ವಿಶ್ರಾಂತಿ ಮಜಾದಲ್ಲಿ ಟೀಂ ಇಂಡಿಯಾ ಆಟಗಾರರು...ಧವನ್​ ಏರಿದ್ದೇನು?

ಭಾರತದ ಆರಂಭಿಕ ಆಟಗಾರ ಗಬ್ಬರ್​ ಸಿಂಗ್​ ಎಂದೇ ಖ್ಯಾತರಾಗಿರುವ ಧವನ್​ ಅಭ್ಯಾಸದ ವೇಳೆ ಕುದುರೆ ಸವಾರಿ ನಡೆಸಿ ಗಬ್ಬರ್​ ಸಿಂಗ್​ ಅವತಾರದಲ್ಲಿ ಮಿಂಚಿದ್ದಾರೆ.

ನವದೆಹಲಿ: ನ್ಯೂಜಿಲ್ಯಾಂಡ್​ ಟೂರ್​ನಿಂದ ಭಾರತಕ್ಕೆ ಮರಳಿ ಬಂದ ಮೇಲೆ ಆಟಗಾರರು ವಿಶ್ರಾಂತಿಗೆ ಮೊರೆ ಹೋಗಿದ್ದಾರೆ. ಕುಟುಂಬದವರ ಜತೆ ರಜೆ ಮಜೆ ಅನುಭವಿಸುತ್ತಿದ್ದಾರೆ.

ಹೌದು ಭಾರತೀಯ ಆಟಗಾರರು ನಿರಂತರ ಕ್ರಿಕೆಟ್​ನಿಂದ ಸುಸ್ತು ಹೊಡೆದಿದ್ದರು. ಇದೀಗ ಅವರಿಗೆ ಹಲವು ದಿನಗಳ ಕಾಲ ಬಿಡುವು ಸಿಕ್ಕಿದೆ. ಇದೇ ಅವಧಿಯನ್ನ ವಿಶ್ರಾಂತಿಗೆ ಬಳಸಿಕೊಳ್ಳುತ್ತಿದ್ದಾರೆ. ಆದರೆ, ಟೀಂ ಇಂಡಿಯಾ ಓಪ್ನರ್​ ಹಾಗೂ ಗಬ್ಬರ್​ ಸಿಂಗ್ ಖ್ಯಾತಿಯ ಶಿಖರ್​ ಧವನ್​ ಮಾತ್ರ ಕುದುರೆ ರೇಸ್​ನಲ್ಲಿ ಬ್ಯೂಸಿಯಾಗಿದ್ದಾರೆ.

ಕುದುರೆ ಏರಿ ರೇಸ್​​ ಪ್ರಾಕ್ಟೀಸ್​ ಮಾಡ್ತಿದ್ದಾರೆ. ಕ್ರೀಡಾಂಗಣದಲ್ಲಿ ಕುದುರೆ ಏರಿ ರೌಂಡ್ಸ್​ ಹಾಕಿ ಎಂಜಾಯ್​ ಮಾಡ್ತಿದ್ದಾರೆ. ಕುದುರೆ ಏರಿದ ವಿಡಿಯೋವೊಂದನ್ನ ತಮ್ಮ ಟ್ವಿಟರ್ ಅಕೌಂಟ್​​ನಲ್ಲಿ ಅಪ್ಲೋಡ್​ ಮಾಡಿಕೊಂಡಿದ್ದಾರೆ. ಈ ವಿಡಿಯೋ ಈಗ ಸಖತ್​ ವೈರಲ್​ ಆಗಿದೆ.