ಆದರೆ ಅವರ ಪ್ರತಿಭೆಯನ್ನು ಗುರುತಿಸಿದ ಧೋನಿ ಅವರಿಗೆ ಅರಂಭಿಕರಾಗಿ ಬಡ್ತಿ ನೀಡಿದರು. ಅಲ್ಲಿಂದ ಅವರ ಆಟವೇ ಬದಲಾಯಿತು. ಧೋನಿಯ ಆ ಒಂದು ನಿರ್ಧಾರದಿಂದ ಇಂದು ರೋಹಿತ್ ಶರ್ಮಾ ವಿಶ್ವಶ್ರೇಷ್ಠ ಬ್ಯಾಟ್ಸ್​ಮನ್​ ಆಗಿದ್ದಾರೆ ಎಂದು ಗಂಭೀರ್ ತಿಳಿಸಿದ್ದಾರೆ.

ಧೋನಿ-ಕೊಹ್ಲಿ

" ಪ್ರಸ್ತುತ ಯುವ ಕ್ರಿಕೆಟಿಗರಾದ ಶುಬ್ಮನ್​ ಗಿಲ್​, ಸಂಜು ಸಾಮ್ಸನ್​ ಅಂತಹ ಯುವ ಕ್ರಿಕೆಟಿಗರಿಗೆ ಅಂತಹ ಬೆಂಬಲ ಸಿಗಬೇಕಿದೆ ಎಂದು ಮಂಚೂಣಿ ಸುದ್ದಿ ಮಾಧ್ಯಮಕ್ಕೆ ಗಂಭೀರ್​ ತಿಳಿಸಿದ್ದಾರೆ.

ಇದೀಗ ರೋಹಿತ್​ ಸೀನಿಯರ್​ ಆಟಗಾರನಾಗಿದ್ದಾರೆ. ಅವರಿಂದ ಯುವ ಆಟಗಾರರ ಬೆನ್ನಿಗೆ ಅವರು ನಿಲ್ಲುತ್ತಾರೆ ಎಂಬ ವಿಶ್ವಾಸದಲ್ಲಿದ್ದೇನೆ. ಯುವ ಆಟಗಾರರಿಗೆ ಬೆಂಬಲ ನೀಡಿದರೆ ಅವರು ಅದ್ಭುತ ಪ್ರತಿಭೆಯಾಗಿ ಹೊರ ಹೊಮ್ಮುತ್ತಾರೆ ಎನ್ನುವುದಕ್ಕೆ ರೋಹಿತ್​ ನಮ್ಮ ಮುಂದಿರುವ ಅದ್ಭುತ ಉದಾಹರಣೆ ಎಂದು ಗಂಭೀರ್​ ಅಭಿಪ್ರಾಯ ಪಟ್ಟಿದ್ದಾರೆ.

ರೋಹಿತ್ - ಧೋನಿ

ಧೋನಿಯ ಬಗ್ಗೆ ಒಂದು ವಿಷಯ ಹೇಳಬೇಕೆಂದರೆ, ಅವರು ಸದಾ ರೋಹಿತ್​ ಬಗ್ಗೆ ಮಾತನಾಡುತ್ತಿದ್ದರು. ಅವರೂ ತಂಡದ ಭಾಗವಾಗದಿದ್ದರೂ ಕೂಡ ಧೋನಿ ಅವರನ್ನು ಸೈಡ್​ಲೈನ್​ ಮಾಡಿರಲಿಲ್ಲ ಎಂದು ಡೆಲ್ಲಿ ಡ್ಯಾಶರ್​ ತಿಳಿಸಿದ್ದಾರೆ.

ವಿರಾಟ್​-ರೋಹಿತ್​ ಕೂಡ ತಂಡಕ್ಕೆ ಬರುವ ಯುವ ಆಟಗಾರರ ಬೆಳವಣಿಗೆಗೆ ಧೋನಿ ನೀಡಿದ ಬೆಂಬಲವನ್ನು ನೀಡುತ್ತಾರೆಂದು ನಿರೀಕ್ಷಿಸಿದ್ದೇನೆ ಎಂದು ಗಂಭೀರ್​ ತಿಳಿಸಿದ್ದಾರೆ.