ನವದೆಹಲಿ:ಭಾರತ ತಂಡ ಗೆದ್ದಿರುವ ಟಿ-20 ಹಾಗೂ ಏಕದಿನ ವಿಶ್ವಕಪ್ ಫೈನಲ್ನಲ್ಲಿ ಅತ್ಯುತ್ತಮ ಬ್ಯಾಟಿಂಗ್ ನಡೆಸಿದ್ದ ಗಂಭೀರ್ ಕ್ರಿಕೆಟ್ ಜೀವನ ಅಂತ್ಯಗೊಳ್ಳಲು ನಾನೇ ಕಾರಣ ಎಂದು ಪಾಕಿಸ್ತಾನದ ವೇಗಿ ಮೊಹಮ್ಮದ್ ಇರ್ಫಾನ್ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.
ಒಂದು ಕಾಲಘಟ್ಟದಲ್ಲಿ ದೆಹಲಿಯ ಬ್ಯಾಟ್ಸ್ಮನ್ ಗೌತಮ್ ಗಂಭೀರ್ ಟೀಂ ಇಂಡಿಯಾದ ಪ್ರಮುಖ ಬ್ಯಾಟ್ಸ್ಮನ್ ಆಗಿದ್ದರು. ಉತ್ತಮ ಆರಂಭಿಕನಾಗಿದ್ದ ಅವರು ಸೆಹ್ವಾಗ್, ಸಚಿನ್ ರೋಹಿತ್ ಜೊತೆಗೆ ಇನ್ನಿಂಗ್ಸ್ ಆರಂಭಿಸಿ ಉತ್ತಮ ದಾಖಲೆಗಳುನ್ನು ಹೊಂದಿದ್ದಾರೆ. ಇಂತಹ ಬ್ಯಾಟ್ಸ್ಮನ್ ಕ್ರಿಕೆಟ್ ಜೀವನ ನನ್ನಿಂದಲೆ ಅಂತ್ಯವಾಯಿತು ಎಂದು ಇರ್ಫಾನ್ ನಾಲಿಗೆ ಹರಿಬಿಟ್ಟಿದ್ದಾನೆ. ಈ ಮೂಲಕ ಭಾರತೀಯರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.
ಇರ್ಫಾನ್ ಸುದ್ದಿ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಪಾಕಿಸ್ತಾನ - ಭಾರತದ ನಡುವಿನ 2012ರಲ್ಲಿ ನಡೆದಿದ್ದ ದ್ವಿಪಕ್ಷೀಯ ಸರಣಿ ವೇಳೆ ಗಂಭಿರ್ರನ್ನು ನಾನು ನಾಲ್ಕು ಬಾರಿ ಪೆವಿಲಿಯನ್ಗೆ ಅಟ್ಟಿದ್ದೆ. ನನ್ನ ಬೌಲಿಂಗ್ ದಾಳಿಗೆ ಗಂಭೀರ್ ಸೇರಿದಂತೆ ಹೆಚ್ಚಿನ ಟೀಂ ಇಂಡಿಯಾ ಬ್ಯಾಟ್ಸ್‌ಮನ್‌ಗಳು ರನ್ಗಳಿಸಲು ಪರದಾಡುತ್ತಿದ್ದರು. ನಾನು ಬೌಲಿಂಗ್ ಮಾಡಲು ಬಂದರೆ ಗಂಭೀರ್ ಹೆದರುತ್ತಿದ್ದರು. ನಾನು ನೆಟ್ಸ್ನಲ್ಲಿ ಬೌಲಿಂಗ್ ಮಾಡಲು ಬಂದರೆ ನನ್ನ ಕಣ್ಣಲ್ಲಿ ಕಣ್ಣಿಟ್ಟು ಸಹಾ ನೋಡುತ್ತಿರಲಿಲ್ಲ. ನನ್ನ ಬೌಲಿಂಗ್ ಎಂದರೆ ನರ್ವಸ್ ಆಗುತ್ತಿದ್ದರು ಎಂದು ಹೇಳಿದ್ದಾರೆ.